ᠳᠠᠭᠤᠯᠠᠯ ᠵᠢᠷᠠᠨ ᠳᠥᠷᠪᠡ
ᠮᠠᠭᠤ ᠶᠢ ᠰᠡᠳᠦᠭᠴᠢ ᠡᠴᠡ ᠬᠠᠮᠠᠭᠠᠯᠠᠭᠠᠴᠢ
ᠳ᠋ᠠᠸᠢᠳ᠋ ᠤᠨ ᠳᠠᠭᠤᠯᠠᠯ᠂ ᠨᠠᠢᠷᠠᠯ ᠳᠠᠭᠤᠤ ᠶᠢᠨ ᠤᠳᠤᠷᠢᠳᠤᠭᠠᠴᠢ ᠳᠤ᠃
1 ᠪᠤᠷᠬᠠᠨ᠂ ᠭᠣᠮᠣᠳᠠᠯ ᠤᠨ ᠳᠠᠭᠤ ᠶᠢ ᠮᠢᠨᠢ ᠰᠣᠨᠣᠰᠣᠭᠠᠴᠢ ᠳᠠᠢᠰᠤᠨ ᠤ ᠰᠦᠷᠳᠡᠭᠦᠯᠦᠯ ᠡᠴᠡ ᠠᠮᠢ ᠶᠢ ᠮᠢᠨᠢ ᠬᠠᠮᠠᠭᠠᠯᠠᠭᠠᠴᠢ᠃
2 ᠪᠤᠷᠤᠭᠤᠲᠠᠳ ᠤᠨ ᠬᠤᠤᠪᠢᠯᠳᠤᠭᠠᠨ ᠪᠤᠵᠠᠷ ᠢ ᠦᠢᠯᠡᠳᠦᠭᠴᠢᠳ ᠤᠨ ᠦᠢᠮᠡᠭᠡᠨ ᠡᠴᠡ ᠨᠠᠮᠠᠶᠢ ᠨᠢᠭᠤᠭᠠᠴᠢ᠃
3 ᠲᠡᠳᠡ ᠬᠡᠯᠡ ᠪᠡᠨ ᠢᠯᠳᠦ ᠮᠡᠲᠦ ᠢᠷᠯᠡᠨ ᠬᠣᠷᠣᠨ ᠦᠭᠡᠰ ᠢᠶᠡᠨ ᠰᠤᠮᠤ ᠮᠡᠲᠦ ᠣᠨᠢᠯᠠᠵᠤ
4 ᠭᠡᠮ ᠦᠭᠡᠢ ᠬᠥᠮᠦᠨ ᠢ ᠨᠢᠭᠤᠴᠠ ᠭᠠᠵᠠᠷ ᠠᠴᠠ ᠬᠠᠷᠪᠤᠨᠠ ᠭᠡᠨᠡᠳᠲᠡᠬᠡᠨ᠂ ᠠᠶᠤᠮᠰᠢᠭ ᠦᠭᠡᠢ ᠪᠠᠷ ᠬᠠᠷᠪᠤᠨᠠ᠃
5 ᠲᠡᠳᠡ ᠬᠣᠷᠣᠨ ᠮᠠᠭᠤ ᠦᠢᠯᠡ ᠪᠡᠷ ᠢᠶᠠᠨ ᠪᠡᠶᠡ ᠪᠡᠶᠡ ᠪᠡᠨ ᠥᠭᠡᠭᠰᠢᠭᠦᠯᠦᠨ ᠬᠠᠪᠬᠠ ᠲᠠᠯᠪᠢᠬᠤ ᠪᠠᠷ ᠶᠠᠷᠢᠯᠴᠠᠵᠤ 《ᠬᠡᠨ ᠬᠠᠷᠠᠬᠤ ᠶᠤᠮ ᠪᠤᠢ︖》 ᠭᠡᠵᠡᠭᠡᠳᠡᠭ᠃
6 ᠲᠡᠳᠡ ᠵᠥᠪ ᠪᠤᠰᠤ ᠶᠢ ᠰᠡᠳᠦᠨ 《ᠲᠡᠭᠦᠰ ᠠᠷᠭᠠ ᠣᠯᠣᠯᠠ》 ᠭᠡᠵᠡᠭᠡᠨᠡ᠂ ᠬᠥᠮᠦᠨ ᠪᠦᠷᠢ ᠶᠢᠨ ᠬᠢᠨᠢ ᠪᠣᠳᠣᠯ ᠰᠠᠨᠠᠭᠠ ᠦᠨᠡᠬᠡᠷ ᠭᠦᠨ ᠪᠠᠢᠨᠠ ᠳᠠ᠃
7 ᠪᠤᠷᠬᠠᠨ ᠲᠡᠳᠡᠨ ᠢ ᠰᠤᠮᠤ ᠪᠠᠷ ᠬᠠᠷᠪᠤᠨᠠ︕ ᠲᠡᠳᠡ ᠭᠡᠨᠡᠳᠲᠡᠬᠡᠨ ᠰᠢᠷᠬᠠᠲᠤᠵᠤ
8 ᠥᠪᠡᠷᠰᠡᠳ ᠦᠨ ᠢᠶᠠᠨ ᠬᠡᠯᠡᠨ ᠦ ᠤᠯᠠᠮ ᠢᠶᠠᠷ ᠰᠦᠢᠷᠡᠨᠡ᠂ ᠲᠡᠳᠡᠨ ᠢ ᠬᠠᠷᠠᠬᠤ ᠬᠥᠮᠦᠨ ᠪᠣᠯᠭᠠᠨ ᠲᠣᠯᠣᠭᠠᠢ ᠰᠡᠭᠰᠦᠷᠬᠦ ᠪᠣᠯᠣᠨᠠ᠃
9 ᠬᠥᠮᠦᠨ ᠪᠣᠯᠭᠠᠨ ᠡᠮᠢᠶᠡᠵᠦ ᠪᠤᠷᠬᠠᠨ ᠤ ᠦᠢᠯᠡ ᠶᠢ ᠲᠤᠩ᠋ᠬᠠᠭᠯᠠᠨ ᠶᠠᠭᠤ ᠬᠢᠭᠰᠡᠨ ᠢ ᠨᠢ ᠲᠤᠩ᠋ᠭᠠᠨᠠ᠃
10 ᠵᠥᠪᠲᠡᠨ ᠶᠣᠬᠣᠸᠠ ᠶᠢᠨ ᠳᠣᠲᠣᠷᠠ ᠪᠠᠶᠠᠷᠯᠠᠵᠤ ᠲᠡᠭᠦᠨ ᠦ ᠳᠣᠲᠣᠷᠠ ᠬᠣᠷᠭᠣᠳᠠᠨᠠ ᠴᠢᠭ᠍ᠴᠢ ᠵᠢᠷᠦᠬᠡ ᠲᠠᠢ ᠪᠣᠯᠭᠠᠨ ᠮᠠᠭᠲᠠᠨᠠ᠃