ᠳᠠᠭᠤᠯᠠᠯ ᠶᠢᠰᠦ
ᠵᠥᠪ ᠰᠢᠳᠬᠡᠯ
ᠳ᠋ᠠᠸᠢᠳ᠋ ᠤᠨ ᠳᠠᠭᠤᠯᠠᠯ᠂ ᠨᠠᠢᠷᠠᠯ ᠳᠠᠭᠤᠤ ᠶᠢᠨ ᠤᠳᠤᠷᠢᠳᠤᠭᠠᠴᠢ ᠳᠤ᠂ ᠮᠦᠲ ᠯᠠᠪᠧᠨ ᠳᠡᠭᠡᠷᠡ᠃
1 ᠪᠢ ᠪᠦᠬᠦ ᠵᠢᠷᠦᠬᠡ ᠪᠡᠷ ᠢᠶᠠᠨ ᠶᠣᠬᠣᠸᠠ ᠶᠢ ᠮᠠᠭᠲᠠᠨᠠ ᠪᠢ ᠲᠠᠨ ᠤ ᠪᠦᠬᠦ ᠭᠠᠢᠬᠠᠮᠰᠢᠭ ᠢ ᠲᠣᠭᠠᠴᠢᠨᠠ᠃
2 ᠪᠢ ᠲᠠᠨ ᠤ ᠳᠣᠲᠣᠷᠠ ᠪᠠᠶᠠᠷᠯᠠᠨ ᠪᠠᠶᠠᠰᠤᠨᠠ ᠬᠠᠮᠤᠭ ᠤᠨ ᠳᠡᠭᠡᠳᠦ ᠲᠠᠨ ᠤ ᠨᠡᠷᠡ ᠳᠦ ᠪᠢ ᠳᠠᠭᠤᠤ ᠡᠷᠭᠦᠨᠡ᠃
3 ᠳᠠᠢᠰᠤᠨ ᠨᠤᠭᠤᠳ ᠮᠢᠨᠢ ᠤᠬᠤᠷᠢᠬᠤ ᠳᠠᠭᠠᠨ ᠲᠠᠨ ᠤ ᠡᠮᠦᠨᠡ ᠪᠦᠳᠦᠷᠢᠨ ᠰᠥᠨᠥᠬᠦ ᠪᠣᠯᠣᠨᠠ᠃
4 ᠵᠥᠪ ᠰᠢᠭᠦᠭᠴᠢ ᠲᠠ ᠰᠡᠨᠲᠢ ᠳᠡᠭᠡᠨ ᠵᠠᠯᠠᠷᠠᠵᠤ ᠰᠢᠳᠤᠷᠭᠤ ᠵᠠᠷᠭᠤ ᠶᠢ ᠮᠢᠨᠢ ᠳᠡᠮᠵᠢᠭᠰᠡᠨ᠂
5 ᠦᠨᠳᠦᠰᠦᠲᠡᠨ ᠨᠦᠭᠦᠳ ᠢ ᠵᠢᠮᠡᠯᠡᠵᠦ ᠪᠤᠷᠤᠭᠤᠲᠠᠳ ᠢ ᠰᠥᠨᠥᠭᠡᠨ ᠨᠡᠷᠡ ᠶᠢ ᠨᠢ ᠡᠭᠦᠷᠢᠳᠡ ᠮᠥᠩᠬᠡ ᠪᠠᠯᠠᠯᠤᠭᠰᠠᠨ᠃
6 ᠳᠠᠢᠰᠤᠨ ᠡᠭᠦᠷᠢᠳᠡ ᠶᠢᠨ ᠰᠦᠢᠷᠡᠯ ᠢᠶᠡᠷ ᠲᠡᠭᠦᠰᠴᠡᠢ ᠲᠠ ᠬᠣᠲᠠ ᠨᠤᠭᠤᠳ ᠢ ᠨᠢ ᠰᠦᠢᠷᠡᠭᠦᠯᠦᠭᠰᠡᠨ ᠲᠡᠳᠡᠨ ᠦ ᠲᠠᠯᠠ ᠪᠠᠷ ᠳᠤᠷᠠᠰᠤᠭᠳᠠᠬᠤ ᠶᠠᠭᠤᠮᠠ ᠦᠭᠡᠢ ᠪᠣᠯᠪᠠ᠃
7 ᠶᠣᠬᠣᠸᠠ ᠮᠥᠩᠬᠡᠳᠡ ᠵᠠᠯᠠᠷᠠᠨᠠ ᠲᠡᠷᠡ ᠰᠢᠭᠦᠬᠦ ᠰᠡᠨᠲᠢ ᠪᠠᠨ ᠲᠣᠭᠲᠠᠭᠠᠪᠠ
8 ᠲᠡᠷᠡ ᠳᠡᠯᠡᠬᠡᠢ ᠶᠢ ᠵᠥᠪ ᠢᠶᠡᠷ ᠰᠢᠭᠦᠬᠦ ᠪᠣᠯᠣᠨᠠ ᠲᠡᠷᠡ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠢ ᠰᠢᠳᠤᠷᠭᠤ ᠪᠠᠷ ᠰᠢᠭᠦᠨᠡ᠂
9 ᠶᠣᠬᠣᠸᠠ ᠪᠣᠯ ᠳᠠᠷᠤᠯᠠᠭᠳᠠᠭᠰᠠᠳ ᠤᠨ ᠬᠣᠷᠭᠣᠳᠠᠬᠤ ᠭᠠᠵᠠᠷ ᠪᠡᠷᠬᠡ ᠴᠠᠭ ᠤᠨ ᠪᠡᠬᠢᠯᠡᠯᠲᠡ᠃
10 ᠶᠣᠬᠣᠸᠠ᠂ ᠥᠪᠡᠷ ᠢ ᠲᠠᠨᠢ ᠬᠠᠢᠭᠴᠢᠳ ᠢ ᠲᠠ ᠣᠷᠬᠢᠳᠠᠭ ᠦᠭᠡᠢ᠂ ᠲᠠᠨ ᠤ ᠨᠡᠷᠡ ᠶᠢ ᠮᠡᠳᠡᠭᠴᠢᠳ ᠲᠠᠨ ᠳᠤ ᠨᠠᠢᠳᠠᠨᠠ᠃
11 ᠽᠢᠶᠣᠨ ᠳᠤ ᠵᠠᠯᠠᠷᠠᠭᠰᠠᠨ ᠶᠣᠬᠣᠸᠠ ᠳᠤ ᠳᠠᠭᠤᠤ ᠡᠷᠭᠦ ᠲᠡᠭᠦᠨ ᠦ ᠦᠢᠯᠡᠰ ᠢ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠳᠤᠮᠳᠠ ᠲᠤᠩ᠋ᠬᠠᠭᠯᠠ᠃
12 ᠴᠢᠰᠤᠨ ᠤ ᠥᠰᠢᠶᠡ ᠶᠢ ᠠᠪᠤᠭᠴᠢ ᠲᠡᠷᠡ ᠰᠠᠨᠠᠳᠠᠭ ᠵᠣᠪᠠᠭᠰᠠᠳ ᠤᠨ ᠬᠠᠰᠬᠢᠷᠬᠤ ᠶᠢ ᠲᠡᠷᠡ ᠮᠠᠷᠲᠠᠳᠠᠭ ᠦᠭᠡᠢ᠃
13 ᠶᠣᠬᠣᠸᠠ᠂ ᠨᠠᠮᠠᠶᠢ ᠡᠨᠡᠷᠢᠭᠡᠴᠢ ᠦᠬᠦᠯ ᠦᠨ ᠡᠭᠦᠳᠡᠨ ᠡᠴᠡ ᠨᠠᠮᠠᠶᠢ ᠡᠷᠭᠦᠳᠡᠭ ᠲᠠ ᠦᠵᠡᠨ ᠶᠠᠳᠠᠭᠴᠢᠳ ᠠᠴᠠ ᠪᠣᠯᠵᠤ ᠵᠣᠪᠠᠵᠤ ᠪᠠᠢᠭᠠ ᠶᠢ ᠮᠢᠨᠢ ᠬᠠᠷᠠᠭᠠᠴᠢ᠃
14 ᠲᠡᠭᠡᠪᠡᠯ ᠪᠢ ᠲᠠᠨ ᠤ ᠮᠠᠭᠲᠠᠭᠤᠰᠢᠲᠠᠢ ᠦᠢᠯᠡᠰ ᠢ ᠽᠢᠶᠣᠨ ᠥᠬᠢᠨ ᠤ ᠬᠠᠭᠠᠯᠭᠠ ᠨᠤᠭᠤᠳ ᠳᠡᠭᠡᠷᠡ ᠲᠤᠩ᠋ᠬᠠᠭᠯᠠᠨ ᠲᠠᠨ ᠤ ᠠᠪᠤᠷᠠᠯ ᠳᠤ ᠪᠠᠶᠠᠰᠤᠨᠠ᠃
15 ᠦᠨᠳᠦᠰᠦᠲᠡᠨ ᠨᠦᠭᠦᠳ ᠤᠬᠤᠭᠰᠠᠨ ᠨᠦᠬᠡᠨ ᠳᠡᠭᠡᠨ ᠤᠨᠠᠯᠠ ᠥᠪᠡᠷᠰᠡᠳ ᠦᠨ ᠢᠶᠠᠨ ᠨᠢᠭᠤᠭᠰᠠᠨ ᠲᠣᠣᠷ ᠲᠤ ᠬᠥᠯ ᠢᠶᠡᠨ ᠣᠷᠣᠭᠤᠯᠤᠯᠠ᠃
16 ᠶᠣᠬᠣᠸᠠ ᠭᠦᠢᠴᠡᠭᠡᠭᠰᠡᠨ ᠰᠢᠳᠬᠡᠯ ᠢᠶᠡᠷ ᠢᠶᠠᠨ ᠥᠪᠡᠷ ᠢ ᠪᠠᠨ ᠮᠡᠳᠡᠭᠦᠯᠵᠦ ᠪᠤᠷᠤᠭᠤᠲᠠᠨ ᠭᠠᠷ ᠢᠶᠠᠷ ᠢᠶᠠᠨ ᠬᠢᠭᠰᠡᠨ ᠤᠷᠠᠬᠠᠨ ᠳᠠᠭᠠᠨ ᠣᠷᠣᠨᠠ᠃
ᠾᠢᠭᠭᠠᠶᠣᠨ᠂ ᠰᠧᠯᠠ
17 ᠪᠤᠷᠬᠠᠨ ᠢ ᠮᠠᠷᠲᠠᠳᠠᠭ ᠪᠤᠷᠤᠭᠤᠲᠠᠳ ᠪᠠ ᠪᠦᠬᠦ ᠦᠨᠳᠦᠰᠦᠲᠡᠨ ᠦᠬᠦᠭᠰᠡᠳ ᠦᠨ ᠣᠷᠣᠨ ᠤᠷᠤᠭᠤ ᠪᠤᠴᠠᠨᠠ᠃
18 ᠬᠠᠷᠢᠨ ᠭᠠᠴᠢᠭᠳᠠᠭᠰᠠᠳ ᠡᠭᠦᠷᠢᠳᠡ ᠮᠠᠷᠲᠠᠭᠳᠠᠬᠤ ᠪᠢᠰᠢ ᠵᠣᠪᠠᠭᠰᠠᠳ ᠤᠨ ᠨᠠᠢᠳᠠᠯᠭᠠ ᠮᠥᠩᠬᠡᠳᠡ ᠤᠰᠠᠳᠬᠤ ᠪᠢᠰᠢ᠃
19 ᠪᠣᠰᠣᠭᠠᠴᠢ ᠶᠣᠬᠣᠸᠠ᠂ ᠬᠥᠮᠦᠨ ᠢ ᠪᠦᠦ ᠢᠯᠠᠭᠤᠯᠤᠭᠠᠴᠢ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠲᠠᠨ ᠤ ᠡᠮᠦᠨᠡ ᠰᠢᠭᠦᠭᠳᠡᠭ᠂
20 ᠶᠣᠬᠣᠸᠠ᠂ ᠲᠡᠳᠡᠨ ᠢ ᠠᠢᠳᠠᠰ ᠲᠤ ᠠᠪᠲᠠᠭᠤᠯᠤᠭᠠᠴᠢ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠥᠪᠡᠷ ᠢ ᠪᠠᠨ ᠬᠥᠮᠦᠨ ᠯᠠ ᠭᠡᠵᠦ ᠣᠢᠯᠠᠭᠠᠭ᠃
ᠰᠧᠯᠠ