ᠳᠠᠭᠤᠯᠠᠯ ᠵᠠᠭᠤ ᠠᠷᠪᠠᠨ ᠬᠣᠶᠠᠷ
ᠵᠥᠪᠲᠡᠨ ᠢ ᠰᠠᠢᠰᠢᠶᠠᠬᠤ
1 ᠶᠣᠬᠣᠸᠠ ᠶᠢ ᠮᠠᠭᠲᠠᠭᠲᠤᠨ᠂ ᠶᠣᠬᠣᠸᠠ ᠠᠴᠠ ᠡᠮᠢᠶᠡᠨ ᠲᠤᠰᠢᠶᠠᠯ ᠤᠳ ᠲᠤᠨᠢ ᠦᠯᠡᠮᠵᠢ ᠪᠠᠶᠠᠷᠯᠠᠳᠠᠭ ᠬᠥᠮᠦᠨ ᠪᠤᠶᠠᠨ ᠲᠠᠢ᠂
2 ᠦᠷᠡ ᠤᠳᠤᠮ ᠨᠢ ᠭᠠᠵᠠᠷ ᠳᠡᠭᠡᠷᠡ ᠬᠦᠴᠦ ᠴᠢᠳᠠᠯ ᠲᠠᠢ ᠪᠣᠯᠣᠨᠠ ᠴᠢᠭ᠍ᠴᠢ ᠬᠥᠮᠦᠰ ᠦᠨ ᠦᠶᠡ ᠶᠢᠨ ᠬᠢᠨ ᠢᠪᠡᠭᠡᠭᠳᠡᠨᠡ᠂
3 ᠲᠡᠭᠦᠨ ᠦ ᠭᠡᠷ ᠡᠳ᠋ ᠪᠠᠶᠠᠯᠢᠭ ᠲᠠᠢ ᠪᠠᠢᠵᠤ ᠲᠡᠭᠦᠨ ᠦ ᠵᠥᠪ ᠦᠢᠯᠡ ᠮᠥᠩᠬᠡᠳᠡ ᠦᠯᠡᠳᠡᠨᠡ᠂
4 ᠥᠷᠥᠪᠴᠢ᠂ ᠨᠢᠭᠦᠯᠡᠰᠦᠩᠭᠦᠢ᠂ ᠵᠥᠪ ᠪᠣᠯᠬᠣᠷ ᠬᠠᠷᠠᠩ᠋ᠭᠤᠢ ᠪᠠᠢᠬᠤ ᠳᠤ ᠴᠤ ᠴᠢᠭ᠍ᠴᠢ ᠬᠥᠮᠦᠨ ᠳᠦ ᠭᠡᠷᠡᠯ ᠲᠤᠰᠤᠨᠠ᠂
5 ᠬᠠᠷᠠᠮ ᠦᠭᠡᠢ ᠵᠢᠭᠡᠯᠡᠭᠦᠯᠦᠭᠴᠢ ᠬᠥᠮᠦᠨ᠂ ᠠᠵᠢᠯ ᠢᠶᠠᠨ ᠰᠢᠳᠤᠷᠭᠤ ᠪᠠᠷ ᠭᠦᠢᠴᠡᠭᠡᠳᠡᠭ ᠬᠥᠮᠦᠨ ᠰᠠᠢᠨ ᠪᠣᠯᠣᠨᠠ᠂
6 ᠲᠡᠷᠡ ᠬᠡᠵᠢᠶᠡ ᠴᠤ ᠭᠠᠩ᠋ᠬᠤᠬᠤ ᠦᠭᠡᠢ ᠵᠥᠪᠲᠡᠨ ᠮᠥᠩᠬᠡᠳᠡ ᠳᠤᠷᠠᠰᠤᠭᠳᠠᠨᠠ᠂
7 ᠲᠡᠷᠡ ᠪᠡᠷ ᠮᠠᠭᠤ ᠮᠡᠳᠡᠭᠡᠨ ᠡᠴᠡ ᠠᠶᠤᠬᠤ ᠦᠭᠡᠢ ᠲᠤᠤᠱᠲᠠᠢ ᠵᠢᠷᠦᠬᠡ ᠪᠡᠷ ᠶᠣᠬᠣᠸᠠ ᠳᠤ ᠢᠲᠡᠭᠡᠳᠡᠭ᠃
8 ᠵᠢᠷᠦᠬᠡ ᠨᠢ ᠲᠤᠤᠱᠲᠠᠢ᠂ ᠲᠡᠷᠡ ᠠᠶᠤᠬᠤ ᠦᠭᠡᠢ ᠪᠠᠢᠭᠰᠠᠭᠠᠷ᠂ ᠬᠣᠵᠢᠮ ᠥᠰᠲᠡᠨ ᠨᠦᠭᠦᠳ ᠢᠶᠡᠨ ᠳᠡᠭᠡᠷᠡ ᠡᠴᠡ ᠬᠠᠷᠠᠬᠤ ᠪᠣᠯᠣᠨᠠ᠃
9 ᠲᠡᠷᠡ ᠪᠡᠷ ᠲᠦᠭᠡᠭᠡᠵᠦ ᠶᠠᠳᠠᠭᠤᠰ ᠲᠤ ᠥᠭᠭᠥᠭᠰᠡᠨ᠂ ᠵᠥᠪᠲᠦ ᠦᠢᠯᠡᠰ ᠨᠢ ᠮᠥᠩᠬᠡ ᠦᠯᠡᠳᠡᠵᠦ ᠡᠪᠡᠷ ᠨᠢ ᠬᠦᠨᠳᠦᠳᠬᠡᠯ ᠲᠡᠢ ᠪᠠᠷ ᠡᠷᠭᠦᠮᠵᠢᠯᠡᠭᠳᠡᠨᠡ᠂
10 ᠪᠤᠷᠤᠭᠤᠲᠠᠨ ᠬᠠᠷᠠᠭᠠᠳ ᠠᠭᠤᠷᠯᠠᠨᠠ ᠰᠢᠳᠦ ᠪᠡᠨ ᠬᠠᠪᠢᠷᠤᠨᠠ᠂ ᠠᠯᠠᠭᠠ ᠪᠣᠯᠣᠨᠠ᠂ ᠪᠤᠷᠤᠭᠤᠲᠠᠳ ᠤᠨ ᠬᠦᠰᠡᠯ ᠲᠠᠯᠠᠭᠠᠷ ᠪᠣᠯᠣᠨᠠ᠃