ᠳᠠᠭᠤᠯᠠᠯ ᠳᠥᠴᠢ ᠶᠢᠰᠦ
ᠪᠠᠶᠠᠯᠢᠭ ᠲᠤ ᠨᠠᠢᠳᠠᠬᠤ ᠨᠢ ᠬᠣᠭᠣᠰᠣᠨ
ᠺᠣᠷᠠ ᠶᠢᠨ ᠬᠣᠢᠴᠢᠰ ᠤᠨ ᠳᠠᠭᠤᠯᠠᠯ᠂ ᠨᠠᠢᠷᠠᠯ ᠳᠠᠭᠤᠤ ᠶᠢᠨ ᠤᠳᠤᠷᠢᠳᠤᠭᠠᠴᠢ ᠳᠤ᠃
1 ᠰᠣᠨᠣᠰᠴᠠᠭᠠ᠂ ᠬᠠᠮᠤᠭ ᠦᠨᠳᠦᠰᠦᠲᠡᠨ ᠡ᠂ ᠴᠢᠬᠢ ᠲᠠᠯᠪᠢ᠂ ᠳᠡᠯᠡᠬᠡᠢ ᠶᠢᠨ ᠪᠦᠬᠦ ᠰᠠᠭᠤᠭᠠᠯᠢᠴᠢᠳ ᠡ᠂
2 ᠶᠡᠬᠡᠰ ᠳᠣᠣᠷᠠᠳᠤᠰ᠂ ᠪᠠᠶᠠᠨ ᠶᠠᠳᠠᠭᠤ ᠪᠦᠭᠦᠳᠡ ᠡ᠂
3 ᠠᠮᠠ ᠮᠢᠨᠢ ᠮᠡᠷᠭᠡᠨ ᠤᠬᠠᠭᠠᠨ ᠢ ᠥᠭᠦᠯᠡᠨᠡ ᠵᠢᠷᠦᠬᠡᠨ ᠦ ᠪᠢᠰᠢᠯᠭᠠᠯ ᠮᠢᠨᠢ ᠤᠬᠠᠭᠠᠷᠠᠯ ᠳᠤ ᠬᠦᠷᠭᠡᠨᠡ
4 ᠪᠢ ᠵᠦᠢᠷ ᠮᠡᠷᠭᠡᠨ ᠦᠭᠡ ᠤᠷᠤᠭᠤ ᠴᠢᠬᠢ ᠪᠠᠨ ᠬᠠᠨᠳᠤᠭᠤᠯᠤᠨᠠ ᠪᠢ ᠪᠢᠲᠡᠭᠦᠦ ᠲᠠᠭᠠᠪᠤᠷᠢ ᠪᠠᠨ ᠪᠣᠰᠣᠭᠠ ᠶᠠᠲᠤᠭᠠ ᠪᠠᠷ ᠲᠠᠢᠯᠤᠨᠠ᠃
5 ᠪᠠᠴᠢᠲᠤ ᠭᠡᠮᠲᠡᠨ ᠨᠠᠮᠠᠶᠢ ᠪᠦᠰᠡᠯᠡᠭᠰᠡᠨ ᠪᠡᠷᠬᠡ ᠡᠳᠦᠷ ᠲᠦ ᠴᠤ ᠪᠢ ᠶᠠᠭᠤᠨ ᠠᠴᠠ ᠠᠶᠤᠬᠤ ᠪᠤᠢ︖
6 ᠲᠡᠳᠡ ᠡᠳ᠋ ᠬᠥᠷᠥᠩᠭᠡ ᠳᠡᠭᠡᠨ ᠢᠲᠡᠭᠡᠵᠦ ᠪᠠᠢᠨᠠ ᠦᠯᠡᠮᠵᠢ ᠪᠠᠶᠠᠯᠢᠭ ᠢᠶᠠᠷ ᠢᠶᠠᠨ ᠰᠠᠢᠷᠬᠠᠵᠤ ᠪᠠᠢᠨᠠ᠂
7 ᠬᠠᠷᠢᠨ ᠬᠡᠨ ᠴᠤ ᠪᠤᠰᠤᠳ ᠢ ᠵᠣᠯᠢᠵᠤ ᠦᠯᠦ ᠴᠢᠳᠠᠨᠠ ᠪᠤᠷᠬᠠᠨ ᠳᠤ ᠦᠨᠡ ᠶᠢ ᠨᠢ ᠲᠥᠯᠥᠵᠦ ᠦᠯᠦ ᠴᠢᠳᠠᠨᠠ᠂
8 ᠠᠮᠢ ᠶᠢᠨ ᠲᠥᠯᠥᠭᠡᠰᠦ ᠬᠡᠲᠦᠷᠬᠡᠢ ᠦᠨᠡ ᠲᠠᠢ ᠪᠣᠯᠬᠣᠷ ᠬᠡᠵᠢᠶᠡ ᠴᠤ ᠬᠠᠩ᠋ᠭᠠᠯᠲᠠᠲᠠᠢ ᠥᠭᠭᠥᠨ᠂
9 ᠢᠯᠵᠢᠷᠡᠯ ᠢ ᠦᠵᠡᠭᠦᠯᠦᠯ ᠦᠭᠡᠢ ᠡᠭᠦᠷᠢᠳᠡ ᠠᠮᠢᠳᠤᠷᠠᠭᠤᠯᠵᠤ ᠴᠢᠳᠠᠬᠤ ᠦᠭᠡᠢ᠃
10 ᠮᠡᠷᠭᠡᠨ ᠨᠢ ᠴᠤ ᠦᠬᠦᠬᠦ ᠶᠢ ᠲᠡᠷᠡ ᠬᠠᠷᠠᠨᠠ ᠠᠳᠠᠯᠢ ᠪᠠᠷ ᠲᠡᠨᠡᠭ ᠮᠤᠩ᠋ᠬᠠᠭ ᠨᠢ ᠴᠤ ᠮᠥᠬᠥᠵᠦ᠂ ᠡᠳ᠋ ᠬᠥᠷᠥᠩᠭᠡ ᠪᠡᠨ ᠪᠤᠰᠤᠳ ᠲᠤ ᠦᠯᠡᠳᠡᠭᠡᠨᠡ᠂
11 ᠲᠡᠳᠡ ᠭᠠᠵᠠᠷ ᠤᠳ ᠢᠶᠠᠨ ᠥᠪᠡᠷᠰᠡᠳ ᠦᠨ ᠢᠶᠠᠨ ᠨᠡᠷᠡ ᠪᠡᠷ ᠨᠡᠷᠡᠯᠡᠳᠡᠭ ᠪᠣᠯᠪᠠᠴᠤ ᠲᠡᠳᠡᠨ ᠦ ᠮᠥᠩᠬᠡ ᠶᠢᠨ ᠭᠡᠷ᠂ ᠲᠡᠳᠡᠨ ᠦ ᠦᠶᠡ ᠶᠢᠨ ᠦᠶᠡ ᠳᠦ ᠣᠷᠣᠰᠢᠬᠤ ᠪᠠᠢᠷᠢ ᠪᠣᠯ ᠪᠤᠯᠠᠰᠢ ᠶᠤᠮ᠂
12 ᠨᠡᠷᠡ ᠲᠥᠷᠥ ᠲᠠᠢ ᠬᠥᠮᠦᠨ ᠴᠤ ᠦᠯᠡᠳᠡᠬᠦ ᠦᠭᠡᠢ ᠮᠥᠬᠥᠬᠦ ᠠᠳᠤᠭᠤᠰᠤ ᠲᠠᠢ ᠠᠳᠠᠯᠢ ᠶᠤᠮ᠃
13 ᠲᠡᠨᠡᠭᠯᠡᠭᠴᠢ ᠶᠢᠨ ᠵᠠᠮ ᠲᠡᠳᠡᠨ ᠦ ᠶᠠᠷᠢᠶᠠ ᠶᠢ ᠲᠠᠭᠠᠰᠢᠶᠠᠭᠴᠢ ᠶᠢᠨ ᠲᠡᠭᠦᠰᠬᠡᠯ ᠡᠨᠡ ᠶᠤᠮ᠃
ᠰᠧᠯᠠ
14 ᠲᠡᠳᠡ ᠦᠬᠦᠭᠰᠡᠳ ᠦᠨ ᠣᠷᠣᠨ ᠤᠷᠤᠭᠤ ᠣᠷᠣᠬᠤ ᠪᠠᠷ ᠲᠣᠭᠲᠠᠭᠠᠭᠳᠠᠭᠰᠠᠨ ᠬᠣᠨᠢ ᠰᠢᠭ᠋ ᠦᠬᠦᠯ ᠲᠡᠳᠡᠨ ᠦ ᠬᠣᠨᠢᠴᠢᠨ ᠪᠣᠯᠣᠨᠠ᠂ ᠬᠡᠯᠪᠡᠷᠢ ᠳᠦᠷᠰᠦ ᠨᠢ ᠠᠷᠢᠯᠵᠤ ᠦᠬᠦᠭᠰᠡᠳ ᠦᠨ ᠣᠷᠣᠨ ᠳᠤ ᠰᠠᠭᠤᠬᠤ ᠳᠤᠨᠢ ᠦᠷ ᠴᠠᠢᠵᠤ ᠵᠥᠪᠲᠡᠳ ᠲᠡᠳᠡᠨ ᠦ ᠳᠡᠭᠡᠷᠡ ᠵᠠᠬᠢᠷᠤᠨᠠ᠃
15 ᠬᠠᠷᠢᠨ ᠪᠤᠷᠬᠠᠨ ᠠᠮᠢ ᠶᠢ ᠮᠢᠨᠢ ᠦᠬᠦᠭᠰᠡᠳ ᠦᠨ ᠣᠷᠣᠨ ᠤ ᠭᠠᠷ ᠠᠴᠠ ᠵᠣᠯᠢᠵᠤ ᠨᠠᠮᠠᠶᠢ ᠬᠦᠯᠢᠶᠡᠨ ᠠᠪᠤᠨᠠ᠃
ᠰᠧᠯᠠ
16 ᠬᠥᠮᠦᠨ ᠪᠠᠶᠠᠵᠢᠵᠤ᠂ ᠭᠡᠷ ᠣᠷᠣᠨ ᠳᠤᠨᠢ ᠠᠯᠳᠠᠷ ᠬᠦᠨᠳᠦ ᠨᠡᠮᠡᠭᠳᠡᠬᠦ ᠳᠦ ᠴᠢ ᠪᠦᠦ ᠰᠦᠷᠳᠡ᠃
17 ᠲᠡᠷᠡ ᠦᠬᠦᠬᠦ ᠳᠡᠭᠡᠨ ᠶᠠᠭᠤ ᠴᠤ ᠠᠪᠠᠴᠢᠬᠤ ᠦᠭᠡᠢ ᠲᠡᠭᠦᠨ ᠦ ᠠᠯᠳᠠᠷ ᠬᠦᠨᠳᠦ ᠠᠷᠤ ᠠᠴᠠ ᠨᠢ ᠪᠠᠭᠤᠬᠤ ᠦᠭᠡᠢ᠂
18 ᠰᠠᠢᠨ ᠢ ᠬᠢᠪᠡᠯ ᠮᠠᠭᠲᠠᠭᠠᠯ ᠠᠪᠳᠠᠭ ᠤᠴᠢᠷ ᠠᠴᠠ ᠠᠮᠢᠳᠤ ᠪᠠᠢᠬᠤ ᠳᠠᠭᠠᠨ ᠥᠪᠡᠷ ᠢ ᠪᠠᠨ ᠠᠵᠠ ᠲᠠᠢ ᠳᠤ ᠲᠣᠭᠠᠴᠠᠳᠠᠭ ᠴᠤ
19 ᠲᠡᠷᠡ ᠡᠴᠢᠭᠡ ᠡᠪᠦᠭᠡᠳ ᠦᠨ ᠢᠶᠠᠨ ᠦᠶᠡ ᠶᠢᠨ ᠬᠢᠨ ᠤᠷᠤᠭᠤ ᠣᠴᠢᠬᠤ ᠪᠣᠯᠣᠨᠠ ᠲᠡᠨᠳᠡ ᠲᠡᠳᠡ ᠬᠡᠵᠢᠶᠡ ᠴᠤ ᠭᠡᠷᠡᠯ ᠢ ᠬᠠᠷᠠᠬᠤ ᠦᠭᠡᠢ᠃
20 ᠠᠯᠳᠠᠷ ᠬᠦᠨᠳᠦ ᠲᠠᠢ ᠬᠥᠮᠦᠨ ᠴᠤ ᠦᠯᠦ ᠤᠬᠠᠭᠠᠷᠠᠪᠠᠯ ᠮᠥᠬᠥᠬᠦ ᠠᠳᠤᠭᠤᠰᠤ ᠲᠠᠢ ᠠᠳᠠᠯᠢ ᠶᠤᠮ᠃