ᠳᠠᠭᠤᠯᠠᠯ ᠬᠣᠷᠢᠨ ᠨᠢᠭᠡ
ᠪᠢᠳᠡᠨ ᠦ ᠬᠠᠭᠠᠨ ᠳᠤ ᠲᠤᠰᠠᠯᠠᠭᠠᠴᠢ
ᠳ᠋ᠠᠸᠢᠳ᠋ ᠤᠨ ᠳᠠᠭᠤᠯᠠᠯ᠂ ᠨᠠᠢᠷᠠᠯ ᠳᠠᠭᠤᠤ ᠶᠢᠨ ᠤᠳᠤᠷᠢᠳᠤᠭᠠᠴᠢ ᠳᠤ᠃
1 ᠶᠣᠬᠣᠸᠠ᠂ ᠲᠠᠨ ᠤ ᠬᠦᠴᠦᠨ ᠳᠦ ᠬᠠᠭᠠᠨ ᠪᠠᠶᠠᠷᠯᠠᠨᠠ᠂ ᠲᠠᠨ ᠤ ᠠᠪᠤᠷᠠᠯ 7 ᠳᠤ ᠲᠡᠷᠡ ᠶᠠᠭᠤᠲᠠᠢ ᠶᠡᠬᠡ ᠪᠠᠶᠠᠰᠤᠨᠠ ᠪᠤᠢ︕
2 ᠵᠢᠷᠦᠬᠡᠨ ᠦ ᠬᠢᠨᠢ ᠬᠦᠰᠡᠯ ᠢ ᠲᠠ ᠵᠥᠪᠰᠢᠶᠡᠷᠡᠪᠡ ᠣᠷᠣᠭᠤᠯ ᠤᠨ ᠬᠢᠨᠢ ᠭᠤᠶᠤᠯᠲᠠ ᠶᠢ ᠲᠠ ᠦᠯᠦ ᠣᠭᠣᠷᠪᠠ᠃
ᠰᠧᠯᠠ
3 ᠲᠠ ᠰᠠᠢᠨ ᠰᠠᠢᠬᠠᠨ ᠢᠷᠥᠭᠡᠯ ᠢᠶᠡᠷ ᠲᠡᠭᠦᠨ ᠢ ᠤᠭᠲᠤᠨ ᠠᠪᠴᠤ ᠲᠣᠯᠣᠭᠠᠢ ᠳᠤᠨᠢ ᠰᠢᠵᠢᠷ ᠠᠯᠲᠠᠨ ᠲᠢᠲᠢᠮ ᠢ ᠡᠮᠦᠰᠬᠡᠭᠰᠡᠨ᠃
4 ᠲᠠᠨ ᠠᠴᠠ ᠠᠮᠢ ᠶᠢ ᠭᠤᠶᠤᠬᠤ ᠳᠤᠨᠢ ᠲᠠ ᠤᠷᠲᠤ ᠨᠠᠰᠤ ᠶᠢ᠂ ᠮᠥᠩᠬᠡ ᠶᠢᠨ ᠮᠥᠩᠬᠡ ᠶᠢ ᠵᠥᠪᠰᠢᠶᠡᠷᠡᠭᠰᠡᠨ᠃
5 ᠲᠠᠨ ᠤ ᠠᠪᠤᠷᠠᠯ ᠢᠶᠠᠷ ᠲᠡᠭᠦᠨ ᠦ ᠨᠡᠷᠡ ᠬᠦᠨᠳᠦ ᠠᠭᠤᠤ ᠪᠣᠯᠵᠠᠢ ᠢᠷᠠᠭᠤ ᠠᠯᠳᠠᠷ ᠢ ᠲᠠ ᠲᠡᠭᠦᠨ ᠳᠦ ᠬᠦᠷᠲᠡᠭᠡᠵᠡᠢ᠃
6 ᠦᠨᠡᠬᠡᠷ ᠲᠠ ᠮᠥᠩᠬᠡ ᠶᠢᠨ ᠢᠪᠡᠭᠡᠯ ᠢ ᠲᠡᠭᠦᠨ ᠳᠦ ᠵᠥᠪᠰᠢᠶᠡᠷᠡᠵᠡᠢ ᠥᠪᠡᠷ ᠦᠨ ᠢᠶᠠᠨ ᠣᠷᠣᠰᠢᠬᠤᠢ ᠶᠢᠨ ᠪᠠᠶᠠᠷ ᠢᠶᠠᠷ ᠲᠡᠭᠦᠨ ᠢ ᠵᠢᠷᠭᠠᠭᠤᠯᠵᠠᠢ᠃
7 ᠬᠠᠭᠠᠨ ᠶᠣᠬᠣᠸᠠ ᠳᠤ ᠢᠲᠡᠭᠡᠳᠡᠭ ᠬᠠᠮᠤᠭ ᠤᠨ ᠳᠡᠭᠡᠳᠦ ᠨᠢᠭᠡᠨ ᠦ ᠦᠨᠡᠨ ᠬᠠᠢᠷᠠ ᠪᠠᠷ ᠲᠡᠷᠡ ᠭᠠᠩ᠋ᠬᠤᠬᠤ ᠦᠭᠡᠢ᠃
8 ᠲᠠᠨ ᠤ ᠮᠤᠲᠤᠷ ᠪᠦᠬᠦ ᠳᠠᠢᠰᠤᠨ ᠢᠶᠠᠨ ᠣᠯᠣᠨᠠ ᠲᠠᠨ ᠤ ᠪᠠᠷᠠᠭᠤᠨ ᠮᠤᠲᠤᠷ ᠥᠰᠲᠡᠨ ᠨᠦᠭᠦᠳ ᠢᠶᠡᠨ ᠣᠯᠣᠨᠠ᠃
9 ᠲᠠ ᠢᠯᠡᠷᠡᠬᠦ ᠴᠠᠭ ᠲᠠᠭᠠᠨ ᠲᠡᠳᠡᠨ ᠢ ᠭᠠᠯ ᠲᠠᠢ ᠵᠤᠤᠬᠠᠨ ᠳᠤ ᠪᠠᠢᠬᠤ ᠮᠡᠲᠦ ᠪᠣᠯᠭᠠᠨᠠ ᠶᠣᠬᠣᠸᠠ ᠶᠢᠨ ᠬᠢᠯᠢᠩ ᠲᠡᠳᠡᠨ ᠢ ᠵᠠᠯᠭᠢᠵᠤ ᠭᠠᠯ ᠲᠡᠳᠡᠨ ᠢ ᠰᠢᠲᠠᠭᠠᠨᠠ᠃
10 ᠦᠷᠡ ᠤᠳᠤᠮ ᠢ ᠨᠢ ᠲᠠ ᠭᠠᠵᠠᠷ ᠠᠴᠠ ᠦᠷᠡ ᠬᠣᠢᠴᠢ ᠶᠢ ᠨᠢ ᠲᠠ ᠬᠥᠮᠦᠨ ᠦ ᠬᠥᠪᠡᠭᠦᠳ ᠦᠨ ᠳᠤᠮᠳᠠ ᠠᠴᠠ ᠤᠰᠠᠳᠬᠠᠬᠤ ᠪᠣᠯᠣᠨᠠ᠃
11 ᠬᠣᠷᠣᠨ ᠮᠠᠭᠤ ᠶᠢ ᠲᠡᠳᠡ ᠲᠠᠨ ᠤ ᠡᠰᠡᠷᠭᠦ ᠰᠡᠳᠦᠵᠦ ᠬᠤᠤᠪᠢᠯᠳᠤᠭᠠᠨ ᠵᠣᠬᠢᠶᠠᠳᠠᠭ ᠪᠣᠯᠪᠠᠴᠤ ᠠᠮᠵᠢᠯᠲᠠ ᠳᠤ ᠬᠦᠷᠬᠦ ᠦᠭᠡᠢ᠃
12 ᠲᠠ ᠨᠢᠭᠤᠷ ᠤᠷᠤᠭᠤ ᠨᠢ ᠰᠤᠮᠤ ᠪᠠᠨ ᠣᠨᠢᠯᠠᠬᠤ ᠳᠤ᠂ ᠲᠡᠳᠡ ᠨᠢᠷᠤᠭᠤ ᠪᠠᠨ ᠬᠠᠷᠠᠭᠤᠯᠤᠨ ᠵᠢᠭᠤᠲᠠᠬᠤ ᠪᠣᠯᠣᠨᠠ᠂
13 ᠶᠣᠬᠣᠸᠠ᠂ ᠲᠠ ᠬᠦᠴᠦ ᠶᠢᠨ ᠢᠶᠠᠨ ᠤᠯᠠᠮ ᠢᠶᠠᠷ ᠡᠷᠭᠦᠮᠵᠢᠯᠡᠭᠳᠡᠭᠡᠴᠢ︕ ᠪᠢᠳᠡ ᠲᠠᠨ ᠤ ᠰᠦᠷ ᠬᠦᠴᠦ ᠶᠢ ᠳᠠᠭᠤᠯᠠᠨ ᠮᠠᠭᠲᠠᠬᠤ ᠪᠣᠯᠣᠨᠠ᠃