ᠳᠠᠭᠤᠯᠠᠯ ᠳᠠᠯᠠᠨ ᠭᠤᠷᠪᠠ
s ᠭᠤᠷᠪᠠᠳᠤᠭᠠᠷ ᠨᠣᠮ
r (ᠳᠠᠭᠤᠯᠠᠯ 73—89)
ᠪᠤᠷᠤᠭᠤᠲᠠᠨ ᠤ ᠠᠮᠵᠢᠯᠲᠠ
ᠠᠰᠠᠹ ᠤᠨ ᠳᠠᠭᠤᠯᠠᠯ᠃
1 ᠢᠰᠷᠧᠯ ᠳᠤ᠂ ᠮᠥᠨ ᠴᠡᠪᠡᠷ ᠰᠡᠳᠬᠢᠯᠲᠡᠨ ᠳᠦ ᠪᠤᠷᠬᠠᠨ ᠦᠨᠡᠬᠡᠷ ᠰᠠᠢᠨ ᠪᠠᠢᠳᠠᠭ᠂
2 ᠬᠠᠷᠢᠨ ᠪᠢ ᠬᠥᠯ ᠠᠯᠳᠠᠵᠤ ᠠᠯᠬᠤᠭᠠ ᠮᠢᠨᠢ ᠬᠠᠯᠲᠤᠷᠢᠬᠤ ᠰᠢᠬᠠᠵᠠᠢ᠂
3 ᠤᠴᠢᠷ ᠨᠢ ᠪᠢ ᠪᠤᠷᠤᠭᠤᠲᠠᠨ ᠤ ᠠᠮᠵᠢᠯᠲᠠ ᠶᠢ ᠬᠠᠷᠠᠭᠠᠳ ᠪᠠᠷᠳᠠᠮᠨᠠᠭᠴᠢ ᠲᠠᠢ ᠠᠲᠠᠭᠠᠷᠬᠠᠭᠰᠠᠨ᠃
4 ᠲᠡᠳᠡ ᠦᠬᠦᠲᠡᠯᠡ ᠪᠡᠨ ᠡᠪᠡᠳᠴᠢᠨ ᠦᠭᠡᠢ᠂ ᠲᠠᠷᠭᠤᠨ᠂ ᠥᠩᠭᠡᠯᠢᠭ ᠪᠠᠢᠳᠠᠭ᠂
5 ᠬᠥᠮᠦᠨ ᠦ ᠵᠣᠪᠠᠯᠠᠩ ᠲᠡᠳᠡᠨ ᠳᠦ ᠦᠭᠡᠢ ᠬᠥᠮᠦᠰ ᠦᠨ ᠵᠣᠪᠠᠭᠤᠷᠢ ᠴᠤ ᠲᠡᠳᠡᠨ ᠳᠦ ᠦᠭᠡᠢ᠃
6 ᠲᠡᠢᠮᠦ ᠡᠴᠡ ᠪᠠᠷᠳᠠᠮᠨᠠᠯ ᠨᠢ ᠲᠡᠳᠡᠨ ᠦ ᠰᠣᠨᠳᠣᠷ ᠪᠠᠯᠠᠮᠠᠳᠯᠠᠯ ᠨᠢ ᠲᠡᠳᠡᠨ ᠦ ᠳᠡᠪᠡᠯ᠂
7 ᠨᠢᠳᠦ ᠨᠢ ᠥᠭᠡᠬᠦᠯᠡᠭᠡᠳ ᠪᠦᠯᠲᠡᠷᠡᠪᠡ ᠰᠠᠨᠠᠭᠠ ᠪᠣᠳᠣᠯ ᠨᠢ ᠲᠡᠷᠰᠯᠡᠭᠦᠦ ᠪᠠᠢᠪᠠ᠂
8 ᠲᠡᠳᠡ ᠲᠣᠬᠣᠭᠤᠷᠬᠠᠨ᠂ ᠮᠠᠭᠤ ᠶᠢ ᠶᠠᠷᠢᠯᠴᠠᠳᠠᠭ ᠳᠡᠭᠡᠷᠡᠩᠭᠦᠢ ᠪᠠᠷ ᠰᠢᠷᠦᠭᠦᠨ ᠦᠭᠡ ᠬᠡᠯᠡᠵᠦ ᠪᠠᠢᠨᠠ᠂
9 ᠲᠡᠳᠡ ᠣᠷᠣᠭᠤᠯ ᠢᠶᠠᠨ ᠲᠩᠷᠢ ᠳᠡᠭᠡᠷᠡ 15 ᠲᠠᠯᠪᠢᠵᠤ ᠬᠡᠯᠡ ᠪᠡᠨ ᠭᠠᠵᠠᠷ ᠳᠡᠭᠡᠭᠦᠷ ᠠᠯᠬᠤᠭᠤᠯᠤᠨᠠ᠃
10 ᠲᠡᠢᠮᠦ ᠡᠴᠡ ᠠᠷᠠᠳ ᠲᠦᠮᠡᠨ ᠲᠡᠳᠡᠨ ᠤᠷᠤᠭᠤ ᠡᠷᠭᠢᠵᠦ ᠪᠢᠯᠬᠠᠷᠠᠭᠰᠠᠨ ᠶᠡᠬᠡ ᠤᠰᠤ ᠶᠢ ᠨᠢ ᠤᠤᠭᠤᠵᠤ ᠪᠠᠢᠨᠠ᠃
11 ᠲᠡᠳᠡ 《ᠪᠤᠷᠬᠠᠨ ᠶᠠᠭᠠᠬᠢᠵᠤ ᠮᠡᠳᠡᠬᠦ ᠶᠤᠮ ᠪᠤᠢ︖ ᠬᠠᠮᠤᠭ ᠤᠨ ᠳᠡᠭᠡᠳᠦ ᠨᠢᠭᠡᠨ ᠳᠦ ᠮᠡᠳᠡᠯᠭᠡ ᠪᠠᠢᠳᠠᠭ ᠤᠤ︖》 ᠭᠡᠳᠡᠭ᠃
12 ᠬᠠᠷᠠ᠂ ᠲᠡᠳᠡ ᠨᠠᠷ ᠪᠣᠯ ᠪᠤᠷᠤᠭᠤᠲᠠᠨ ᠲᠡᠳᠡ ᠠᠮᠤᠷᠯᠢᠩ᠋ᠭᠤᠢ ᠬᠡᠪ ᠢᠶᠡᠷ ᠢᠶᠠᠨ ᠡᠳ᠋ ᠬᠥᠷᠥᠩᠭᠡ ᠨᠢ ᠨᠡᠮᠡᠭᠳᠡᠭᠰᠡᠭᠡᠷ ᠪᠠᠢᠨᠠ᠃
13 ᠬᠠᠷᠠ᠂ ᠵᠢᠷᠦᠬᠡ ᠪᠡᠨ ᠴᠡᠪᠡᠷ ᠪᠠᠢᠯᠭᠠᠵᠤ ᠭᠠᠷ ᠢᠶᠠᠨ ᠭᠡᠮ ᠦᠭᠡᠢ ᠳᠦ ᠤᠭᠢᠶᠠᠭᠰᠠᠨ ᠮᠢᠨᠢ ᠳᠡᠮᠡᠢ ᠪᠠᠢᠵᠠᠢ᠃
14 ᠪᠢ ᠯᠠ ᠡᠳᠦᠷᠵᠢᠨ ᠵᠣᠪᠠᠵᠤ ᠥᠷᠯᠥᠭᠡ ᠪᠦᠷᠢ ᠵᠢᠮᠡᠯᠡᠭᠳᠡᠵᠦ ᠪᠠᠢᠨᠠ᠃
15 ᠬᠠᠷᠢᠨ ᠪᠢ ᠲᠡᠭᠡᠵᠦ ᠶᠠᠷᠢᠬᠤ ᠭᠡᠰᠡᠨ ᠪᠣᠯ ᠲᠠᠨ ᠤ ᠬᠡᠦᠬᠡᠳ ᠦᠨ ᠦᠶᠡ ᠶᠢᠨ ᠬᠢᠨ ᠳᠤ ᠢᠲᠡᠭᠡᠮᠵᠢ ᠦᠭᠡᠢ ᠬᠠᠨᠳᠤᠬᠤ ᠪᠠᠢᠭᠰᠠᠨ᠃
16 ᠡᠭᠦᠨ ᠦ ᠤᠴᠢᠷ ᠢ ᠣᠢᠯᠠᠭᠠᠬᠤ ᠪᠠᠷ ᠪᠢ ᠪᠣᠳᠣᠭᠰᠠᠭᠠᠷ ᠪᠠᠢᠭᠰᠠᠨ ᠬᠠᠷᠢᠨ ᠡᠨᠡ ᠨᠢ ᠨᠠᠳᠠ ᠳᠤ ᠪᠡᠷᠬᠡ ᠲᠠᠢ ᠰᠠᠨᠠᠭᠳᠠᠪᠠ᠂
17 ᠢᠩᠭᠢᠭᠡᠳ ᠪᠢ ᠪᠤᠷᠬᠠᠨ ᠤ ᠠᠷᠢᠭᠤᠨ ᠭᠠᠵᠠᠷ ᠲᠤ ᠣᠷᠣᠩ᠋ᠭᠤᠲᠠ ᠯᠠ ᠲᠡᠳᠡᠨ ᠦ ᠲᠡᠭᠦᠰᠬᠡᠯ ᠢ ᠤᠬᠠᠭᠠᠷᠠᠭᠰᠠᠨ᠃
18 ᠬᠠᠷᠠ᠂ ᠲᠠ ᠲᠡᠳᠡᠨ ᠢ ᠬᠠᠯᠲᠤᠷᠢᠭᠠ ᠲᠠᠢ ᠭᠠᠵᠠᠷ ᠪᠠᠢᠯᠭᠠᠵᠤ ᠲᠡᠳᠡᠨ ᠢ ᠮᠥᠬᠥᠯ ᠤᠷᠤᠭᠤ ᠬᠠᠶᠠᠭᠰᠠᠨ᠃
19 ᠬᠠᠷᠠ᠂ ᠲᠡᠳᠡ ᠬᠣᠷᠣᠮᠬᠠᠨ ᠵᠠᠭᠤᠷᠠ ᠰᠦᠢᠷᠡᠪᠡ︕ ᠠᠶᠤᠮᠰᠢᠭ ᠲᠠᠢ ᠪᠠᠷ ᠪᠦᠷᠢᠮᠦᠰᠦᠨ ᠳᠠᠭᠤᠰᠪᠠ︕
20 ᠶᠣᠬᠣᠸᠠ᠂ ᠵᠡᠭᠦᠳᠦᠨ ᠡᠴᠡ ᠪᠡᠨ ᠰᠡᠷᠢᠭᠰᠡᠨ ᠬᠥᠮᠦᠨ ᠮᠡᠲᠦ ᠰᠡᠷᠢᠬᠦ ᠳᠡᠭᠡᠨ ᠲᠠ ᠲᠡᠳᠡᠨ ᠦ ᠳᠦᠷᠢ ᠶᠢ ᠦᠯᠦ ᠣᠢᠰᠢᠶᠠᠨᠠ᠃
21 ᠰᠡᠳᠬᠢᠯ ᠮᠢᠨᠢ ᠭᠠᠰᠢᠭᠤᠳᠠᠬᠤ ᠦᠶᠡ ᠳᠦ ᠵᠢᠷᠦᠬᠡ ᠮᠢᠨᠢ ᠬᠠᠳᠬᠤᠭᠳᠠᠬᠤ ᠦᠶᠡ ᠳᠦ
22 ᠲᠠᠨ ᠤ ᠡᠮᠦᠨᠡ ᠪᠢ ᠤᠬᠠᠪᠤᠷᠢ ᠦᠭᠡᠢ ᠮᠤᠩ᠋ᠬᠠᠭ ᠠᠳᠤᠭᠤᠰᠤ ᠯᠤᠭᠠ ᠠᠳᠠᠯᠢ ᠪᠠᠢᠭᠰᠠᠨ ᠴᠤ
23 ᠪᠢ ᠦᠷᠭᠦᠯᠵᠢ ᠲᠠᠨ ᠲᠠᠢ ᠬᠠᠮᠲᠤ᠂ ᠲᠠ ᠪᠠᠷᠠᠭᠤᠨ ᠭᠠᠷ ᠠᠴᠠ ᠮᠢᠨᠢ ᠪᠠᠷᠢᠭᠰᠠᠨ᠃
24 ᠲᠠ ᠨᠠᠮᠠᠶᠢ ᠵᠥᠪᠯᠡᠯᠭᠡ ᠪᠡᠷ ᠢᠶᠡᠨ ᠤᠳᠤᠷᠢᠳᠴᠤ ᠬᠣᠵᠢᠮ ᠨᠠᠮᠠᠶᠢ ᠴᠣᠭ ᠵᠢᠪᠬᠤᠯᠠᠩ ᠢᠶᠠᠷ ᠤᠭᠲᠤᠨ ᠠᠪᠤᠨᠠ᠃
25 ᠲᠩᠷᠢ ᠳᠡᠭᠡᠷᠡ ᠲᠠᠨ ᠠᠴᠠ ᠭᠠᠳᠠᠨᠠ ᠨᠠᠳᠠ ᠳᠤ ᠬᠡᠨ ᠪᠠᠢᠬᠤ ᠪᠤᠢ︖ ᠭᠠᠵᠠᠷ ᠳᠡᠭᠡᠷᠡ ᠪᠢ ᠲᠠᠨ ᠠᠴᠠ ᠥᠭᠡᠷᠡ ᠶᠠᠭᠤ ᠶᠢ ᠴᠤ ᠦᠯᠦ ᠲᠠᠭᠠᠰᠢᠶᠠᠨᠠ᠃
26 ᠪᠡᠶᠡ ᠬᠢᠭᠡᠳ ᠰᠡᠳᠬᠢᠯ ᠮᠢᠨᠢ ᠳᠣᠷᠣᠢᠲᠠᠬᠤ ᠪᠣᠯᠪᠠᠴᠤ ᠪᠤᠷᠬᠠᠨ ᠰᠡᠳᠬᠢᠯ ᠤᠨ ᠮᠢᠨᠢ ᠬᠠᠳᠠ᠂ ᠮᠥᠩᠬᠡ ᠶᠢᠨ ᠬᠤᠪᠢ ᠮᠢᠨᠢ ᠪᠢᠯᠡ᠃
27 ᠬᠠᠷᠠ᠂ ᠲᠠᠨ ᠠᠴᠠ ᠬᠣᠯᠠᠳᠠᠭᠴᠢᠳ ᠮᠥᠬᠥᠨᠡ᠂ ᠥᠪᠡᠷ ᠡᠴᠡ ᠲᠠᠨᠢ ᠤᠷᠪᠠᠨ ᠰᠠᠳᠤᠷᠯᠠᠭᠴᠢ ᠪᠦᠭᠦᠳᠡ ᠶᠢ ᠲᠠ ᠤᠰᠠᠳᠬᠠᠨᠠ᠃
28 ᠪᠤᠷᠬᠠᠨ ᠲᠠᠢ ᠣᠢᠷᠠ ᠪᠠᠢᠬᠤ ᠨᠢ ᠮᠢᠨᠦ ᠠᠵᠠ ᠪᠢ ᠡᠵᠡᠨ ᠶᠣᠬᠣᠸᠠ ᠶᠢ ᠬᠣᠷᠭᠣᠳᠠᠬᠤ ᠭᠠᠵᠠᠷ ᠢᠶᠠᠨ ᠪᠣᠯᠭᠠᠭᠰᠠᠨ ᠪᠢ ᠲᠠᠨ ᠤ ᠪᠦᠬᠦ ᠦᠢᠯᠡ ᠶᠢ ᠲᠤᠩ᠋ᠬᠠᠭᠯᠠᠨᠠ᠃