ᠳᠠᠭᠤᠯᠠᠯ ᠨᠠᠶᠠᠨ ᠭᠤᠷᠪᠠ
ᠬᠣᠯᠪᠣᠭᠠᠯᠠᠭᠰᠠᠨ ᠳᠠᠢᠰᠤᠨ ᠠᠴᠠ ᠬᠠᠮᠠᠭᠠᠯᠠᠭᠠᠴᠢ
ᠠᠰᠠᠹ ᠤᠨ ᠳᠠᠭᠤᠯᠠᠯ᠂ ᠳᠠᠭᠤᠤ᠃
1 ᠪᠤᠷᠬᠠᠨ᠂ ᠪᠦᠦ ᠳᠠᠭᠤ ᠦᠭᠡᠢ ᠪᠠᠢᠭᠠᠴᠢ᠂ ᠪᠤᠷᠬᠠᠨ᠂ ᠪᠦᠦ ᠨᠠᠮ ᠵᠢᠮ ᠪᠠᠢᠭᠠᠴᠢ᠂ ᠪᠦᠦ ᠠᠨᠢᠷ ᠦᠭᠡᠢ ᠪᠣᠯᠣᠭᠠᠴᠢ᠃
2 ᠬᠠᠷᠠ᠂ ᠲᠠᠨ ᠤ ᠳᠠᠢᠰᠤᠨ ᠨᠤᠭᠤᠳ ᠱᠤᠤᠭᠢᠯᠳᠤᠵᠤ ᠲᠠᠨ ᠢ ᠦᠵᠡᠨ ᠶᠠᠳᠠᠭᠴᠢᠳ ᠲᠣᠯᠣᠭᠠᠢ ᠪᠠᠨ ᠡᠷᠭᠦᠭᠰᠡᠨ ᠪᠠᠢᠨᠠ᠃
3 ᠠᠷᠠᠳ ᠲᠦᠮᠡᠨ ᠦ ᠲᠠᠨᠢ ᠡᠰᠡᠷᠭᠦ ᠲᠡᠳᠡ ᠵᠠᠯᠢ ᠮᠡᠬᠡ ᠵᠣᠬᠢᠶᠠᠵᠤ ᠲᠠᠨ ᠤ ᠨᠠᠨᠳᠢᠩᠨᠠᠳᠠᠭ ᠬᠥᠮᠦᠰ ᠦᠨ ᠡᠰᠡᠷᠭᠦ ᠬᠤᠤᠪᠢᠯᠳᠤᠵᠤ ᠪᠠᠢᠨᠠ᠂
4 《ᠵᠠ᠂ ᠲᠡᠳᠡᠨ ᠢ ᠦᠨᠳᠦᠰᠦᠲᠡᠨ ᠢᠶᠡᠷ ᠨᠢ ᠤᠰᠠᠳᠬᠠᠵᠠᠭᠠᠶᠠ᠂ ᠢᠰᠷᠧᠯ ᠤᠨ ᠨᠡᠷᠡ ᠶᠢ ᠳᠤᠷᠠᠰᠤᠭᠳᠠᠬᠤ ᠦᠭᠡᠢ ᠪᠣᠯᠭᠠᠶᠠ》 ᠭᠡᠯᠴᠡᠵᠦ
5 ᠨᠢᠭᠡ ᠰᠠᠨᠠᠭᠠ ᠪᠠᠷ ᠬᠤᠤᠪᠢᠯᠳᠤᠭᠰᠠᠨ ᠲᠠᠨ ᠤ ᠡᠰᠡᠷᠭᠦ ᠰᠦᠯᠪᠡᠭᠡ ᠪᠠᠢᠭᠤᠯᠤᠭᠰᠠᠨ᠃
6 ᠡᠳᠣᠮ ᠤᠨ ᠭᠡᠷ ᠦᠨ ᠬᠢᠨ᠂ ᠢᠱᠮᠠᠶᠧᠯᠴᠤᠳ᠂ ᠮᠣᠶᠠᠪᠴᠤᠳ ᠪᠣᠯᠣᠨ ᠬᠠᠬᠷᠢᠴᠤᠳ᠂
7 ᠭᠧᠪᠠᠯ᠂ ᠠᠮᠣᠨ ᠪᠣᠯᠣᠨ ᠠᠮᠠᠯᠧᠺ᠂ ᠹᠢᠯᠢᠰᠲ᠂ ᠲᠢᠷ ᠤᠨ ᠰᠠᠭᠤᠭᠠᠯᠢᠴᠢᠳ ᠠᠴᠠ ᠭᠠᠳᠠᠨᠠ
8 ᠠᠰᠢᠷᠢᠶᠠ ᠴᠤ ᠲᠡᠳᠡᠨ ᠲᠡᠢ ᠬᠣᠯᠪᠣᠭᠠᠯᠠᠵᠤ ᠯᠣᠲ ᠤᠨ ᠬᠥᠪᠡᠭᠦᠳ ᠲᠡᠢ ᠬᠦᠴᠦ ᠬᠠᠮᠲᠤᠷᠠᠵᠠᠢ᠃
ᠰᠧᠯᠠ
9 ᠲᠠ ᠮᠢᠳᠢᠶᠠᠨ ᠳᠤ᠂ ᠺᠢᠱᠣᠨ ᠭᠣᠷᠣᠬᠠᠨ ᠤ ᠳᠡᠷᠭᠡᠳᠡ ᠰᠢᠰᠧᠷᠠ ᠪᠣᠯᠣᠨ ᠶᠠᠪᠢᠨ ᠳᠤ ᠦᠢᠯᠡᠳᠦᠭᠰᠡᠨ ᠰᠢᠭ ᠢᠶᠠᠨ ᠦᠢᠯᠡᠳᠦᠭᠡᠴᠢ᠃
10 ᠲᠡᠳᠡ ᠧᠨ ᠳ᠋ᠣᠷ ᠲᠤ ᠤᠰᠠᠳᠬᠠᠭᠳᠠᠵᠤ ᠭᠠᠵᠠᠷ ᠤᠨ ᠪᠣᠯᠳᠣᠭᠤᠷ ᠪᠣᠯᠣᠭᠰᠠᠨ ᠪᠢᠯᠡ᠃
11 ᠲᠠ ᠳᠠᠢᠰᠤᠨ ᠨᠤᠭᠤᠳ ᠤᠨ ᠨᠣᠶᠠᠳ ᠢ ᠣᠷᠧᠪ ᠪᠠ ᠽᠧᠪ ᠰᠢᠭ᠋ ᠬᠠᠮᠤᠭ ᠲᠣᠯᠣᠭᠠᠢᠯᠠᠭᠴᠢ ᠶᠢ ᠨᠢ ᠽᠧᠪᠠ ᠪᠠ ᠽᠠᠯᠮᠣᠨᠠ ᠰᠢᠭ᠋ ᠪᠣᠯᠭᠠᠭᠠᠴᠢ᠂
12 ᠲᠡᠳᠡ 《ᠪᠤᠷᠬᠠᠨ ᠤ ᠪᠡᠯᠴᠢᠭᠡᠷ ᠢ ᠡᠵᠡᠮᠰᠢᠵᠡᠭᠡᠶᠡ》 ᠭᠡᠵᠡᠭᠡᠭᠰᠡᠨ ᠶᠤᠮ᠃
13 ᠪᠤᠷᠬᠠᠨ ᠮᠢᠨᠢ ᠡ᠂ ᠲᠡᠳᠡᠨ ᠢ ᠬᠠᠮᠬᠤᠤᠯ ᠮᠡᠲᠦ ᠰᠠᠯᠬᠢᠨ ᠳᠤ ᠬᠡᠶᠢᠰᠬᠦ ᠬᠡᠪᠡᠭ ᠮᠡᠲᠦ ᠪᠣᠯᠭᠠᠭᠠᠴᠢ᠃
14 ᠣᠢ ᠶᠢ ᠰᠢᠲᠠᠭᠠᠬᠤ ᠭᠠᠯ ᠮᠡᠲᠦ ᠠᠭᠤᠯᠠᠰ ᠢ ᠭᠠᠯᠳᠠᠬᠤ ᠳᠥᠯᠥ ᠮᠡᠲᠦ
15 ᠬᠤᠢ ᠰᠠᠯᠬᠢ ᠪᠠᠷ ᠢᠶᠠᠨ ᠲᠡᠳᠡᠨ ᠢ ᠬᠥᠭᠡᠭᠡᠵᠦ ᠰᠢᠭᠤᠷᠭᠠ ᠪᠠᠷ ᠢᠶᠠᠨ ᠲᠡᠳᠡᠨ ᠢ ᠰᠦᠷᠳᠡᠭᠦᠯᠦᠭᠡᠴᠢ
16 ᠨᠢᠭᠤᠷ ᠢ ᠨᠢ ᠢᠴᠢᠭᠦᠷᠢ ᠪᠠᠷ ᠳᠦᠭᠦᠷᠭᠡᠭᠡᠴᠢ ᠨᠡᠷᠡ ᠶᠢ ᠲᠠᠨᠢ ᠲᠡᠳᠡ ᠬᠠᠢᠬᠤ ᠶᠣᠰᠣᠲᠠᠢ᠂ ᠶᠣᠬᠣᠸᠠ᠃
17 ᠲᠡᠳᠡ ᠴᠠᠭ ᠦᠷᠭᠦᠯᠵᠢ ᠢᠴᠢᠵᠦ ᠰᠠᠨᠳᠤᠷᠤᠨ ᠰᠢᠪᠰᠢᠭ ᠪᠣᠯᠵᠤ ᠰᠦᠢᠷᠡᠭ᠂
18 ᠲᠡᠭᠡᠪᠡᠯ ᠲᠡᠳᠡ ᠶᠣᠬᠣᠸᠠ ᠭᠡᠳᠡᠭ ᠨᠡᠷᠡ ᠲᠠᠢ ᠲᠠ᠂ ᠭᠠᠭᠴᠠᠬᠠᠨ ᠲᠠ ᠯᠠ ᠪᠦᠬᠦ ᠳᠡᠯᠡᠬᠡᠢ ᠶᠢᠨ ᠬᠠᠮᠤᠭ ᠤᠨ ᠳᠡᠭᠡᠳᠦ ᠨᠢᠭᠡᠨ ᠭᠡᠳᠡᠭ ᠢ ᠮᠡᠳᠡᠬᠦ ᠪᠣᠯᠣᠨᠠ᠃