ᠳᠠᠭᠤᠯᠠᠯ ᠲᠠᠪᠢᠨ ᠨᠢᠭᠡ
ᠰᠡᠷᠭᠦᠯᠲᠡ ᠶᠢ ᠭᠤᠶᠤᠭᠰᠠᠨ ᠭᠡᠮᠰᠢᠯ
ᠳ᠋ᠠᠸᠢᠳ᠋ ᠤᠨ ᠳᠠᠭᠤᠯᠠᠯ᠂ ᠨᠠᠢᠷᠠᠯ ᠳᠠᠭᠤᠤ ᠶᠢᠨ ᠤᠳᠤᠷᠢᠳᠤᠭᠠᠴᠢ ᠳᠤ᠃ ᠳ᠋ᠠᠸᠢᠳ᠋ ᠪᠠᠲ᠋ᠱᠧᠪᠠ ᠳᠡᠭᠡᠷᠡ ᠣᠷᠣᠭᠰᠠᠨ ᠤ ᠳᠠᠷᠠᠭᠠ᠂ ᠡᠰᠢ ᠦᠵᠡᠭᠦᠯᠦᠭᠴᠢ ᠨᠠᠲ᠋ᠠᠨ ᠥᠪᠡᠷ ᠤᠷᠤᠭᠤ ᠨᠢ ᠢᠷᠡᠭᠰᠡᠨ ᠦᠶᠡ ᠳᠦ᠃
1 ᠪᠤᠷᠬᠠᠨ᠂ ᠦᠨᠡᠨ ᠬᠠᠢᠷᠠ ᠪᠠᠷ ᠢᠶᠠᠨ ᠨᠠᠮᠠᠶᠢ ᠡᠨᠡᠷᠢᠭᠡᠴᠢ ᠦᠯᠡᠮᠵᠢ ᠥᠷᠥᠰᠢᠶᠡᠯ ᠢᠶᠡᠷ ᠢᠶᠠᠨ ᠠᠯᠳᠠᠭᠠ ᠶᠢ ᠮᠢᠨᠢ ᠠᠷᠢᠯᠭᠠᠭᠠᠴᠢ᠃
2 ᠭᠡᠮ ᠡᠴᠡ ᠮᠢᠨᠢ ᠨᠠᠮᠠᠶᠢ ᠪᠦᠷᠢᠮᠦᠰᠦᠨ ᠤᠬᠢᠶᠠᠵᠤ ᠨᠢᠭᠦᠯ ᠡᠴᠡ ᠮᠢᠨᠢ ᠨᠠᠮᠠᠶᠢ ᠴᠡᠪᠡᠷᠯᠡᠭᠡᠴᠢ᠃
3 ᠪᠢ ᠠᠯᠳᠠᠭᠠ ᠪᠠᠨ ᠮᠡᠳᠡᠨᠡ᠂ ᠨᠢᠭᠦᠯ ᠮᠢᠨᠢ ᠦᠷᠭᠦᠯᠵᠢ ᠮᠢᠨᠦ ᠡᠮᠦᠨᠡ ᠪᠠᠢᠨᠠ᠃
4 ᠲᠠᠨ ᠳᠤ᠂ ᠢᠯᠠᠩ᠋ᠭᠤᠶᠠ ᠲᠠᠨ ᠳᠤ ᠪᠢ ᠨᠢᠭᠦᠯ ᠬᠢᠵᠡᠢ ᠲᠠᠨ ᠤ ᠮᠡᠯᠮᠡᠢ ᠶᠢᠨ ᠡᠮᠦᠨᠡ ᠮᠠᠭᠤ ᠶᠢ ᠦᠢᠯᠡᠳᠴᠡᠢ᠂ ᠲᠠᠨ ᠤ ᠶᠠᠷᠢᠶᠠ ᠵᠥᠪ ᠲᠠᠨ ᠤ ᠰᠢᠭᠦᠯᠲᠡ ᠵᠦᠢᠲᠡᠢ᠃
5 ᠬᠠᠷᠠ᠂ ᠪᠢ ᠲᠥᠷᠥᠬᠦ ᠡᠴᠡ ᠪᠡᠨ ᠭᠡᠮ ᠲᠡᠢ᠂ ᠡᠬᠡ ᠮᠢᠨᠢ ᠨᠠᠮᠠᠶᠢ ᠲᠡᠭᠡᠭᠡᠬᠦ ᠦᠶᠡ ᠡᠴᠡ ᠪᠢ ᠨᠢᠭᠦᠯ ᠲᠡᠢ ᠪᠠᠢᠭᠰᠠᠨ᠃
6 ᠬᠠᠷᠠ᠂ ᠳᠣᠲᠣᠭᠣᠳᠤ ᠬᠡᠰᠡᠭ ᠲᠦ ᠮᠢᠨᠢ ᠦᠨᠡᠨ ᠪᠠᠢᠬᠤ ᠶᠢ ᠲᠠ ᠬᠦᠰᠡᠳᠡᠭ ᠬᠠᠮᠤᠭ ᠤᠨ ᠨᠢᠭᠤᠴᠠᠭᠠᠢ ᠬᠡᠰᠡᠭ ᠲᠦ ᠮᠢᠨᠢ ᠲᠠ ᠮᠡᠷᠭᠡᠨ ᠤᠬᠠᠭᠠᠨ ᠢ ᠮᠡᠳᠡᠭᠦᠯᠦᠨᠡ᠃
7 ᠾᠢᠰᠣᠫ ᠢᠶᠠᠷ ᠨᠠᠮᠠᠶᠢ ᠴᠡᠪᠡᠷᠯᠡᠭᠡᠴᠢ᠂ ᠪᠢ ᠴᠡᠪᠡᠷ ᠪᠣᠯᠬᠤ ᠶᠤᠮ ᠰᠠᠨ ᠨᠠᠮᠠᠶᠢ ᠤᠬᠢᠶᠠᠭᠠᠴᠢ ᠪᠢ ᠴᠠᠰᠤᠨ ᠠᠴᠠ ᠴᠠᠭᠠᠨ ᠪᠣᠯᠬᠤ ᠶᠤᠮ ᠰᠠᠨ᠃
8 ᠨᠠᠳᠠ ᠳᠤ ᠪᠠᠶᠠᠷ ᠬᠥᠷ ᠢ ᠰᠣᠨᠣᠰᠬᠠᠭᠠᠴᠢ ᠲᠠᠨ ᠤ ᠪᠢᠴᠠᠯᠤᠭᠰᠠᠨ ᠶᠠᠰᠤ ᠮᠢᠨᠢ ᠪᠠᠶᠠᠰᠬᠤ ᠪᠣᠯᠣᠭᠠᠰᠠᠢ᠃
9 ᠨᠢᠭᠦᠯ ᠡᠴᠡ ᠮᠢᠨᠢ ᠨᠢᠭᠤᠷ ᠢᠶᠠᠨ ᠪᠤᠷᠤᠭᠤᠯᠠᠵᠤ ᠪᠦᠬᠦ ᠭᠡᠮ ᠢ ᠮᠢᠨᠢ ᠠᠷᠢᠯᠭᠠᠭᠠᠴᠢ᠃
10 ᠪᠤᠷᠬᠠᠨ᠂ ᠮᠢᠨᠦ ᠳᠣᠲᠣᠷᠠ ᠴᠡᠪᠡᠷ ᠵᠢᠷᠦᠬᠡ ᠶᠢ ᠪᠦᠲᠦᠭᠡᠵᠦ ᠮᠢᠨᠦ ᠳᠣᠲᠣᠷᠠ ᠰᠦᠨᠡᠰᠦ ᠶᠢ ᠮᠢᠨᠢ ᠰᠢᠨᠡᠴᠢᠯᠡᠨ ᠪᠠᠲᠤᠵᠢᠭᠤᠯᠤᠭᠠᠴᠢ
11 ᠣᠷᠣᠰᠢᠬᠤᠢ ᠠᠴᠠ ᠪᠠᠨ ᠨᠠᠮᠠᠶᠢ ᠪᠦᠦ ᠬᠣᠯᠠᠳᠠᠭᠤᠯᠤᠭᠠᠴᠢ ᠠᠷᠢᠭᠤᠨ ᠰᠦᠨᠡᠰᠦ ᠪᠡᠨ ᠨᠠᠳᠠ ᠠᠴᠠ ᠪᠦᠦ ᠠᠪᠤᠭᠠᠴᠢ
12 ᠠᠪᠤᠷᠠᠯ ᠤᠨ ᠪᠠᠶᠠᠰᠤᠯ ᠢᠶᠠᠨ ᠨᠠᠳᠠ ᠳᠤ ᠰᠡᠷᠭᠦᠭᠡᠭᠡᠴᠢ ᠳᠤᠭᠤᠯᠭᠠᠪᠤᠷᠢ ᠶᠢᠨ ᠰᠦᠨᠡᠰᠦ ᠪᠡᠷ ᠨᠠᠮᠠᠶᠢ ᠲᠦᠰᠢᠭᠡᠴᠢ᠂
13 ᠲᠡᠭᠡᠪᠡᠯ ᠪᠢ ᠠᠯᠳᠠᠭᠠ ᠲᠠᠢ ᠨᠢᠭᠡᠨ ᠳᠦ ᠲᠠᠨ ᠤ ᠵᠠᠮ ᠢ ᠵᠢᠭᠠᠬᠤ ᠪᠥᠭᠡᠳ ᠨᠢᠭᠦᠯᠲᠡᠳ ᠲᠠᠨ ᠤᠷᠤᠭᠤ ᠡᠷᠭᠢᠬᠦ ᠪᠣᠯᠣᠨᠠ᠃
14 ᠪᠤᠷᠬᠠᠨ᠂ ᠮᠢᠨᠦ ᠠᠪᠤᠷᠠᠯ ᠤᠨ ᠪᠤᠷᠬᠠᠨ ᠨᠠᠮᠠᠶᠢ ᠴᠢᠰᠤ ᠤᠷᠤᠰᠬᠠᠭᠰᠠᠨ ᠶᠠᠯᠠ ᠠᠴᠠ ᠬᠡᠯᠲᠦᠷᠢᠭᠦᠯᠦᠭᠡᠴᠢ ᠬᠡᠯᠡ ᠮᠢᠨᠢ ᠲᠠᠨ ᠤ ᠵᠥᠪᠲᠥᠭᠡᠯ ᠢ ᠪᠠᠶᠠᠷ ᠲᠠᠢ ᠪᠠᠷ ᠳᠠᠭᠤᠯᠠᠨᠠ᠃
15 ᠶᠣᠬᠣᠸᠠ᠂ ᠣᠷᠣᠭᠤᠯ ᠢ ᠮᠢᠨᠢ ᠨᠡᠭᠡᠭᠡᠴᠢ ᠠᠮᠠ ᠮᠢᠨᠢ ᠲᠠᠨ ᠤ ᠮᠠᠭᠲᠠᠭᠠᠯ ᠢ ᠲᠤᠩ᠋ᠬᠠᠭᠯᠠᠨᠠ᠃
16 ᠤᠴᠢᠷ ᠨᠢ ᠲᠠ ᠲᠠᠬᠢᠯ ᠢ ᠲᠠᠭᠠᠯᠠᠬᠤ ᠪᠢᠰᠢ᠂ ᠡᠰᠡ ᠲᠡᠭᠡᠪᠡᠯ ᠪᠢ ᠲᠡᠭᠦᠨ ᠢ ᠠᠪᠴᠢᠷᠠᠬᠤ ᠰᠠᠨ᠂ ᠲᠠ ᠰᠢᠲᠠᠭᠠᠯᠭᠠᠲᠤ ᠲᠠᠬᠢᠯ ᠢ ᠲᠠᠭᠠᠰᠢᠶᠠᠳᠠᠭ ᠪᠢᠰᠢ᠃
17 ᠪᠤᠷᠬᠠᠨ ᠤ ᠲᠠᠭᠠᠯᠠᠳᠠᠭ ᠲᠠᠬᠢᠯ ᠪᠣᠯ ᠡᠮᠲᠡᠷᠡᠭᠰᠡᠨ ᠰᠦᠨᠡᠰᠦ᠂ ᠡᠮᠲᠡᠷᠡᠭᠰᠡᠨ᠂ ᠭᠡᠮᠰᠢᠭᠰᠡᠨ ᠵᠢᠷᠦᠬᠡ ᠶᠢ ᠪᠤᠷᠬᠠᠨ ᠲᠠ ᠳᠣᠣᠷᠠᠰᠢᠶᠠᠬᠤ ᠦᠭᠡᠢ᠃
18 ᠲᠠ ᠥᠪᠡᠷ ᠦᠨ ᠢᠶᠠᠨ ᠲᠠᠭᠠᠯᠠᠯ ᠢᠶᠠᠷ ᠽᠢᠶᠣᠨ ᠳᠤ ᠰᠠᠢᠨ ᠢ ᠦᠢᠯᠡᠳᠦᠨ ᠶᠧᠷᠦ᠋ᠰᠠᠯᠧᠮ ᠤᠨ ᠬᠡᠷᠡᠮ ᠢ ᠪᠣᠰᠬᠠᠭᠠᠴᠢ᠂
19 ᠲᠡᠭᠡᠪᠡᠯ ᠲᠠ ᠵᠥᠪᠲᠦ ᠲᠠᠬᠢᠯ ᠤᠳ ᠢᠶᠠᠷ ᠰᠢᠲᠠᠭᠠᠯᠭᠠᠲᠤ ᠲᠠᠬᠢᠯ ᠪᠣᠯᠣᠨ ᠪᠦᠲᠦᠨ ᠰᠢᠲᠠᠭᠠᠯᠭᠠᠲᠤ ᠲᠠᠬᠢᠯ ᠢᠶᠠᠷ ᠪᠠᠶᠠᠷᠯᠠᠬᠤ ᠪᠣᠯᠣᠨᠠ᠂ ᠲᠠᠨ ᠤ ᠲᠠᠬᠢᠯ ᠤᠨ ᠰᠢᠷᠡᠭᠡᠨ ᠳᠡᠭᠡᠷᠡ ᠪᠤᠬᠠ ᠨᠤᠭᠤᠳ ᠡᠷᠭᠦᠭᠳᠡᠨᠡ᠃