ᠳᠠᠭᠤᠯᠠᠯ ᠳᠠᠯᠠᠨ ᠨᠢᠭᠡ
ᠥᠲᠡᠭᠦᠰ ᠨᠠᠰᠤᠲᠠᠨ ᠤ ᠭᠤᠶᠤᠯᠲᠠ
1 ᠶᠣᠬᠣᠸᠠ᠂ ᠲᠠᠨ ᠤ ᠳᠣᠲᠣᠷᠠ ᠪᠢ ᠬᠣᠷᠭᠣᠳᠠᠭᠰᠠᠨ ᠨᠠᠮᠠᠶᠢ ᠡᠭᠦᠷᠢᠳᠡ ᠶᠢᠨ ᠢᠴᠢᠭᠦᠷᠢ ᠳᠤ ᠪᠦᠦ ᠣᠷᠣᠭᠤᠯᠤᠭᠠᠴᠢ ᠥᠪᠡᠷ ᠦᠨ ᠢᠶᠠᠨ ᠵᠥᠪ ᠢᠶᠡᠷ ᠴᠢᠯᠥᠭᠡᠯᠡᠨ ᠭᠡᠲᠦᠯᠭᠡᠭᠡᠴᠢ᠂
2 ᠨᠠᠳᠠ ᠤᠷᠤᠭᠤ ᠴᠢᠬᠢ ᠪᠠᠨ ᠬᠠᠨᠳᠤᠭᠤᠯᠤᠨ ᠨᠠᠮᠠᠶᠢ ᠠᠪᠤᠷᠠᠭᠠᠴᠢ᠂
3 ᠮᠢᠨᠦ ᠪᠠᠢᠩ᠋ᠭᠤ ᠣᠴᠢᠵᠤ ᠪᠣᠯᠬᠤ᠂ ᠮᠢᠨᠦ ᠣᠷᠣᠰᠢᠨ ᠰᠠᠭᠤᠵᠤ ᠪᠣᠯᠬᠤ ᠬᠠᠳᠠ ᠪᠣᠯᠣᠭᠠᠴᠢ ᠮᠢᠨᠦ ᠬᠠᠳᠠ᠂ ᠮᠢᠨᠦ ᠴᠠᠢᠵᠠ ᠲᠠ 《ᠲᠡᠭᠦᠨ ᠢ ᠠᠪᠤᠷᠠ》 ᠭᠡᠵᠦ ᠲᠤᠰᠢᠶᠠᠭᠰᠠᠨ ᠪᠢᠯᠡ᠃
4 ᠪᠤᠷᠬᠠᠨ ᠮᠢᠨᠢ ᠡ᠂ ᠪᠤᠷᠤᠭᠤᠲᠠᠨ ᠤ ᠭᠠᠷ ᠠᠴᠠ ᠪᠤᠵᠠᠷ ᠢ ᠦᠢᠯᠡᠳᠦᠭᠴᠢ ᠪᠠ ᠪᠠᠯᠠᠮᠠᠳ ᠬᠥᠮᠦᠨ ᠦ ᠠᠯᠠᠭᠠᠨ ᠠᠴᠠ ᠨᠠᠮᠠᠶᠢ ᠴᠢᠯᠥᠭᠡᠯᠡᠭᠡᠴᠢ᠂
5 ᠲᠠ ᠪᠣᠯ ᠮᠢᠨᠦ ᠨᠠᠢᠳᠠᠪᠤᠷᠢ ᠡᠵᠡᠨ ᠶᠣᠬᠣᠸᠠ᠂ ᠲᠠ ᠪᠣᠯ ᠪᠠᠭᠠ ᠨᠠᠰᠤᠨ ᠠᠴᠠ ᠮᠢᠨᠢ ᠮᠢᠨᠦ ᠢᠲᠡᠭᠡᠯ ᠶᠤᠮ᠃
6 ᠲᠥᠷᠥᠬᠦ ᠡᠴᠡ ᠪᠡᠨ ᠪᠢ ᠲᠠᠨ ᠢ ᠲᠦᠰᠢᠭᠰᠡᠨ ᠲᠠ ᠨᠠᠮᠠᠶᠢ ᠡᠬᠡ ᠶᠢᠨ ᠮᠢᠨᠢ ᠬᠡᠪᠡᠯᠢ ᠡᠴᠡ ᠰᠠᠯᠭᠠᠵᠤ ᠠᠪᠤᠭᠰᠠᠨ ᠪᠢ ᠲᠠᠨ ᠳᠤ ᠦᠷᠭᠦᠯᠵᠢ ᠮᠠᠭᠲᠠᠭᠠᠯ ᠡᠷᠭᠦᠨᠡ᠃
7 ᠣᠯᠠᠨ ᠳᠤ ᠪᠢ ᠬᠠᠴᠢᠨ ᠪᠣᠯᠪᠠ᠂ ᠬᠠᠷᠢᠨ ᠲᠠ ᠯᠠ ᠮᠢᠨᠦ ᠪᠠᠲᠤ ᠬᠣᠷᠭᠣᠳᠠᠬᠤ ᠭᠠᠵᠠᠷ᠃
8 ᠠᠮᠠ ᠮᠢᠨᠢ ᠡᠳᠦᠷᠵᠢᠨ ᠲᠠᠨ ᠤ ᠮᠠᠭᠲᠠᠭᠠᠯ ᠲᠠᠨ ᠤ ᠪᠠᠬᠠᠷᠬᠠᠯ ᠢᠶᠠᠷ ᠳᠦᠭᠦᠷᠡᠩ ᠪᠠᠢᠬᠤ ᠪᠣᠯᠲᠤᠭᠠᠢ᠃
9 ᠬᠥᠭᠰᠢᠷᠡᠬᠦ ᠦᠶᠡ ᠳᠦ ᠮᠢᠨᠢ ᠨᠠᠮᠠᠶᠢ ᠪᠦᠦ ᠬᠠᠶᠠᠭᠠᠴᠢ ᠬᠦᠴᠦ ᠪᠠᠷᠠᠭᠳᠠᠬᠤ ᠦᠶᠡ ᠳᠦ ᠮᠢᠨᠢ ᠨᠠᠮᠠᠶᠢ ᠪᠦᠦ ᠣᠷᠬᠢᠭᠠᠴᠢ᠃
10 ᠥᠰᠲᠡᠨ ᠨᠦᠭᠦᠳ ᠮᠢᠨᠦ ᠲᠤᠬᠠᠢ ᠶᠠᠷᠢᠯᠴᠠᠵᠤ ᠠᠮᠢ ᠶᠢ ᠮᠢᠨᠢ ᠣᠲᠣᠭᠴᠢᠳ ᠬᠠᠮᠲᠤᠷᠠᠨ ᠬᠤᠤᠪᠢᠯᠳᠤᠵᠤ᠄
11 《ᠪᠤᠷᠬᠠᠨ ᠲᠡᠭᠦᠨ ᠢ ᠣᠷᠬᠢᠭᠰᠠᠨ ᠲᠡᠭᠦᠨ ᠢ ᠬᠥᠭᠡᠭᠡᠵᠦ ᠪᠠᠷᠢ ᠲᠡᠭᠦᠨ ᠢ ᠠᠪᠤᠷᠠᠬᠤ ᠬᠥᠮᠦᠨ ᠪᠠᠢᠬᠤ ᠦᠭᠡᠢ》 ᠭᠡᠯᠴᠡᠨᠡ᠃
12 ᠪᠤᠷᠬᠠᠨ᠂ ᠨᠠᠳᠠ ᠠᠴᠠ ᠪᠦᠦ ᠬᠣᠯᠠᠳᠠᠭᠠᠴᠢ ᠪᠤᠷᠬᠠᠨ ᠮᠢᠨᠢ ᠡ᠂ ᠨᠠᠳᠠ ᠳᠤ ᠲᠤᠰᠠᠯᠠᠬᠤ ᠪᠠᠷ ᠬᠤᠷᠳᠤᠯᠠᠭᠠᠴᠢ᠃
13 ᠨᠠᠮᠠᠶᠢ ᠭᠤᠲᠤᠭᠠᠭᠴᠢᠳ ᠢᠴᠢᠵᠦ ᠰᠥᠨᠥᠭ ᠨᠠᠮᠠᠶᠢ ᠬᠣᠣᠷᠯᠠᠬᠤ ᠭᠡᠭᠴᠢᠳ ᠡᠯᠡᠭ ᠳᠣᠭᠣᠭᠢ ᠳᠤ ᠨᠥᠮᠥᠷᠥᠭᠳᠡᠭ᠃
14 ᠬᠠᠷᠢᠨ ᠪᠢ ᠦᠷᠭᠦᠯᠵᠢ ᠨᠠᠢᠳᠠᠯᠭᠠ ᠲᠠᠢ ᠪᠠᠢᠵᠤ ᠲᠠᠨ ᠢ ᠤᠯᠠᠮ ᠶᠡᠬᠡ ᠪᠡᠷ ᠮᠠᠭᠲᠠᠨᠠ᠃
15 ᠲᠠᠨ ᠤ ᠵᠥᠪ ᠦᠢᠯᠡᠰ᠂ ᠮᠥᠨ ᠲᠠᠨ ᠤ ᠠᠪᠤᠷᠠᠯ ᠢ ᠠᠮᠠ ᠮᠢᠨᠢ ᠡᠳᠦᠷᠵᠢᠨ ᠲᠤᠩ᠋ᠬᠠᠭᠯᠠᠨᠠ ᠪᠢ ᠲᠡᠳᠡᠭᠡᠷ ᠢ ᠲᠣᠭᠠᠯᠠᠵᠤ ᠴᠢᠳᠠᠬᠤ ᠦᠭᠡᠢ᠂
16 ᠪᠢ ᠡᠵᠡᠨ ᠶᠣᠬᠣᠸᠠ ᠶᠢᠨ ᠬᠦᠴᠦ ᠪᠡᠷ ᠶᠠᠪᠤᠨᠠ ᠪᠢ ᠲᠠᠨ ᠤ ᠵᠥᠪ ᠢ᠂ ᠵᠥᠪᠬᠡᠨ ᠲᠠᠨ ᠤ ᠵᠥᠪ ᠢ ᠥᠭᠦᠯᠡᠨᠡ᠃
17 ᠪᠤᠷᠬᠠᠨ ᠲᠠ ᠪᠠᠭᠠ ᠠᠴᠠ ᠮᠢᠨᠢ ᠨᠠᠮᠠᠶᠢ ᠰᠤᠷᠭᠠᠭᠰᠠᠨ ᠣᠳᠣ ᠪᠣᠯᠲᠠᠯᠠ ᠪᠢ ᠲᠠᠨ ᠤ ᠭᠠᠢᠬᠠᠮᠰᠢᠭᠲᠤ ᠦᠢᠯᠡᠰ ᠢ ᠵᠠᠷᠯᠠᠵᠤ ᠪᠠᠢᠨᠠ᠂
18 ᠪᠤᠷᠬᠠᠨ᠂ ᠥᠲᠡᠯᠵᠦ ᠪᠤᠭᠤᠷᠤᠯᠲᠤᠬᠤ ᠦᠶᠡ ᠳᠦ ᠮᠢᠨᠢ ᠴᠤ ᠨᠠᠮᠠᠶᠢ ᠪᠦᠦ ᠣᠷᠬᠢᠭᠠᠴᠢ ᠪᠢ ᠦᠶᠡ ᠶᠢᠨ ᠬᠢᠨ ᠳᠡᠭᠡᠨ ᠲᠠᠨ ᠤ ᠴᠢᠳᠠᠯ ᠢ ᠢᠷᠡᠬᠦ ᠪᠦᠬᠦᠨ ᠳᠦ ᠲᠠᠨ ᠤ ᠬᠦᠴᠦ ᠶᠢ ᠵᠠᠷᠯᠠᠬᠤ ᠬᠦᠷᠲᠡᠯᠡ ᠪᠦᠦ ᠣᠷᠬᠢᠭᠠᠴᠢ᠂
19 ᠠᠤᠭᠠ ᠵᠦᠢᠯᠡᠰ ᠢ ᠬᠢᠭᠰᠡᠨ ᠪᠤᠷᠬᠠᠨ ᠲᠠᠨ ᠤ ᠵᠥᠪ ᠦᠢᠯᠡᠰ ᠲᠩᠷᠢ ᠳᠤ ᠲᠤᠯᠤᠭᠰᠠᠨ ᠪᠤᠷᠬᠠᠨ᠂ ᠬᠡᠨ ᠲᠠᠨ ᠲᠠᠢ ᠠᠳᠠᠯᠢ ᠪᠤᠢ︖
20 ᠲᠠ ᠨᠠᠳᠠ ᠳᠤ ᠦᠯᠡᠮᠵᠢ ᠭᠠᠢ ᠵᠣᠪᠠᠯᠠᠩ ᠢ ᠦᠵᠡᠭᠦᠯᠦᠭᠰᠡᠨ ᠲᠠ ᠡᠷᠭᠢᠵᠦ ᠨᠠᠮᠠᠶᠢ ᠰᠡᠷᠭᠦᠭᠡᠨᠡ᠂ ᠲᠠ ᠡᠷᠭᠢᠵᠦ ᠨᠠᠮᠠᠶᠢ ᠭᠠᠵᠠᠷ ᠤᠨ ᠭᠦᠨ ᠡᠴᠡ ᠲᠠᠲᠠᠨ ᠭᠠᠷᠭᠠᠵᠤ᠂
21 ᠠᠯᠳᠠᠷ ᠢ ᠮᠢᠨᠢ ᠡᠷᠭᠦᠨᠡ᠂ ᠲᠠ ᠡᠷᠭᠢᠵᠦ ᠨᠠᠮᠠᠶᠢ ᠲᠠᠢᠳᠬᠤᠷᠠᠭᠤᠯᠤᠨᠠ᠃
22 ᠪᠤᠷᠬᠠᠨ ᠮᠢᠨᠢ ᠡ᠂ ᠪᠢ ᠲᠠᠨ ᠤ ᠢᠲᠡᠭᠡᠮᠵᠢᠲᠦ ᠪᠠᠢᠳᠠᠯ ᠢ ᠪᠣᠰᠣᠭᠠ ᠶᠠᠲᠤᠭᠠ ᠪᠠᠷ ᠮᠠᠭᠲᠠᠨᠠ᠂ ᠢᠰᠷᠧᠯ ᠤᠨ ᠠᠷᠢᠭᠤᠨ ᠨᠢᠭᠡᠨ᠂ ᠪᠢ ᠲᠠᠨ ᠢ ᠬᠤᠭᠤᠷ ᠢᠶᠠᠷ ᠮᠠᠭᠲᠠᠨ ᠳᠠᠭᠤᠯᠠᠨᠠ᠃
23 ᠪᠢ ᠲᠠᠨ ᠳᠤ ᠳᠠᠭᠤᠤ ᠡᠷᠭᠦᠬᠦ ᠳᠦ᠂ ᠣᠷᠣᠭᠤᠯ ᠮᠢᠨᠢ ᠬᠠᠰᠬᠢᠷᠤᠨ ᠲᠠᠨ ᠤ ᠵᠣᠯᠢᠵᠤ ᠠᠪᠤᠭᠰᠠᠨ ᠰᠡᠳᠬᠢᠯ ᠮᠢᠨᠢ ᠪᠠᠶᠠᠷᠯᠠᠨᠠ᠃
24 ᠬᠡᠯᠡ ᠮᠢᠨᠢ ᠴᠤ ᠡᠳᠦᠷᠵᠢᠨ ᠲᠠᠨ ᠤ ᠵᠥᠪ ᠦᠢᠯᠡ ᠶᠢ ᠥᠭᠦᠯᠡᠵᠦ 《ᠨᠠᠮᠠᠶᠢ ᠬᠣᠣᠷᠯᠠᠬᠤ ᠭᠡᠭᠴᠢᠳ ᠢᠴᠢᠭᠦᠷᠢ ᠰᠢᠪᠰᠢᠭ ᠪᠣᠯᠣᠭᠰᠠᠨ》 ᠭᠡᠨᠡ᠃