ᠳᠠᠭᠤᠯᠠᠯ ᠵᠢᠷᠠᠨ ᠨᠢᠭᠡ
ᠠᠯᠤᠰ ᠠᠴᠠ ᠬᠠᠮᠠᠭᠠᠯᠠᠯᠲᠠ ᠭᠤᠶᠤᠪᠠ
ᠳ᠋ᠠᠸᠢᠳ᠋ ᠤᠨ ᠳᠠᠭᠤᠯᠠᠯ᠂ ᠨᠠᠢᠷᠠᠯ ᠳᠠᠭᠤᠤ ᠶᠢᠨ ᠤᠳᠤᠷᠢᠳᠤᠭᠠᠴᠢ ᠳᠤ᠃ ᠤᠲᠠᠰᠤᠲᠤ ᠬᠥᠭᠵᠢᠮ ᠳᠡᠭᠡᠷᠡ᠃
1 ᠪᠤᠷᠬᠠᠨ᠂ ᠬᠠᠰᠬᠢᠷᠬᠤ ᠶᠢ ᠮᠢᠨᠢ ᠰᠣᠨᠣᠰᠣᠭᠠᠴᠢ ᠭᠤᠶᠤᠯᠲᠠ ᠳᠤ ᠮᠢᠨᠢ ᠴᠢᠬᠢ ᠲᠠᠯᠪᠢᠭᠠᠴᠢ᠃
2 ᠵᠢᠷᠦᠬᠡ ᠮᠢᠨᠢ ᠴᠥᠬᠥᠷᠡᠬᠦ ᠳᠦ᠂ ᠪᠢ ᠭᠠᠵᠠᠷ ᠤᠨ ᠬᠢᠵᠠᠭᠠᠷ ᠠᠴᠠ ᠲᠠᠨ ᠢ ᠳᠠᠭᠤᠳᠠᠨᠠ ᠨᠠᠳᠠ ᠠᠴᠠ ᠥᠨᠳᠥᠷ ᠬᠠᠳᠠ ᠥᠭᠡᠳᠡ ᠨᠠᠮᠠᠶᠢ ᠬᠥᠲᠥᠯᠥᠭᠡᠴᠢ᠂
3 ᠤᠤᠯ ᠠᠴᠠ ᠪᠠᠨ ᠲᠠ ᠮᠢᠨᠦ ᠬᠣᠷᠭᠣᠳᠠᠬᠤ ᠭᠠᠵᠠᠷ ᠳᠠᠢᠰᠤᠨ ᠤ ᠡᠮᠦᠨᠡᠬᠢ ᠪᠠᠲᠤ ᠴᠠᠮᠬᠠᠭ ᠪᠠᠢᠭᠰᠠᠨ᠃
4 ᠲᠠᠨ ᠤ ᠮᠠᠢᠬᠠᠨ ᠳᠤ ᠪᠢ ᠡᠭᠦᠷᠢᠳᠡ ᠠᠮᠢᠳᠤᠷᠠᠨᠠ ᠲᠠᠨ ᠤ ᠵᠢᠭᠦᠷ ᠦᠨ ᠰᠡᠭᠦᠳᠡᠷ ᠳᠣᠣᠷᠠ ᠬᠣᠷᠭᠣᠳᠠᠨᠠ᠃
ᠰᠧᠯᠠ
5 ᠤᠴᠢᠷ ᠨᠢ ᠪᠤᠷᠬᠠᠨ ᠲᠠ ᠲᠠᠩ᠋ᠭᠠᠷᠢᠭ ᠢ ᠮᠢᠨᠢ ᠰᠣᠨᠣᠰᠣᠭᠰᠠᠨ ᠪᠢᠯᠡ ᠥᠪᠡᠷ ᠦᠨ ᠲᠠᠨᠢ ᠨᠡᠷᠡ ᠡᠴᠡ ᠡᠮᠢᠶᠡᠭᠴᠢᠳ ᠤᠨ ᠥᠮᠴᠢ ᠶᠢ ᠨᠠᠳᠠ ᠳᠤ ᠰᠣᠶᠣᠷᠬᠠᠭᠰᠠᠨ᠃
6 ᠲᠠ ᠬᠠᠭᠠᠨ ᠤ ᠡᠳᠦᠷ ᠤᠳ ᠳᠡᠭᠡᠷᠡ ᠡᠳᠦᠷ ᠤᠳ ᠨᠡᠮᠡᠵᠦ ᠣᠨ ᠵᠢᠯ ᠤᠳ ᠢ ᠨᠢ ᠦᠶᠡ ᠶᠢᠨ ᠦᠶᠡ ᠳᠦ ᠦᠷᠭᠦᠯᠵᠢᠯᠡᠭᠦᠯᠦᠭᠡᠴᠢ᠃
7 ᠲᠡᠷᠡ ᠪᠡᠷ ᠪᠤᠷᠬᠠᠨ ᠤ ᠡᠮᠦᠨᠡ ᠮᠥᠩᠬᠡᠳᠡ ᠰᠠᠭᠤᠬᠤ ᠪᠣᠯᠲᠤᠭᠠᠢ᠂ ᠬᠠᠢᠷᠠ ᠪᠠ ᠦᠨᠡᠨ ᠢᠶᠡᠷ ᠲᠡᠭᠦᠨ ᠢ ᠬᠠᠷᠠᠭᠤᠯᠳᠠᠭᠠᠴᠢ᠃
8 ᠲᠡᠭᠡᠪᠡᠯ ᠪᠢ ᠲᠠᠨ ᠤ ᠨᠡᠷᠡ ᠶᠢ ᠡᠭᠦᠷᠢᠳᠡ ᠮᠠᠭᠲᠠᠨ ᠡᠳᠦᠷ ᠡᠳᠦᠷ ᠲᠠᠩ᠋ᠭᠠᠷᠢᠭ ᠤᠳ ᠢᠶᠠᠨ ᠪᠡᠶᠡᠯᠡᠭᠦᠯᠦᠨᠡ᠃