ᠳᠠᠭᠤᠯᠠᠯ ᠳᠥᠴᠢᠨ ᠳᠥᠷᠪᠡ
ᠪᠤᠷᠬᠠᠨ ᠠᠷᠠᠳ ᠲᠦᠮᠡᠨ ᠢᠶᠡᠨ ᠣᠷᠬᠢᠭᠰᠠᠨ ᠭᠡᠵᠢ ᠤᠤ︖
ᠨᠠᠢᠷᠠᠯ ᠳᠠᠭᠤᠤ ᠶᠢᠨ ᠤᠳᠤᠷᠢᠳᠤᠭᠠᠴᠢ ᠳᠤ᠂ ᠺᠣᠷᠠ ᠶᠢᠨ ᠬᠣᠢᠴᠢᠰ ᠤᠨ ᠰᠤᠷᠭᠠᠯᠲᠤ ᠳᠠᠭᠤᠯᠠᠯ᠃
1 ᠥ᠂ ᠪᠤᠷᠬᠠᠨ᠂ ᠪᠢᠳᠡ ᠴᠢᠬᠢ ᠪᠠᠷ ᠢᠶᠠᠨ ᠰᠣᠨᠣᠰᠣᠯᠠ᠃ ᠡᠷᠲᠡᠨ ᠦ ᠡᠳᠦᠷ ᠤᠳ ᠲᠤ ᠪᠢᠳᠡᠨ ᠦ ᠡᠪᠦᠭᠡᠳ ᠦᠨ ᠦᠶᠡ ᠳᠦ ᠲᠠᠨ ᠤ ᠦᠢᠯᠡᠳᠦᠭᠰᠡᠨ ᠵᠦᠢᠯᠡᠰ ᠢ ᠲᠡᠳᠡ ᠪᠢᠳᠡᠨ ᠳᠦ ᠶᠠᠷᠢᠭᠰᠠᠨ᠂
2 ᠲᠠ ᠥᠪᠡᠷ ᠦᠨ ᠢᠶᠠᠨ ᠮᠤᠲᠤᠷ ᠢᠶᠠᠷ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠢ ᠵᠠᠢᠯᠠᠭᠤᠯᠵᠤ ᠡᠪᠦᠭᠡᠳ ᠢ ᠮᠠᠨᠢ ᠰᠠᠭᠤᠷᠢᠰᠢᠭᠤᠯᠤᠭᠰᠠᠨ ᠪᠢᠯᠡ᠂ ᠲᠠ ᠶᠠᠰᠤᠲᠠᠨ ᠨᠤᠭᠤᠳ ᠲᠤ ᠵᠣᠪᠠᠯᠠᠩ ᠤᠴᠠᠷᠠᠭᠤᠯᠵᠤ ᠡᠪᠦᠭᠡᠳ ᠢ ᠮᠢᠨᠢ ᠴᠢᠯᠥᠭᠡᠯᠡᠭᠰᠡᠨ ᠪᠢᠯᠡ᠃
3 ᠥᠪᠡᠷᠰᠡᠳ ᠦᠨ ᠢᠶᠠᠨ ᠢᠯᠳᠦ ᠪᠡᠷ ᠲᠡᠷᠡ ᠨᠤᠲᠤᠭ ᠢ ᠥᠪᠯᠡᠭᠰᠡᠨ ᠪᠢᠰᠢ ᠥᠪᠡᠷᠰᠡᠳ ᠦᠨ ᠢᠶᠠᠨ ᠭᠠᠷ ᠢᠶᠠᠷ ᠢᠯᠠᠯᠲᠠ ᠶᠢ ᠠᠪᠴᠢᠷᠠᠭᠰᠠᠨ ᠪᠢᠰᠢ᠂ ᠬᠠᠷᠢᠨ ᠳ᠋ᠠᠨ ᠤ ᠮᠤᠲᠤᠷ ᠢᠶᠠᠷ᠂ ᠲᠠᠨ ᠤ ᠪᠠᠷᠠᠭᠤᠨ ᠮᠤᠲᠤᠷ ᠢᠶᠠᠷ᠂ ᠲᠠᠨ ᠤ ᠨᠢᠭᠤᠷ ᠤᠨ ᠭᠡᠷᠡᠯ ᠢᠶᠡᠷ ᠪᠢᠯᠡ᠂ ᠤᠴᠢᠷ ᠨᠢ ᠲᠠ ᠲᠡᠳᠡᠨ ᠢ ᠲᠠᠭᠠᠯᠠᠭᠰᠠᠨ ᠶᠤᠮ᠃
4 ᠲᠠ ᠪᠣᠯ ᠮᠢᠨᠦ ᠪᠤᠷᠬᠠᠨ᠂ ᠮᠢᠨᠦ ᠬᠠᠭᠠᠨ ᠲᠠ ᠶᠠᠺᠣᠪ ᠲᠤ ᠢᠯᠠᠯᠲᠠ ᠶᠢ ᠰᠣᠶᠣᠷᠬᠠᠨᠠ ᠤᠤ︖
5 ᠲᠠᠨ ᠤ ᠠᠴᠢ ᠪᠠᠷ ᠪᠢᠳᠡ ᠳᠠᠢᠰᠤᠨ ᠨᠤᠭᠤᠳ ᠢᠶᠠᠨ ᠬᠥᠭᠡᠭᠡᠨᠡ᠂ ᠲᠠᠨ ᠤ ᠠᠯᠳᠠᠷ ᠢᠶᠠᠷ ᠪᠢᠳᠡ ᠡᠰᠡᠷᠭᠦ ᠡᠴᠡ ᠮᠢᠨᠢ ᠪᠣᠰᠣᠭᠴᠢᠳ ᠢᠶᠠᠨ ᠭᠢᠰᠬᠢᠴᠢᠨᠡ᠃
6 ᠪᠢ ᠨᠤᠮᠤᠨ ᠳᠠᠭᠠᠨ ᠨᠠᠢᠳᠠᠬᠤ ᠦᠭᠡᠢ ᠮᠢᠨᠦ ᠢᠯᠳᠦ ᠴᠤ ᠨᠠᠮᠠᠶᠢ ᠠᠪᠤᠷᠠᠬᠤ ᠦᠭᠡᠢ᠂
7 ᠲᠠ ᠯᠠ ᠪᠢᠳᠡᠨ ᠢ ᠳᠠᠢᠰᠤᠨ ᠨᠤᠭᠤᠳ ᠠᠴᠠ ᠠᠪᠤᠷᠠᠳᠠᠭ ᠪᠢᠳᠡᠨ ᠢ ᠦᠵᠡᠨ ᠶᠠᠳᠠᠭᠴᠢᠳ ᠢ ᠢᠴᠢᠭᠦᠷᠢ ᠳᠤ ᠣᠷᠣᠭᠤᠯᠳᠠᠭ᠃
8 ᠪᠢᠳᠡ ᠡᠳᠦᠷᠵᠢᠨ ᠪᠤᠷᠬᠠᠨ ᠢᠶᠠᠷ ᠪᠠᠬᠠᠷᠬᠠᠳᠠᠭ ᠡᠭᠦᠷᠢᠳᠡ ᠲᠠᠨ ᠤ ᠠᠯᠳᠠᠷ ᠲᠤ ᠲᠠᠯᠠᠷᠬᠠᠨᠠ᠃
ᠰᠧᠯᠠ
9 ᠭᠡᠲᠡᠯᠡ ᠣᠳᠣ ᠲᠠ ᠪᠢᠳᠡᠨ ᠢ ᠣᠷᠬᠢᠵᠤ᠂ ᠰᠢᠪᠰᠢᠭ ᠪᠣᠯᠭᠠᠵᠠᠢ ᠲᠠ ᠪᠢᠳᠡᠨ ᠦ ᠴᠡᠷᠢᠭ ᠤᠳ ᠲᠠᠢ ᠬᠠᠮᠲᠤ ᠭᠠᠷᠬᠤ ᠦᠭᠡᠢ ᠪᠠᠢᠨᠠ᠃
10 ᠲᠠ ᠪᠢᠳᠡᠨ ᠢ ᠳᠠᠢᠰᠤᠨ ᠨᠤᠭᠤᠳ ᠠᠴᠠ ᠵᠢᠭᠤᠲᠠᠭᠤᠯᠵᠤ ᠪᠢᠳᠡ ᠥᠰᠲᠡᠳ ᠲᠡᠭᠡᠨ ᠲᠣᠨᠣᠭᠤᠯᠪᠠ᠃
11 ᠲᠠ ᠪᠢᠳᠡᠨ ᠢ ᠢᠳᠡᠰᠢᠨ ᠤ ᠬᠣᠨᠢ ᠰᠢᠭ᠋ ᠪᠣᠯᠭᠠᠵᠤ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠳᠤᠮᠳᠠ ᠪᠤᠲᠠᠷᠠᠭᠠᠭᠰᠠᠨ᠂
12 ᠥᠨᠳᠥᠷ ᠦᠨᠡ ᠱᠠᠭᠠᠷᠳᠠᠯ ᠦᠭᠡᠢ ᠥᠪᠡᠷ ᠦᠨ ᠢᠶᠠᠨ ᠠᠷᠠᠳ ᠲᠦᠮᠡᠨ ᠢ ᠬᠢᠮᠳᠠ ᠪᠠᠷ ᠬᠤᠳᠠᠯᠳᠤᠵᠠᠢ᠂
13 ᠲᠠ ᠪᠢᠳᠡᠨ ᠢ ᠬᠥᠷᠰᠢ ᠨᠦᠭᠦᠳ ᠲᠦ ᠮᠠᠨᠢ ᠱᠣᠣᠯᠠᠭᠤᠯᠪᠠ ᠡᠷᠭᠢᠨ ᠲᠣᠭᠣᠷᠢᠨ ᠤ ᠮᠠᠨᠢ ᠡᠯᠡᠭ ᠳᠣᠭᠣᠭᠢ ᠪᠣᠯᠭᠠᠪᠠ᠂
14 ᠲᠠ ᠪᠢᠳᠡᠨ ᠢ ᠭᠦᠷᠦᠨ ᠨᠦᠭᠦᠳ ᠦᠨ ᠳᠤᠮᠳᠠ ᠠᠮᠠᠨ ᠤ ᠵᠤᠭᠠ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠳᠤᠮᠳᠠ ᠢᠨᠢᠶᠡᠳᠦᠮ ᠪᠣᠯᠭᠠᠪᠠ᠂
15 ᠭᠤᠲᠤᠮᠰᠢᠭ ᠮᠢᠨᠦ ᠡᠮᠦᠨᠡ ᠡᠳᠦᠷᠵᠢᠨ ᠪᠠᠢᠭᠰᠠᠭᠠᠷ ᠢᠴᠢᠭᠦᠷᠢ ᠨᠢᠭᠤᠷ ᠢ ᠮᠢᠨᠢ ᠪᠦᠲᠡᠭᠡᠭᠰᠡᠨ ᠨᠢ
16 ᠬᠠᠷᠢᠶᠠᠯ ᠳᠣᠷᠣᠮᠵᠢᠯᠠᠯ ᠤᠨ ᠳᠠᠭᠤ ᠶᠢᠨ ᠤᠯᠠᠮ ᠠᠴᠠ᠂ ᠳᠠᠢᠰᠤᠨ᠂ ᠥᠰᠢᠶᠡ ᠠᠪᠤᠭᠴᠢ ᠲᠠᠢ ᠪᠠᠨ ᠨᠢᠭᠤᠷᠯᠠᠭᠰᠠᠨ ᠤ ᠤᠯᠠᠮ ᠠᠴᠠ ᠶᠤᠮ᠃
17 ᠡᠨᠡ ᠪᠦᠬᠦᠨ ᠪᠢᠳᠡᠨ ᠳᠦ ᠲᠣᠬᠢᠶᠠᠯᠳᠤᠵᠠᠢ᠂ ᠬᠠᠷᠢᠨ ᠪᠢᠳᠡ ᠲᠠᠨ ᠢ ᠮᠠᠷᠲᠠᠭᠠ ᠦᠭᠡᠢ ᠲᠠᠨ ᠤ ᠭᠡᠷᠡ ᠶᠢ ᠵᠥᠷᠢᠴᠡᠭᠡ ᠦᠭᠡᠢ
18 ᠪᠢᠳᠡᠨ ᠦ ᠰᠡᠳᠬᠢᠯ ᠡᠷᠭᠢᠭᠡ ᠦᠭᠡᠢ ᠪᠢᠳᠡᠨ ᠦ ᠠᠯᠬᠤᠮ ᠲᠠᠨ ᠤ ᠵᠠᠮ ᠠᠴᠠ ᠬᠠᠵᠠᠢᠭᠠ ᠦᠭᠡᠢ᠂
19 ᠬᠠᠷᠢᠨ ᠲᠠ ᠪᠢᠳᠡᠨ ᠢ ᠴᠢᠨᠣᠠ ᠶᠢᠨ ᠡᠭᠦᠷ ᠲᠦ ᠣᠷᠣᠭᠤᠯᠵᠤ ᠦᠬᠦᠯ ᠦᠨ ᠰᠡᠭᠦᠳᠡᠷ ᠢᠶᠡᠷ ᠬᠤᠴᠢᠪᠠ᠃
20 ᠬᠡᠷᠪᠡ ᠪᠢᠳᠡ ᠪᠤᠷᠬᠠᠨ ᠤ ᠪᠠᠨ ᠨᠡᠷᠡ ᠶᠢ ᠮᠠᠷᠲᠠᠵᠤ ᠭᠠᠷ ᠢᠶᠠᠨ ᠬᠠᠷᠢ ᠶᠢᠨ ᠪᠤᠷᠬᠠᠨ ᠤᠷᠤᠭᠤ ᠰᠤᠩ᠋ᠭᠠᠭᠰᠠᠨ ᠪᠣᠯ᠂
21 ᠵᠢᠷᠦᠬᠡᠨ ᠦ ᠨᠢᠭᠤᠴᠠ ᠶᠢ ᠮᠡᠳᠡᠳᠡᠭ ᠪᠤᠷᠬᠠᠨ ᠡᠭᠦᠨ ᠢ ᠣᠯᠵᠤ ᠢᠯᠡᠷᠡᠭᠦᠯᠬᠦ ᠦᠭᠡᠢ ᠪᠠᠢᠭᠰᠠᠨ ᠭᠡᠵᠢ ᠤᠤ︖
22 ᠬᠠᠷᠢᠨ ᠲᠠᠨ ᠤ ᠤᠯᠠᠮ ᠢᠶᠠᠷ ᠪᠢᠳᠡ ᠡᠳᠦᠷ ᠪᠦᠷᠢ ᠠᠯᠠᠭᠤᠯᠳᠠᠭ ᠪᠢᠳᠡ ᠢᠳᠡᠰᠢᠨ ᠤ ᠬᠣᠨᠢᠨ ᠳᠤ ᠲᠣᠭᠠᠴᠠᠭᠳᠠᠳᠠᠭ᠃
23 ᠡᠵᠡᠨ᠂ ᠪᠣᠰᠣᠭᠠᠴᠢ᠂ ᠲᠠ ᠶᠠᠭᠠᠬᠢᠭᠠᠳ ᠨᠣᠢᠷᠰᠣᠭᠰᠠᠭᠠᠷ ᠪᠠᠢᠨᠠ ᠪᠤᠢ︖ ᠰᠡᠷᠢᠭᠡᠴᠢ᠂ ᠪᠢᠳᠡᠨ ᠢ ᠪᠦᠦ ᠡᠭᠦᠷᠢᠳᠡ ᠣᠷᠬᠢᠭᠠᠴᠢ᠃
24 ᠲᠠ ᠶᠠᠭᠤᠨ ᠳᠤ ᠨᠢᠭᠤᠷ ᠢᠶᠠᠨ ᠨᠢᠭᠤᠵᠤ ᠪᠢᠳᠡᠨ ᠦ ᠵᠣᠪᠠᠯᠠᠩ᠂ ᠪᠢᠳᠡᠨ ᠦ ᠳᠠᠷᠤᠮᠲᠠ ᠶᠢ ᠮᠠᠷᠲᠠᠨᠠ ᠪᠤᠢ︖
25 ᠰᠦᠨᠡᠰᠦ ᠮᠠᠨᠢ ᠰᠢᠷᠣᠢ ᠳᠤ ᠰᠢᠭᠢᠳᠦᠨ ᠪᠡᠶᠡ ᠮᠢᠨᠢ ᠭᠠᠵᠠᠷ ᠲᠤ ᠨᠠᠭᠠᠯᠳᠤᠵᠠᠢ᠃
26 ᠪᠣᠰᠣᠭᠠᠳ᠂ ᠲᠤᠰᠠᠯᠠᠭᠠᠴᠢ᠂ ᠦᠨᠡᠨ ᠬᠠᠢᠷᠠ ᠪᠠᠷ ᠢᠶᠠᠨ ᠪᠢᠳᠡᠨ ᠢ ᠵᠣᠯᠢᠨ ᠠᠪᠤᠭᠠᠴᠢ᠃