ᠳᠠᠭᠤᠯᠠᠯ ᠵᠠᠭᠤ ᠳᠥᠴᠢᠨ ᠳᠣᠯᠣᠭᠠ
ᠢᠪᠡᠭᠡᠭᠴᠢ ᠪᠤᠷᠬᠠᠨ ᠢ ᠮᠠᠭᠲᠠᠭᠲᠤᠨ
1 ᠶᠣᠬᠣᠸᠠ ᠶᠢ ᠮᠠᠭᠲᠠᠭᠲᠤᠨ︕ ᠪᠢᠳᠡᠨ ᠦ ᠪᠤᠷᠬᠠᠨ ᠳᠤ ᠳᠠᠭᠤᠤ ᠡᠷᠭᠦᠬᠦ ᠨᠢ ᠰᠠᠢᠨ᠂ ᠲᠡᠭᠦᠨ ᠢ ᠮᠠᠭᠲᠠᠬᠤ ᠨᠢ ᠰᠠᠢᠬᠠᠨ ᠪᠥᠭᠡᠳ ᠲᠠᠭᠠᠯᠠᠮᠵᠢᠲᠠᠢ᠂
2 ᠶᠣᠬᠣᠸᠠ ᠪᠣᠯ ᠶᠧᠷᠦ᠋ᠰᠠᠯᠧᠮ ᠢ ᠪᠣᠰᠬᠠᠨ ᠪᠠᠷᠢᠭᠴᠢ ᠢᠰᠷᠧᠯ ᠤᠨ ᠴᠥᠯᠡᠭᠳᠡᠭᠰᠡᠳ ᠢ ᠴᠤᠭᠯᠠᠭᠤᠯᠤᠭᠴᠢ
3 ᠰᠢᠨᠠᠯᠤᠭᠰᠠᠨ ᠵᠢᠷᠦᠬᠡ ᠶᠢ ᠠᠨᠠᠭᠠᠨ ᠰᠢᠷᠬᠠ ᠶᠢ ᠨᠢ ᠪᠣᠭᠣᠭᠴᠢ᠂
4 ᠣᠳᠣᠳ ᠢ ᠲᠣᠭᠠ ᠪᠠᠷ ᠨᠢ ᠲᠠᠨᠢᠵᠤ ᠨᠡᠷᠡ ᠨᠡᠷᠡ ᠪᠡᠷ ᠨᠢ ᠵᠡᠷᠭᠡ ᠪᠡᠷ ᠳᠠᠭᠤᠳᠠᠭᠴᠢ᠂
5 ᠪᠢᠳᠡᠨ ᠦ ᠡᠵᠡᠨ ᠠᠭᠤᠤ᠂ ᠠᠤᠭᠠ ᠬᠦᠴᠦᠲᠡᠢ᠂ ᠣᠶᠤᠨ ᠤᠬᠠᠭᠠᠨ ᠨᠢ ᠴᠠᠭᠯᠠᠰᠢ ᠦᠭᠡᠢ᠂
6 ᠶᠣᠬᠣᠸᠠ ᠪᠣᠯ ᠳᠠᠷᠤᠤ ᠶᠢ ᠡᠷᠭᠦᠮᠵᠢᠯᠡᠵᠦ ᠪᠤᠷᠤᠭᠤᠲᠠᠳ ᠢ ᠭᠠᠵᠠᠷ ᠲᠤ ᠤᠨᠠᠭᠠᠭᠴᠢ᠂
7 ᠶᠣᠬᠣᠸᠠ ᠳᠤ ᠲᠠᠯᠠᠷᠬᠠᠨ ᠳᠠᠭᠤᠯᠠᠭᠲᠤᠨ ᠪᠢᠳᠡᠨ ᠦ ᠪᠤᠷᠬᠠᠨ ᠢ ᠶᠠᠲᠤᠭᠠ ᠪᠠᠷ ᠮᠠᠭᠲᠠᠭᠲᠤᠨ᠂
8 ᠲᠡᠷᠡ ᠪᠣᠯ ᠲᠩᠷᠢ ᠶᠢ ᠡᠭᠦᠯᠡᠰ ᠢᠶᠡᠷ ᠪᠦᠷᠬᠦᠨ ᠭᠠᠵᠠᠷ ᠤᠨ ᠲᠥᠯᠥᠭᠡ ᠪᠣᠷᠣᠭᠠᠨ ᠢ ᠪᠡᠯᠡᠳᠬᠡᠭᠴᠢ ᠠᠭᠤᠯᠠᠰ ᠤᠨ ᠳᠡᠭᠡᠷᠡ ᠨᠣᠭᠣᠭᠠ ᠶᠢ ᠤᠷᠭᠤᠭᠤᠯᠤᠭᠴᠢ
9 ᠠᠷᠢᠶᠠᠲᠠᠨ ᠬᠢᠭᠡᠳ ᠭᠤᠸᠠᠭᠠᠯᠠᠨ ᠪᠠᠢᠭᠠ ᠬᠡᠷᠢᠶᠡᠨ ᠵᠤᠯᠵᠠᠭᠠ ᠳᠤ ᠢᠳᠡᠰᠢ ᠰᠣᠶᠣᠷᠬᠠᠭᠴᠢ᠂
10 ᠶᠣᠬᠣᠸᠠ ᠮᠣᠷᠢᠨ ᠤ ᠴᠢᠳᠠᠯ ᠢ ᠲᠠᠭᠠᠰᠢᠶᠠᠬᠤ ᠦᠭᠡᠢ ᠬᠥᠮᠦᠨ ᠦ ᠬᠦᠴᠦ 30 ᠶᠢ ᠲᠠᠭᠠᠯᠠᠬᠤ ᠦᠭᠡᠢ᠂
11 ᠶᠣᠬᠣᠸᠠ ᠥᠪᠡᠷ ᠡᠴᠡ ᠨᠢ ᠡᠮᠢᠶᠡᠭᠴᠢᠳ ᠢ ᠦᠨᠡᠨ ᠬᠠᠢᠷᠠ ᠳᠤᠨᠢ ᠨᠠᠢᠳᠠᠭᠴᠢᠳ ᠢ ᠲᠠᠭᠠᠯᠠᠳᠠᠭ᠂
12 ᠶᠧᠷᠦ᠋ᠰᠠᠯᠧᠮ ᠡ᠂ ᠶᠣᠬᠣᠸᠠ ᠶᠢ ᠠᠯᠳᠠᠷᠰᠢᠭᠤᠯᠤᠭᠲᠤᠨ︕ ᠽᠢᠶᠣᠨ ᠡ᠂ ᠥᠪᠡᠷ ᠦᠨ ᠢᠶᠠᠨ ᠪᠤᠷᠬᠠᠨ ᠢ ᠮᠠᠭᠲᠠᠭᠲᠤᠨ︕
13 ᠲᠡᠷᠡ ᠪᠡᠷ ᠬᠠᠭᠠᠯᠭᠠ ᠶᠢᠨ ᠴᠢᠨᠢ ᠲᠦᠭᠵᠢᠶᠡ ᠶᠢ ᠪᠡᠬᠢᠯᠡᠵᠦ ᠴᠢᠨᠦ ᠳᠣᠲᠣᠷᠠᠬᠢ ᠬᠡᠦᠬᠡᠳ ᠤᠳ ᠢ ᠢᠷᠥᠭᠡᠭᠰᠡᠨ᠂
14 ᠲᠡᠷᠡ ᠪᠣᠯ ᠴᠢᠨᠦ ᠬᠢᠯᠢ ᠬᠢᠵᠠᠭᠠᠷ ᠲᠤ ᠠᠮᠤᠭᠤᠯᠠᠩ ᠢ ᠲᠣᠭᠲᠠᠭᠠᠭᠴᠢ᠂ ᠲᠡᠷᠡ ᠴᠢᠮᠠᠶᠢ ᠣᠬᠢ ᠰᠠᠢᠨ ᠪᠤᠭᠤᠳᠠᠢ ᠪᠠᠷ ᠴᠠᠳᠬᠠᠨᠠ᠂
15 ᠲᠡᠷᠡ ᠪᠣᠯ ᠲᠤᠰᠢᠶᠠᠯ ᠢᠶᠠᠨ ᠳᠡᠯᠡᠬᠡᠢ ᠳᠦ ᠢᠯᠡᠭᠡᠭᠴᠢ᠂ ᠲᠡᠭᠦᠨ ᠦ ᠦᠭᠡ ᠮᠠᠰᠢ ᠬᠤᠷᠳᠤᠨ ᠭᠦᠶᠦᠨᠡ᠂
16 ᠲᠡᠷᠡ ᠪᠣᠯ ᠴᠠᠰᠤ ᠶᠢ ᠨᠣᠣᠰᠣ ᠰᠢᠭ᠋ ᠪᠠᠭᠤᠯᠭᠠᠭᠴᠢ ᠲᠡᠷᠡ ᠬᠢᠷᠠᠭᠤ ᠶᠢ ᠦᠨᠡᠰᠦ ᠰᠢᠭ ᠪᠤᠲᠠᠷᠠᠭᠠᠨᠠ᠂
17 ᠲᠡᠷᠡ ᠪᠣᠯ ᠰᠢᠮᠠᠷᠭᠠ ᠪᠠᠨ ᠦᠢᠷᠡᠮᠡᠭ ᠰᠢᠭ ᠰᠠᠴᠤᠭᠴᠢ ᠬᠡᠨ ᠵᠢᠪᠠᠷ ᠢ ᠨᠢ ᠰᠥᠷᠥᠨ ᠵᠣᠭᠰᠣᠬᠤ ᠪᠤᠢ︖
18 ᠲᠡᠷᠡ ᠦᠭᠡ ᠪᠡᠨ ᠢᠯᠡᠭᠡᠵᠦ᠂ ᠬᠠᠢᠯᠤᠭᠤᠯᠤᠨᠠ ᠰᠠᠯᠬᠢ ᠪᠠᠨ ᠦᠯᠢᠶᠡᠯᠭᠡᠵᠦ ᠤᠰᠤ ᠶᠢ ᠤᠷᠤᠰᠬᠠᠨᠠ᠂
19 ᠲᠡᠷᠡ ᠪᠣᠯ ᠥᠪᠡᠷ ᠦᠨ ᠢᠶᠠᠨ ᠦᠭᠡ ᠶᠢ ᠶᠠᠺᠣᠪ ᠲᠤ ᠲᠣᠭᠲᠠᠭᠠᠯ ᠵᠢᠷᠤᠮ ᠤᠳ ᠢᠶᠠᠨ ᠢᠰᠷᠧᠯ ᠳᠤ ᠲᠤᠩ᠋ᠬᠠᠭᠯᠠᠭᠴᠢ᠂
20 ᠠᠯᠢ ᠴᠤ ᠦᠨᠳᠦᠰᠦᠲᠡᠨ ᠳᠦ ᠲᠡᠷᠡ ᠡᠢᠨ ᠬᠦ ᠬᠠᠨᠳᠤᠭᠠ ᠦᠭᠡᠢ ᠲᠡᠭᠦᠨ ᠦ ᠶᠣᠰᠣ ᠵᠢᠷᠤᠮ ᠢ ᠲᠡᠳᠡ ᠮᠡᠳᠡᠳᠡᠭ ᠦᠭᠡᠢ᠂ ᠶᠣᠬᠣᠸᠠ ᠶᠢ ᠮᠠᠭᠲᠠᠭᠲᠤᠨ︕