ᠳᠠᠭᠤᠯᠠᠯ ᠵᠠᠭᠤ ᠳᠣᠯᠣᠭᠠ
s ᠲᠠᠪᠤᠳᠤᠭᠠᠷ ᠨᠣᠮ
r (ᠳᠠᠭᠤᠯᠠᠯ 107—150)
ᠭᠠᠢᠬᠠᠮᠰᠢᠭᠲᠤ ᠦᠨᠡᠨ ᠬᠠᠢᠷᠠ
1 《ᠶᠣᠬᠣᠸᠠ ᠳᠤ ᠲᠠᠯᠠᠷᠬᠠ᠂ ᠲᠡᠷᠡ ᠰᠠᠢᠨ ᠦᠨᠡᠨ ᠬᠠᠢᠷᠠ ᠨᠢ ᠡᠭᠦᠷᠢᠳᠡ ᠶᠢᠨ ᠬᠢ》 ᠭᠡᠵᠦ᠂
2 ᠶᠣᠬᠣᠸᠠ ᠶᠢᠨ ᠵᠣᠯᠢᠭᠰᠠᠨ ᠬᠥᠮᠦᠰ ᠬᠡᠯᠡᠭ᠂ ᠶᠣᠬᠣᠸᠠ ᠲᠡᠳᠡᠨ ᠢ ᠥᠰᠲᠡᠨ ᠦ ᠬᠢᠨᠢ ᠭᠠᠷ ᠠᠴᠠ ᠵᠣᠯᠢᠵᠤ
3 ᠥᠷᠥᠨᠡ ᠬᠢᠭᠡᠳ ᠳᠣᠷᠣᠨᠠ ᠠᠴᠠ ᠡᠮᠦᠨᠡ ᠬᠢᠭᠡᠳ ᠤᠮᠠᠷᠠ ᠠᠴᠠ ᠣᠷᠣᠨ ᠪᠣᠯᠭᠠᠨ ᠠᠴᠠ ᠴᠤᠭᠯᠠᠭᠤᠯᠤᠭᠰᠠᠨ ᠶᠤᠮ᠃
4 ᠲᠡᠳᠡ ᠰᠠᠭᠤᠷᠢᠰᠢᠬᠤ ᠬᠣᠲᠠ ᠣᠯᠣᠯ ᠦᠭᠡᠢ ᠵᠡᠯᠢᠭᠦᠳ ᠴᠥᠯ ᠳᠤ ᠲᠡᠨᠦᠭᠰᠡᠭᠡᠷ
5 ᠥᠯᠥᠰᠴᠦ᠂ ᠴᠠᠩ᠋ᠭᠠᠭᠠᠳ ᠤᠷᠮᠠ ᠨᠢ ᠬᠤᠭᠤᠷᠠᠭᠰᠠᠨ ᠠᠵᠢ᠃
6 ᠭᠠᠰᠠᠯᠠᠩ ᠳᠤᠮᠳᠠ ᠪᠠᠨ ᠶᠣᠬᠣᠸᠠ ᠥᠭᠡᠳᠡ ᠬᠠᠰᠬᠢᠷᠬᠤ ᠳᠤᠨᠢ ᠭᠠᠢ ᠵᠣᠪᠠᠯᠠᠩ ᠠᠴᠠ ᠲᠡᠷᠡ ᠠᠪᠤᠷᠠᠭᠰᠠᠨ᠂
7 ᠰᠢᠯᠤᠭᠤᠨ ᠵᠠᠮ ᠢᠶᠠᠷ ᠲᠡᠳᠡᠨ ᠢ ᠰᠠᠭᠤᠷᠢᠰᠢᠬᠤ ᠬᠣᠲᠠ ᠤᠷᠤᠭᠤ ᠵᠠᠮᠴᠢᠯᠠᠭᠰᠠᠨ᠃
8 ᠦᠨᠡᠨ ᠬᠠᠢᠷᠠ ᠶᠢᠨ ᠬᠢᠨᠢ ᠲᠠᠯᠠ ᠪᠠᠷ ᠬᠥᠮᠦᠨ ᠦ ᠬᠥᠪᠡᠭᠦᠳ ᠲᠦ ᠦᠢᠯᠡᠳᠦᠭᠰᠡᠨ ᠭᠠᠢᠬᠠᠮᠰᠢᠭ ᠤᠳ ᠤᠨ ᠬᠢᠨᠢ ᠲᠠᠯᠠ ᠪᠠᠷ ᠶᠣᠬᠣᠸᠠ ᠳᠤ ᠲᠠᠯᠠᠷᠬᠠ᠂
9 ᠲᠡᠷᠡ ᠴᠠᠩ᠋ᠭᠠᠭᠰᠠᠨ ᠬᠥᠮᠦᠨ ᠢ ᠤᠮᠳᠠᠯᠠᠵᠤ ᠥᠯᠥᠰᠥᠭᠰᠡᠨ ᠬᠥᠮᠦᠨ ᠢ ᠰᠠᠢᠨ ᠢᠶᠠᠷ ᠴᠠᠳᠬᠤᠭᠰᠠᠨ᠃
10 ᠵᠣᠪᠠᠯᠠᠩ ᠲᠠᠢ ᠪᠠᠷ ᠲᠡᠮᠦᠷ ᠢᠶᠡᠷ ᠭᠢᠨᠵᠢᠯᠡᠭᠳᠡᠵᠦ ᠬᠠᠷᠠᠩ᠋ᠭᠤᠢ ᠳᠤ᠂ ᠦᠬᠦᠯ ᠦᠨ ᠰᠡᠭᠦᠳᠡᠷ ᠲᠦ ᠰᠠᠭᠤᠵᠤ ᠪᠠᠢᠭᠠ ᠨᠢ
11 ᠪᠤᠷᠬᠠᠨ ᠤ ᠦᠭᠡᠰ ᠡᠴᠡ ᠲᠡᠷᠰᠯᠡᠨ ᠬᠠᠮᠤᠭ ᠤᠨ ᠳᠡᠭᠡᠳᠦ ᠨᠢᠭᠡᠨ ᠦ ᠵᠥᠪᠯᠡᠯᠭᠡ ᠶᠢ ᠣᠭᠣᠷᠣᠭᠰᠠᠨ ᠤ ᠤᠴᠢᠷ ᠶᠤᠮ᠂
12 ᠲᠡᠷᠡ ᠵᠢᠷᠦᠬᠡ ᠶᠢ ᠨᠢ ᠵᠦᠳᠡᠭᠦᠷᠢ ᠪᠠᠷ ᠨᠣᠮᠣᠬᠠᠳᠬᠠᠳᠠᠭ ᠲᠡᠳᠡ ᠪᠦᠳᠦᠷᠢᠨ ᠤᠨᠠᠭᠰᠠᠨ ᠴᠤ ᠲᠤᠰᠠᠯᠠᠭᠴᠢ ᠠᠯᠠᠭᠠ᠃
13 ᠭᠠᠰᠠᠯᠠᠩ ᠳᠤᠮᠳᠠ ᠪᠠᠨ ᠶᠣᠬᠣᠸᠠ ᠥᠭᠡᠳᠡ ᠬᠠᠰᠬᠢᠷᠬᠤ ᠳᠤᠨᠢ ᠭᠠᠢ ᠵᠣᠪᠠᠯᠠᠩ ᠠᠴᠠ ᠲᠡᠷᠡ ᠠᠪᠤᠷᠠᠭᠰᠠᠨ᠂
14 ᠲᠡᠷᠡ ᠬᠠᠷᠠᠩ᠋ᠭᠤᠢ ᠰᠡᠭᠦᠳᠡᠷ ᠡᠴᠡ ᠲᠡᠳᠡᠨ ᠢ ᠭᠠᠷᠭᠠᠵᠤ ᠬᠦᠯᠢᠶᠡᠰᠦ ᠶᠢ ᠨᠢ ᠲᠠᠰᠤᠯᠵᠠᠢ᠂
15 ᠦᠨᠡᠨ ᠬᠠᠢᠷᠠ ᠶᠢᠨ ᠬᠢᠨᠢ ᠲᠠᠯᠠ ᠪᠠᠷ ᠬᠥᠮᠦᠨ ᠦ ᠬᠥᠪᠡᠭᠦᠳ ᠲᠦ ᠦᠢᠯᠡᠳᠦᠭᠰᠡᠨ ᠭᠠᠢᠬᠠᠮᠰᠢᠭ ᠤᠳ ᠤᠨ ᠬᠢᠨᠢ ᠲᠠᠯᠠ ᠪᠠᠷ ᠶᠣᠬᠣᠸᠠ ᠳᠤ ᠲᠠᠯᠠᠷᠬᠠ᠂
16 ᠲᠡᠷᠡ ᠪᠡᠷ ᠬᠦᠷᠡᠯ ᠬᠠᠭᠠᠯᠭᠠ ᠶᠢ ᠪᠠᠯᠪᠠᠴᠢᠵᠤ ᠲᠡᠮᠦᠷ ᠲᠦᠭᠵᠢᠶᠡ ᠶᠢ ᠨᠢ ᠲᠠᠰᠤᠴᠢᠭᠰᠠᠨ᠃
17 ᠲᠡᠨᠡᠭ ᠬᠥᠮᠦᠨ ᠲᠡᠷᠰᠯᠡᠭᠦᠦ ᠵᠠᠮ ᠠᠴᠠ ᠪᠠᠨ ᠭᠡᠮ ᠡᠴᠡ ᠪᠡᠨ ᠪᠣᠯᠵᠤ ᠬᠦᠨᠳᠦ ᠪᠠᠢᠳᠠᠯ ᠳᠤ ᠣᠷᠣᠵᠤ ᠪᠠᠢᠭᠰᠠᠨ᠂
18 ᠶᠠᠩᠵᠤ ᠶᠢᠨ ᠬᠣᠭᠣᠯᠠᠨ ᠳᠤ ᠳᠤᠷᠠ ᠭᠤᠲᠤᠵᠤ ᠦᠬᠦᠯ ᠦᠨ ᠡᠭᠦᠳᠡ ᠤᠷᠤᠭᠤ ᠣᠢᠷᠠᠲᠤᠵᠤ ᠪᠠᠢᠭᠰᠠᠨ᠃
19 ᠭᠠᠰᠠᠯᠠᠩ ᠳᠤᠮᠳᠠ ᠪᠠᠨ ᠶᠣᠬᠣᠸᠠ ᠥᠭᠡᠳᠡ ᠬᠠᠰᠬᠢᠷᠬᠤ ᠳᠤᠨᠢ ᠭᠠᠢ ᠵᠣᠪᠠᠯᠠᠩ ᠠᠴᠠ ᠲᠡᠷᠡ ᠠᠪᠤᠷᠠᠭᠰᠠᠨ᠂
20 ᠦᠭᠡ ᠪᠡᠨ ᠢᠯᠡᠭᠡᠨ᠂ ᠲᠡᠳᠡᠨ ᠢ ᠡᠳᠡᠭᠡᠭᠡᠵᠦ ᠠᠶᠤᠯ ᠠᠴᠠ ᠨᠢ ᠠᠪᠤᠷᠠᠭᠰᠠᠨ᠃
21 ᠦᠨᠡᠨ ᠬᠠᠢᠷᠠ ᠶᠢᠨ ᠬᠢᠨᠢ ᠲᠠᠯᠠ ᠪᠠᠷ ᠬᠥᠮᠦᠨ ᠦ ᠬᠥᠪᠡᠭᠦᠳ ᠲᠦ ᠦᠢᠯᠡᠳᠦᠭᠰᠡᠨ ᠭᠠᠢᠬᠠᠮᠰᠢᠭ ᠤᠳ ᠤᠨ ᠬᠢᠨᠢ ᠲᠠᠯᠠ ᠪᠠᠷ ᠶᠣᠬᠣᠸᠠ ᠳᠤ ᠲᠠᠯᠠᠷᠬᠠ᠂
22 ᠲᠠᠯᠠᠷᠬᠠᠯ ᠤᠨ ᠲᠠᠬᠢᠯ ᠡᠷᠭᠦᠵᠦ ᠲᠡᠭᠦᠨ ᠦ ᠦᠢᠯᠡᠰ ᠢ ᠳᠠᠭᠤᠤ ᠳᠠᠭᠤᠯᠠᠨ ᠲᠤᠩ᠋ᠬᠠᠭᠯᠠ︕
23 ᠣᠩ᠋ᠭᠣᠴᠠ ᠪᠠᠷ ᠳᠠᠯᠠᠢ ᠳᠤ ᠭᠠᠷᠤᠭᠴᠢᠳ ᠶᠡᠬᠡ ᠤᠰᠤᠨ ᠳᠡᠭᠡᠷᠡ ᠠᠷᠠᠯᠵᠢᠶᠠ ᠬᠢᠭ᠍ᠴᠢᠳ
24 ᠶᠣᠬᠣᠸᠠ ᠶᠢᠨ ᠦᠢᠯᠡᠰ ᠢ ᠲᠡᠭᠦᠨ ᠦ ᠭᠠᠢᠬᠠᠮᠰᠢᠭ ᠤᠳ ᠢ ᠭᠦᠨ ᠳᠠᠯᠠᠢ ᠳᠤ ᠬᠠᠷᠠᠭᠰᠠᠨ᠃
25 ᠶᠣᠬᠣᠸᠠ ᠠᠢᠯᠠᠳᠬᠤ ᠳᠤ ᠰᠢᠭᠤᠷᠭᠠ ᠪᠣᠰᠴᠤ ᠳᠠᠪᠠᠯᠭᠠᠨ ᠣᠢᠯᠪᠠ᠂
26 ᠲᠡᠳᠡ ᠲᠩᠷᠢ ᠥᠭᠡᠳᠡ ᠭᠠᠷᠴᠤ ᠭᠦᠨ ᠤᠷᠤᠭᠤ ᠪᠠᠭᠤᠭᠰᠠᠭᠠᠷ ᠭᠠᠮᠰᠢᠭ ᠤᠨ ᠤᠯᠠᠮ ᠠᠴᠠ ᠵᠢᠷᠦᠬᠡ ᠨᠢ ᠦᠬᠦᠪᠡ᠃
27 ᠲᠡᠳᠡ ᠰᠣᠭᠲᠣᠭᠤ ᠬᠥᠮᠦᠨ ᠰᠢᠭ ᠳᠠᠢᠪᠢᠨ ᠨᠠᠢᠭᠤᠵᠤ ᠶᠠᠭᠠᠬᠢᠬᠤ ᠪᠠᠨ ᠮᠡᠳᠡᠬᠦ ᠪᠡᠨ ᠪᠣᠯᠢᠵᠤ ᠪᠠᠢᠨᠠ᠃
28 ᠭᠠᠰᠠᠯᠠᠩ ᠳᠤᠮᠳᠠ ᠪᠠᠨ ᠶᠣᠬᠣᠸᠠ ᠥᠭᠡᠳᠡ ᠬᠠᠰᠬᠢᠷᠬᠤ ᠳᠤᠨᠢ ᠭᠠᠢ ᠵᠣᠪᠠᠯᠠᠩ ᠠᠴᠠ ᠲᠡᠷᠡ ᠠᠪᠤᠷᠠᠭᠰᠠᠨ᠂
29 ᠲᠡᠷᠡ ᠰᠢᠭᠤᠷᠭᠠ ᠶᠢ ᠠᠷᠭᠠᠳᠠᠵᠤ ᠳᠠᠯᠠᠢ ᠶᠢᠨ ᠳᠠᠪᠠᠯᠭᠠᠨ ᠢ ᠨᠠᠮᠵᠢᠭᠠᠵᠤ ᠪᠠᠢᠯᠠ᠂
30 ᠨᠠᠮ ᠭᠦᠮ ᠪᠣᠯᠬᠤ ᠳᠤ᠂ ᠲᠡᠳᠡ ᠪᠠᠶᠠᠷᠯᠠᠪᠠ ᠶᠣᠬᠣᠸᠠ ᠲᠡᠳᠡᠨ ᠢ ᠬᠦᠰᠡᠭᠰᠡᠨ ᠪᠣᠭᠣᠮᠲᠠ ᠤᠷᠤᠭᠤ ᠨᠢ ᠬᠥᠲᠥᠯᠪᠡ᠃
31 ᠦᠨᠡᠨ ᠬᠠᠢᠷᠠ ᠶᠢᠨ ᠬᠢᠨᠢ ᠲᠠᠯᠠ ᠪᠠᠷ ᠬᠥᠮᠦᠨ ᠦ ᠬᠥᠪᠡᠭᠦᠳ ᠲᠦ ᠦᠢᠯᠡᠳᠦᠭᠰᠡᠨ ᠭᠠᠢᠬᠠᠮᠰᠢᠭ ᠤᠳ ᠤᠨ ᠬᠢᠨᠢ ᠲᠠᠯᠠ ᠪᠠᠷ ᠶᠣᠬᠣᠸᠠ ᠳᠤ ᠲᠠᠯᠠᠷᠬᠠ᠂
32 ᠠᠷᠠᠳ ᠲᠦᠮᠡᠨ ᠦ ᠴᠢᠭᠤᠯᠭᠠᠨ ᠳᠤ ᠲᠡᠭᠦᠨ ᠢ ᠳᠡᠭᠡᠳᠦᠯᠡᠵᠦ ᠠᠬᠠᠮᠠᠳ ᠤᠨ ᠵᠥᠪᠯᠡᠯ ᠳᠦ ᠲᠡᠭᠦᠨ ᠢ ᠮᠠᠭᠲᠠᠭᠲᠤᠨ᠃
33 ᠶᠣᠬᠣᠸᠠ ᠭᠣᠣᠯ ᠢ ᠴᠥᠯ ᠪᠣᠯᠭᠠᠨ ᠪᠤᠯᠠᠭ ᠢ ᠬᠠᠭᠤᠷᠠᠢ ᠪᠣᠯᠭᠠᠨᠠ᠂
34 ᠰᠠᠭᠤᠭᠠᠯᠢᠴᠢᠳ ᠤᠨ ᠬᠢᠨᠢ ᠬᠣᠷᠣᠨ ᠮᠠᠭᠤ ᠠᠴᠠ ᠪᠣᠯᠵᠤ ᠰᠢᠮᠡᠲᠡᠢ ᠭᠠᠵᠠᠷ ᠢ ᠨᠢ ᠬᠤᠵᠢᠷ ᠲᠠᠢ ᠪᠣᠯᠭᠠᠨᠠ᠃
35 ᠭᠡᠪᠡᠴᠦ ᠲᠡᠷᠡ ᠴᠥᠯ ᠢ ᠴᠥᠭᠥᠷᠥᠮ ᠬᠠᠲᠠᠭᠰᠠᠨ ᠭᠠᠵᠠᠷ ᠢ ᠤᠰᠤᠨ ᠤ ᠪᠤᠯᠠᠭ ᠪᠣᠯᠭᠠᠨᠠ᠃
36 ᠲᠡᠨᠳᠡ ᠲᠡᠷᠡ ᠪᠡᠷ ᠥᠯᠥᠰᠥᠭᠰᠡᠨ ᠬᠥᠮᠦᠰ ᠢ ᠰᠠᠭᠤᠯᠭᠠᠬᠤ ᠳᠤᠨᠢ ᠲᠡᠳᠡ ᠰᠠᠭᠤᠷᠢᠰᠢᠬᠤ ᠬᠣᠲᠠ ᠪᠠᠨ ᠪᠣᠰᠬᠠᠨ
37 ᠲᠠᠯᠠᠪᠠᠢ ᠳᠤ ᠲᠠᠷᠢᠶᠠ ᠲᠠᠷᠢᠵᠤ᠂ ᠦᠵᠦᠮ ᠦᠨ ᠬᠦᠷᠢᠶᠡᠯᠡᠩ ᠪᠠᠢᠭᠤᠯᠤᠨ ᠡᠯᠪᠡᠭ ᠬᠤᠷᠢᠶᠠᠯᠲᠠ ᠣᠯᠣᠭᠰᠠᠨ᠃
38 ᠲᠡᠳᠡᠨ ᠢ ᠢᠪᠡᠭᠡᠬᠦ ᠳᠦᠨᠢ ᠲᠡᠳᠡ ᠥᠨᠢᠷ ᠥᠳᠬᠡᠨ ᠪᠣᠯᠪᠠ ᠲᠡᠷᠡ ᠪᠡᠷ ᠮᠠᠯ ᠰᠦᠷᠦᠭ ᠢ ᠨᠢ ᠴᠤ ᠴᠥᠭᠡᠷᠡᠭᠦᠯᠦᠭᠡ ᠦᠭᠡᠢ᠃
39 ᠭᠡᠲᠡᠯᠡ ᠬᠠᠪᠴᠢᠯᠭᠠ ᠪᠣᠯᠣᠨ ᠭᠠᠢ ᠵᠣᠪᠠᠯᠠᠩ ᠠᠴᠠ ᠪᠣᠯᠵᠤ ᠲᠡᠳᠡ ᠴᠥᠭᠡᠷᠡᠵᠦ᠂ ᠳᠣᠷᠣᠢᠲᠠᠵᠠᠢ᠃
40 ᠶᠣᠬᠣᠸᠠ ᠨᠣᠶᠠᠳ ᠲᠤᠨᠢ ᠵᠢᠪᠡᠭᠦᠴᠡᠯ ᠢᠶᠡᠨ ᠴᠢᠳᠬᠤᠭᠰᠠᠭᠠᠷ ᠲᠡᠳᠡᠨ ᠢ ᠵᠠᠮ ᠦᠭᠡᠢ ᠴᠥᠯ ᠢᠶᠡᠷ ᠲᠡᠨᠦᠭᠦᠯᠦᠭᠰᠡᠨ ᠪᠣᠯᠪᠠᠴᠤ
41 ᠦᠭᠡᠭᠦᠴᠦᠳ ᠢ ᠨᠢ ᠬᠦᠨᠳᠦ ᠪᠠᠢᠳᠠᠯ ᠠᠴᠠ ᠡᠷᠭᠦᠮᠵᠢᠯᠡᠵᠦ ᠭᠡᠷ ᠪᠦᠯᠢ ᠶᠢ ᠨᠢ ᠬᠣᠨᠢᠨ ᠰᠦᠷᠦᠭ ᠮᠡᠲᠦ ᠥᠨᠢᠷ ᠪᠣᠯᠭᠠᠵᠠᠢ᠃
42 ᠴᠢᠭ᠍ᠴᠢ ᠬᠥᠮᠦᠰ ᠬᠠᠷᠠᠭᠠᠳ ᠪᠠᠶᠠᠷᠯᠠᠬᠤ ᠳᠤ ᠵᠥᠪᠲᠦ ᠪᠤᠰᠤ ᠬᠥᠮᠦᠰ ᠠᠮᠠ ᠪᠠᠨ ᠬᠠᠮᠬᠢᠨᠠ᠃
43 ᠬᠡᠨ ᠮᠡᠷᠭᠡᠨ ᠪᠣᠯ ᠡᠳᠡᠭᠡᠷ ᠢ ᠠᠩ᠋ᠬᠠᠷᠴᠤ ᠶᠣᠬᠣᠸᠠ ᠶᠢᠨ ᠬᠠᠢᠷᠠ ᠡᠨᠡᠷᠢᠯ ᠢ ᠣᠢᠯᠠᠭᠠᠬᠤ ᠪᠣᠯᠲᠤᠭᠠᠢ᠃