ᠳᠠᠭᠤᠯᠠᠯ ᠲᠠᠪᠢᠨ ᠵᠢᠷᠭᠤᠭᠠ
ᠠᠶᠤᠯᠳᠤ ᠴᠠᠭ ᠳᠠᠬᠢ ᠪᠠᠲᠤ ᠢᠲᠡᠭᠡᠯ
ᠳ᠋ᠠᠸᠢᠳ᠋ ᠤᠨ ᠮᠢᠺᠲᠠᠮ\f + \fr 56:0 \ft ᠢᠪᠷᠠᠢ ᠦᠭᠡ᠂ ᠤᠳᠬᠠ ᠨᠢ ᠲᠣᠳᠣᠷᠬᠠᠢ ᠦᠭᠡᠢ᠂ ᠬᠥᠭᠵᠢᠮ ᠤᠨ ᠲᠣᠮᠢᠶᠠ ᠪᠠᠢᠬᠠ᠃\f*᠂ ᠨᠠᠢᠷᠠᠯ ᠳᠠᠭᠤᠤ ᠶᠢᠨ ᠤᠳᠤᠷᠢᠳᠤᠭᠠᠴᠢ ᠳᠤ᠃ 《ᠠᠯᠤᠰ ᠲᠤ ᠴᠢᠮᠡᠭᠡ ᠦᠭᠡᠢ ᠪᠠᠢᠭᠠ ᠲᠠᠭᠲᠠᠭᠠ》 ᠶᠢᠨ ᠠᠶᠠ ᠳᠡᠭᠡᠷᠡ᠃ ᠹᠢᠯᠢᠰᠲ᠋ᠴᠦᠳ ᠳ᠋ᠠᠸᠢᠳ᠋ ᠢ ᠭᠠᠲ ᠳᠤ ᠪᠠᠷᠢᠭᠰᠠᠨ ᠦᠶᠡ ᠳᠦ᠃
1 ᠪᠤᠷᠬᠠᠨ᠂ ᠨᠠᠮᠠᠶᠢ ᠡᠨᠡᠷᠢᠭᠡᠴᠢ ᠬᠥᠮᠦᠨ ᠨᠠᠮᠠᠶᠢ ᠭᠢᠰᠬᠢᠯᠡᠳᠡᠭ ᠳᠣᠪᠲᠣᠯᠣᠭᠴᠢ ᠨᠠᠮᠠᠶᠢ ᠳᠠᠷᠤᠯᠠᠵᠤ ᠪᠠᠢᠨᠠ᠃
2 ᠮᠢᠨᠦ ᠳᠠᠢᠰᠤᠨ ᠨᠤᠭᠤᠳ ᠡᠳᠦᠷᠵᠢᠨ ᠨᠠᠮᠠᠶᠢ ᠭᠢᠰᠬᠢᠯᠡᠳᠡᠭ ᠦᠨᠡᠬᠡᠷ ᠣᠯᠠᠨ ᠬᠥᠮᠦᠨ ᠨᠠᠳᠠ ᠤᠷᠤᠭᠤ ᠳᠣᠪᠲᠣᠯᠵᠤ ᠪᠠᠢᠨᠠ᠂ ᠬᠠᠮᠤᠭ ᠤᠨ ᠳᠡᠭᠡᠳᠦ ᠡᠵᠡᠨ᠂
3 ᠠᠢᠳᠠᠰ ᠲᠠᠢ ᠡᠳᠦᠷ ᠤᠳ ᠲᠡᠭᠡᠨ ᠪᠢ ᠲᠠᠨ ᠳᠤ ᠨᠠᠢᠳᠠᠨᠠ᠃
4 ᠪᠢ ᠪᠤᠷᠬᠠᠨ ᠢ ᠦᠭᠡ ᠶᠢᠨ ᠬᠢᠨᠢ ᠤᠴᠢᠷ ᠢᠶᠠᠷ ᠮᠠᠭᠲᠠᠨᠠ ᠪᠢ ᠪᠤᠷᠬᠠᠨ ᠳᠤ ᠢᠲᠡᠭᠡᠳᠡᠭ ᠪᠢ ᠠᠶᠤᠬᠤ ᠦᠭᠡᠢ ᠮᠢᠬᠠᠨ ᠪᠡᠶᠡᠲᠦ ᠬᠥᠮᠦᠨ ᠨᠠᠳᠠ ᠳᠤ ᠶᠠᠭᠤ ᠬᠢᠬᠦ ᠪᠢᠯᠡ︖
5 ᠡᠳᠦᠷ ᠪᠣᠯᠭᠠᠨ ᠲᠡᠳᠡ ᠦᠭᠡᠰ ᠢ ᠮᠢᠨᠢ ᠭᠤᠢᠪᠢᠭᠤᠯᠵᠤ ᠨᠠᠮᠠᠶᠢ ᠬᠣᠣᠷᠯᠠᠬᠤ ᠶᠢ ᠯᠠ ᠪᠣᠳᠣᠵᠤ ᠪᠠᠢᠨᠠ᠃
6 ᠲᠡᠳᠡ ᠮᠠᠷᠭᠤᠭᠠᠨ ᠰᠡᠳᠦᠭᠡᠳ ᠨᠢᠭᠤᠭᠳᠠᠵᠤ ᠠᠮᠢ ᠶᠢ ᠮᠢᠨᠢ ᠠᠪᠬᠤ ᠪᠠᠷ ᠠᠯᠬᠤᠮ ᠤᠳ ᠢ ᠮᠢᠨᠢ ᠠᠵᠢᠭᠯᠠᠵᠤ ᠪᠠᠢᠨᠠ᠃
7 ᠭᠡᠮ ᠲᠡᠢ ᠠᠲᠠᠯᠠ ᠲᠡᠳᠡ ᠬᠡᠯᠲᠦᠷᠢᠨᠡ ᠭᠡᠵᠢ ᠤᠤ︖ ᠬᠢᠯᠢᠩ ᠢᠶᠠᠷ ᠢᠶᠠᠨ ᠲᠡᠳᠡᠭᠡᠷ ᠬᠥᠮᠦᠰ ᠢ ᠪᠠᠭᠤᠯᠭᠠᠭᠠᠴᠢ᠂ ᠪᠤᠷᠬᠠᠨ ᠮᠢᠨᠢ᠃
8 ᠲᠥᠭᠡᠷᠢᠭᠳᠡᠯ ᠪᠦᠷᠢ ᠶᠢ ᠮᠢᠨᠢ ᠲᠠ ᠲᠣᠭᠠᠯᠠᠭᠰᠠᠭᠠᠷ ᠪᠠᠢᠭᠰᠠᠨ᠂ ᠨᠢᠯᠪᠤᠰᠤ ᠶᠢ ᠮᠢᠨᠢ ᠲᠤᠯᠤᠮ ᠳᠠᠭᠠᠨ ᠣᠷᠣᠭᠤᠯᠤᠭᠠᠴᠢ᠂ ᠲᠠᠨ ᠤ ᠨᠣᠮ ᠳᠤ ᠲᠡᠳᠡ ᠪᠠᠢᠭᠠ ᠪᠢᠰᠢ ᠤᠤ︖
9 ᠪᠢ ᠲᠠᠨ ᠢ ᠳᠠᠭᠤᠳᠠᠬᠤ ᠡᠳᠦᠷ ᠳᠠᠢᠰᠤᠨ ᠨᠤᠭᠤᠳ ᠤᠬᠤᠷᠢᠨᠠ ᠪᠤᠷᠬᠠᠨ ᠮᠢᠨᠦ ᠲᠠᠯᠠ ᠳᠤ ᠪᠠᠢᠭᠠ ᠶᠢ ᠪᠢ ᠡᠭᠦᠨ ᠢᠶᠡᠷ ᠮᠡᠳᠡᠨᠡ᠃
10 ᠪᠢ ᠪᠤᠷᠬᠠᠨ ᠢ ᠦᠭᠡ ᠶᠢᠨ ᠬᠢᠨᠢ ᠤᠴᠢᠷ ᠢᠶᠠᠷ ᠮᠠᠭᠲᠠᠨᠠ ᠪᠢ ᠶᠣᠬᠣᠸᠠ ᠶᠢ ᠦᠭᠡ ᠶᠢᠨ ᠬᠢᠨᠢ ᠤᠴᠢᠷ ᠢᠶᠠᠷ ᠮᠠᠭᠲᠠᠨᠠ᠂
11 ᠪᠢ ᠪᠤᠷᠬᠠᠨ ᠳᠤ ᠢᠲᠡᠭᠡᠳᠡᠭ ᠪᠢ ᠠᠶᠤᠬᠤ ᠦᠭᠡᠢ ᠮᠢᠬᠠᠨ ᠪᠡᠶᠡᠲᠦ ᠬᠥᠮᠦᠨ ᠨᠠᠳᠠ ᠳᠤ ᠶᠠᠭᠤ ᠬᠢᠬᠦ ᠪᠢᠯᠡ︖
12 ᠲᠠᠩ᠋ᠭᠠᠷᠢᠭ ᠮᠢᠨᠢ ᠨᠠᠳᠠ ᠳᠡᠭᠡᠷᠡ ᠪᠠᠢᠨᠠ᠂ ᠪᠤᠷᠬᠠᠨ ᠮᠢᠨᠢ ᠲᠠᠯᠠᠷᠬᠠᠯ ᠤᠨ ᠡᠷᠭᠦᠯ ᠢ ᠪᠢ ᠲᠠᠨ ᠳᠤ ᠡᠷᠭᠦᠶᠡ᠃
13 ᠤᠴᠢᠷ ᠨᠢ ᠲᠠ ᠠᠮᠢ ᠶᠢ ᠮᠢᠨᠢ ᠦᠬᠦᠯ ᠡᠴᠡ ᠠᠪᠤᠷᠠᠪᠠ ᠪᠤᠷᠬᠠᠨ᠂ ᠠᠮᠢ ᠶᠢᠨ ᠭᠡᠷᠡᠯ ᠳᠤᠮᠳᠠ ᠥᠪᠡᠷ ᠦᠨ ᠢᠶᠠᠨ ᠡᠮᠦᠨᠡ ᠠᠯᠬᠤᠭᠤᠯᠬᠤ ᠪᠠᠷ ᠮᠢᠨᠦ ᠬᠥᠯ ᠢ ᠲᠠ ᠪᠦᠳᠦᠷᠢᠯ ᠡᠴᠡ ᠠᠪᠤᠷᠠᠵᠠᠢ᠃