ᠳᠠᠭᠤᠯᠠᠯ ᠭᠤᠴᠢ ᠶᠢᠰᠦ
ᠬᠥᠮᠦᠨ ᠦ ᠠᠮᠢᠳᠤᠷᠠᠯ ᠬᠣᠭᠣᠰᠣᠨ
ᠳ᠋ᠠᠸᠢᠳ᠋ ᠤᠨ ᠳᠠᠭᠤᠯᠠᠯ᠂ ᠨᠠᠢᠷᠠᠯ ᠳᠠᠭᠤᠤ ᠶᠢᠨ ᠤᠳᠤᠷᠢᠳᠤᠭᠠᠴᠢ ᠶᠧᠳᠦ᠋ᠲ᠋ᠦ᠋ᠨ ᠳᠤ᠃
1 ᠪᠢ 《ᠵᠠᠮ ᠮᠥᠷ ᠢᠶᠡᠨ ᠰᠠᠬᠢᠵᠤ ᠠᠮᠠ ᠬᠡᠯᠡ ᠪᠡᠷ ᠢᠶᠠᠨ ᠨᠢᠭᠦᠯ ᠦᠢᠯᠡᠳᠬᠦ ᠦᠭᠡᠢ᠂ ᠪᠤᠷᠤᠭᠤᠲᠠᠨ ᠮᠢᠨᠦ ᠡᠮᠦᠨᠡ ᠪᠠᠢᠬᠤ ᠵᠠᠭᠤᠷᠠ ᠠᠮᠠ ᠪᠠᠨ ᠬᠠᠵᠠᠭᠠᠷᠯᠠᠬᠤ ᠪᠣᠯᠣᠨᠠ》 ᠭᠡᠳ
2 ᠠᠨᠢᠷ ᠴᠢᠮᠡᠭᠡ ᠦᠭᠡᠢ ᠪᠠᠢᠵᠤ ᠰᠠᠢᠨ ᠤ ᠲᠠᠯᠠ ᠪᠠᠷ ᠴᠤ ᠳᠠᠭᠤ ᠦᠭᠡᠢ ᠪᠠᠢᠬᠤ ᠳᠤ ᠰᠢᠨᠠᠯᠤᠯ ᠮᠢᠨᠢ ᠨᠡᠮᠡᠭᠳᠡᠪᠡ᠂
3 ᠳᠣᠲᠣᠷᠠ ᠮᠢᠨᠢ ᠵᠢᠷᠦᠬᠡ ᠬᠠᠯᠠᠭᠤᠨ ᠣᠷᠭᠢᠪᠠ ᠲᠤᠩ᠋ᠭᠠᠬᠤ ᠲᠤᠲᠤᠮ ᠭᠠᠯ ᠳᠦᠷᠡᠯᠵᠡᠪᠡ ᠢᠩᠭᠢᠭᠡᠳ ᠪᠢ ᠥᠪᠡᠷ ᠦᠨ ᠢᠶᠠᠨ ᠬᠡᠯᠡ ᠪᠡᠷ
4 《ᠡᠵᠡᠨ᠂ ᠡᠴᠦᠰ ᠢ ᠮᠢᠨᠢ᠂ ᠨᠠᠰᠤᠨ ᠤ ᠮᠢᠨᠢ ᠬᠡᠮᠵᠢᠶᠡ ᠶᠢ ᠨᠠᠳᠠ ᠳᠤ ᠮᠡᠳᠡᠭᠦᠯᠦᠭᠡᠴᠢ ᠬᠡᠴᠢᠨᠡᠨ ᠳᠣᠷᠣᠢ ᠪᠠᠨ ᠪᠢ ᠮᠡᠳᠡᠶᠡ᠃
5 ᠬᠠᠷᠠᠭᠠᠴᠢ᠂ ᠠᠯᠠᠭᠠᠨ ᠴᠢᠨᠡᠭᠡᠬᠡᠨ ᠡᠳᠦᠷ ᠤᠳ ᠢ ᠲᠠ ᠨᠠᠳᠠ ᠳᠤ ᠰᠣᠶᠣᠷᠬᠠᠭᠰᠠᠨ ᠠᠮᠢ ᠨᠠᠰᠤ ᠮᠢᠨᠢ ᠲᠠᠨ ᠤ ᠡᠮᠦᠨᠡ ᠶᠠᠭᠤ ᠴᠤ ᠪᠢᠰᠢ᠂ ᠬᠥᠮᠦᠨ ᠪᠦᠷᠢ ᠵᠦᠭᠡᠷ ᠯᠠ ᠨᠢᠭᠡ ᠠᠮᠢᠰᠬᠤᠯ ᠲᠡᠳᠦᠢ ᠶᠤᠮ᠃
ᠰᠧᠯᠠ
6 ᠬᠥᠮᠦᠨ ᠪᠦᠷᠢ ᠰᠦᠭ ᠰᠡᠭᠦᠳᠡᠷ ᠰᠢᠭ ᠯᠠ ᠶᠠᠪᠤᠨᠠ ᠬᠤᠷᠠᠮᠳᠤᠭᠤᠯᠳᠠᠭ ᠪᠣᠯᠪᠠᠴᠤ ᠬᠡᠨ ᠲᠡᠭᠦᠨ ᠢ ᠨᠢ ᠣᠯᠵᠤ ᠠᠪᠬᠤ ᠶᠢ ᠮᠡᠳᠡᠳᠡᠭ ᠦᠭᠡᠢ ᠬᠣᠭᠣᠰᠣᠨ ᠶᠠᠭᠤᠮᠠᠨ ᠤ ᠯᠠ ᠲᠥᠯᠥᠭᠡ ᠮᠤᠩᠭᠢᠨᠠᠨᠠ᠃
7 ᠥ ᠡᠵᠡᠨ᠂ ᠣᠳᠣ ᠪᠢ ᠶᠠᠭᠤ ᠶᠢ ᠬᠦᠯᠢᠶᠡᠨᠡ ᠪᠤᠢ︖ ᠮᠢᠨᠦ ᠨᠠᠢᠳᠠᠪᠤᠷᠢ ᠲᠠᠨ ᠳᠤ ᠯᠠ ᠪᠠᠢᠨᠠ᠃
8 ᠨᠠᠮᠠᠶᠢ ᠪᠦᠬᠦ ᠨᠢᠭᠦᠯ ᠡᠴᠡ ᠮᠢᠨᠢ ᠴᠢᠯᠥᠭᠡᠯᠡᠵᠦ ᠡᠷᠭᠢᠭᠦᠦ ᠬᠥᠮᠦᠨ ᠦ ᠡᠯᠡᠭ ᠳᠣᠭᠣᠭᠢ ᠪᠦᠦ ᠪᠣᠯᠭᠠᠭᠠᠴᠢ᠃
9 ᠲᠠ ᠡᠳᠡᠭᠡᠷ ᠢ ᠦᠢᠯᠡᠳᠦᠭᠰᠡᠨ ᠲᠤᠯᠠ ᠪᠢ ᠳᠠᠭᠤ ᠦᠭᠡᠢ᠂ ᠠᠮᠠ ᠪᠠᠨ ᠨᠡᠭᠡᠭᠡᠬᠦ ᠦᠭᠡᠢ ᠪᠠᠢᠳᠠᠭ᠃
10 ᠭᠠᠮᠰᠢᠭ ᠢᠶᠠᠨ ᠨᠠᠳᠠ ᠠᠴᠠ ᠵᠠᠢᠯᠠᠭᠤᠯᠤᠭᠠᠴᠢ ᠲᠠᠨ ᠤ ᠮᠤᠲᠤᠷ ᠤᠨ ᠴᠣᠬᠢᠯᠲᠠ ᠪᠠᠷ ᠪᠢ ᠳᠠᠭᠤᠰᠬᠤ ᠪᠣᠯᠣᠯᠠ᠃
11 ᠲᠠ ᠬᠥᠮᠦᠨ ᠢ ᠭᠡᠮ ᠡᠴᠡ ᠨᠢ ᠪᠣᠯᠵᠤ ᠭᠡᠰᠬᠡᠵᠦ ᠵᠢᠮᠡᠯᠡᠬᠦ ᠳᠡᠭᠡᠨ ᠡᠷᠬᠢᠮᠯᠡᠳᠡᠭ ᠵᠦᠢᠯ ᠢ ᠨᠢ ᠡᠷᠪᠡᠬᠡᠢ ᠶᠢ ᠤᠰᠠᠳᠬᠠᠬᠤ ᠮᠡᠲᠦ ᠤᠰᠠᠳᠬᠠᠨᠠ᠂ ᠬᠥᠮᠦᠨ ᠪᠦᠷᠢ ᠵᠦᠭᠡᠷ ᠯᠠ ᠨᠢᠭᠡ ᠠᠮᠢᠰᠬᠤᠯ ᠶᠤᠮ᠃
ᠰᠧᠯᠠ
12 ᠶᠣᠬᠣᠸᠠ᠂ ᠳᠠᠭᠠᠳᠬᠠᠯ ᠢ ᠮᠢᠨᠢ ᠰᠣᠨᠣᠰᠣᠭᠠᠴᠢ ᠬᠠᠰᠬᠢᠷᠬᠤ ᠳᠤ ᠮᠢᠨᠢ ᠴᠢᠬᠢ ᠲᠠᠯᠪᠢᠭᠠᠴᠢ ᠨᠢᠯᠪᠤᠰᠤ ᠤᠨᠠᠭᠠᠬᠤ ᠳᠤ ᠮᠢᠨᠢ ᠪᠦᠦ ᠳᠠᠭᠤ ᠦᠭᠡᠢ ᠪᠠᠢᠭᠠᠴᠢ ᠪᠦᠬᠦ ᠡᠴᠢᠭᠡ ᠡᠪᠦᠭᠡᠳ ᠦᠨ ᠢᠶᠠᠨ ᠠᠳᠠᠯᠢ ᠪᠢ ᠴᠤ ᠬᠠᠷᠢ ᠶᠢᠨ ᠴᠠᠭᠠᠴᠢᠨ᠂ ᠲᠠᠨ ᠲᠠᠢ ᠬᠠᠮᠲᠤ ᠰᠠᠭᠤᠭᠴᠢ ᠶᠤᠮ᠃
13 ᠣᠳᠴᠤ ᠠᠯᠠᠭᠠ ᠪᠣᠯᠬᠤ ᠠᠴᠠ ᠮᠢᠨᠢ ᠡᠮᠦᠨᠡ ᠥᠪᠡᠷ ᠦᠨ ᠬᠠᠷᠠᠴᠠ ᠶᠢ ᠨᠠᠳᠠ ᠠᠴᠠ ᠰᠠᠯᠭᠠᠭᠠᠴᠢ ᠲᠡᠭᠡᠪᠡᠯ ᠪᠢ ᠳᠠᠬᠢᠨ ᠢᠨᠢᠶᠡᠨᠡ᠃》