ᠳᠠᠭᠤᠯᠠᠯ ᠭᠤᠴᠢᠨ ᠳᠣᠯᠣᠭᠠ
ᠠᠶᠤᠯᠭᠦᠢ ᠵᠥᠪᠲᠡᠨ᠂ ᠠᠶᠤᠯᠳᠦ ᠪᠤᠷᠤᠭᠤᠲᠠᠨ
ᠳ᠋ᠠᠸᠢᠳ᠋ ᠤᠨ ᠳᠠᠭᠤᠯᠠᠯ᠃
1 ᠮᠠᠭᠤ ᠶᠢ ᠦᠢᠯᠡᠳᠦᠭᠴᠢ ᠡᠴᠡ ᠪᠣᠯᠵᠤ ᠪᠦᠦ ᠴᠢᠬᠤᠯᠳᠠ ᠵᠥᠪ ᠪᠤᠰᠤ ᠶᠢ ᠦᠢᠯᠡᠳᠦᠭᠴᠢᠳ ᠲᠠᠢ ᠪᠦᠦ ᠠᠲᠠᠭᠠᠷᠬᠠ᠃
2 ᠲᠡᠳᠡ ᠡᠪᠡᠰᠦ ᠰᠢᠭ ᠬᠤᠷᠳᠤᠨ ᠬᠣᠷᠪᠣᠢᠵᠤ ᠨᠣᠭᠣᠭᠠᠨ ᠤᠷᠭᠤᠮᠠᠯ ᠰᠢᠭ᠋ ᠬᠠᠭᠳᠠᠷᠠᠬᠤ ᠪᠣᠯᠣᠨᠠ᠃
3 ᠶᠣᠬᠣᠸᠠ ᠳᠤ ᠢᠲᠡᠭᠡᠵᠦ᠂ ᠰᠠᠢᠨ ᠢ ᠦᠢᠯᠡᠳ ᠨᠤᠲᠤᠭ ᠲᠠᠭᠠᠨ ᠰᠠᠭᠤᠭᠰᠠᠭᠠᠷ᠂ ᠢᠲᠡᠭᠡᠮᠵᠢᠲᠠᠢ ᠪᠠᠷ ᠠᠮᠢᠳᠤᠷᠠ᠃
4 ᠶᠣᠬᠣᠸᠠ ᠶᠢᠨ ᠳᠣᠲᠣᠷᠠ ᠵᠢᠷᠭᠠᠯ ᠲᠠᠢ ᠪᠠᠢ᠂ ᠵᠢᠷᠦᠬᠡᠨ ᠦ ᠴᠢᠨᠢ ᠬᠦᠰᠡᠯ ᠢ ᠲᠡᠷᠡ ᠰᠣᠶᠣᠷᠬᠠᠨᠠ᠃
5 ᠶᠣᠬᠣᠸᠠ ᠳᠤ ᠵᠠᠮ ᠢᠶᠠᠨ ᠳᠠᠭᠠᠳᠬᠠ ᠲᠡᠭᠦᠨ ᠳᠦ ᠨᠠᠢᠳᠠᠪᠠᠯ ᠲᠡᠷᠡ ᠪᠡᠶᠡᠯᠡᠭᠦᠯᠦᠨᠡ᠂
6 ᠵᠥᠪ ᠢ ᠴᠢᠨᠢ ᠭᠡᠷᠡᠯ ᠮᠡᠲᠦ ᠰᠢᠳᠤᠷᠭᠤ ᠶᠢ ᠴᠢᠨᠢ ᠦᠳᠡ ᠳᠤᠮᠳᠠ ᠮᠡᠲᠦ ᠢᠯᠡ ᠪᠣᠯᠭᠠᠨᠠ᠃
7 ᠶᠣᠬᠣᠸᠠ ᠶᠢᠨ ᠡᠮᠦᠨᠡ ᠳᠠᠭᠤ ᠦᠭᠡᠢ ᠪᠠᠢᠵᠤ ᠲᠡᠭᠦᠨ ᠢ ᠲᠡᠪᠴᠢᠶᠡᠷᠢ ᠲᠠᠢ ᠬᠦᠯᠢᠶᠡ ᠥᠪᠡᠷ ᠦᠨ ᠢᠶᠠᠨ ᠠᠷᠭᠠ ᠪᠠᠷ ᠠᠮᠵᠢᠯᠲᠠ ᠣᠯᠣᠭᠴᠢ ᠡᠴᠡ᠂ ᠥᠪᠡᠷ ᠦᠨ ᠢᠶᠠᠨ ᠵᠠᠯᠢ ᠶᠢ ᠪᠡᠶᠡᠯᠡᠭᠦᠯᠳᠡᠭ ᠬᠥᠮᠦᠨ ᠡᠴᠡ ᠪᠣᠯᠵᠤ ᠪᠦᠦ ᠴᠢᠬᠤᠯᠳᠠ᠃
8 ᠠᠭᠤᠷ ᠢᠶᠠᠨ ᠣᠷᠬᠢᠵᠤ᠂ ᠬᠢᠯᠢᠩ ᠢᠶᠠᠨ ᠬᠠᠶᠠ᠂ ᠪᠦᠦ ᠴᠢᠬᠤᠯᠳᠠ᠂ ᠭᠠᠭᠴᠠ ᠮᠠᠭᠤ ᠳᠤ ᠴᠢᠭᠯᠡᠬᠦ ᠪᠣᠯᠣᠭᠤᠵᠠᠢ᠃
9 ᠮᠠᠭᠤ ᠶᠢ ᠦᠢᠯᠡᠳᠦᠭᠴᠢᠳ ᠲᠠᠰᠤᠯᠤᠭᠳᠠᠵᠤ ᠶᠣᠬᠣᠸᠠ ᠳᠤ ᠨᠠᠢᠳᠠᠭᠴᠢᠳ ᠭᠠᠵᠠᠷ ᠢ ᠥᠪᠯᠡᠬᠦ ᠪᠣᠯᠣᠨᠠ᠃
10 ᠪᠤᠷᠤᠭᠤᠲᠠᠨ ᠬᠠᠷᠢᠨ ᠤᠳᠠᠯ ᠦᠭᠡᠢ ᠠᠯᠠᠭᠠ ᠪᠣᠯᠣᠨᠠ᠂ ᠪᠠᠢᠭᠰᠠᠨ ᠭᠠᠵᠠᠷ ᠢ ᠨᠢ ᠠᠩ᠋ᠬᠠᠷᠤᠯ ᠲᠠᠢ ᠬᠠᠢᠪᠠᠴᠤ ᠲᠡᠷᠡ ᠲᠡᠨᠳᠡ ᠪᠡᠨ ᠪᠠᠢᠬᠤ ᠦᠭᠡᠢ᠃
11 ᠭᠡᠪᠡᠴᠦ ᠳᠠᠷᠤᠤ ᠨᠢ ᠭᠠᠵᠠᠷ ᠢ ᠥᠪᠯᠡᠵᠦ ᠦᠯᠡᠮᠵᠢ ᠠᠮᠤᠭᠤᠯᠠᠩ ᠳᠤ ᠪᠠᠶᠠᠰᠤᠨᠠ᠃
12 ᠪᠤᠷᠤᠭᠤᠲᠠᠨ ᠨᠢ ᠵᠥᠪᠲᠡᠨ ᠦ ᠡᠰᠡᠷᠭᠦ ᠬᠤᠤᠪᠢᠯᠳᠤᠵᠤ ᠲᠡᠭᠦᠨ ᠤᠷᠤᠭᠤ ᠰᠢᠳᠦ ᠪᠡᠨ ᠬᠠᠪᠢᠷᠤᠭᠰᠠᠨ ᠴᠤ
13 ᠰᠢᠭᠦᠬᠦ ᠡᠳᠦᠷ ᠦᠨ ᠢᠶᠠᠨ ᠢᠷᠡᠵᠦ ᠪᠤᠢ ᠶᠢ ᠬᠠᠷᠠᠳᠠᠭ ᠡᠵᠡᠨ ᠲᠡᠭᠦᠨ ᠢ ᠲᠣᠬᠣᠭᠠᠷᠬᠠᠨ ᠢᠨᠢᠶᠡᠨᠡ᠃
14 ᠪᠤᠷᠤᠭᠤᠲᠠᠳ ᠢᠯᠳᠦ ᠪᠡᠨ ᠰᠤᠭᠤᠯᠵᠤ᠂ ᠨᠤᠮᠤ ᠪᠠᠨ ᠬᠥᠪᠴᠢᠯᠡᠪᠡ᠂ ᠲᠡᠳᠡ ᠦᠭᠡᠭᠦᠦ ᠶᠠᠳᠠᠭᠤ ᠶᠢ ᠤᠨᠠᠭᠠᠵᠤ ᠴᠢᠭ᠍ᠴᠢ ᠪᠠᠷ ᠵᠠᠮᠨᠠᠭᠴᠢᠳ ᠢ ᠤᠰᠠᠳᠬᠠᠬᠤ ᠭᠡᠰᠡᠨ ᠴᠤ
15 ᠢᠯᠳᠦ ᠨᠢ ᠥᠪᠡᠷᠰᠡᠳ ᠦᠨ ᠬᠢᠨᠢ ᠵᠢᠷᠦᠬᠡᠨ ᠳᠦ ᠵᠣᠭᠣᠭᠳᠠᠵᠤ ᠨᠤᠮᠤ ᠨᠤᠭᠤᠳ ᠨᠢ ᠬᠤᠭᠤᠷᠠᠬᠤ ᠪᠣᠯᠣᠨᠠ᠃
16 ᠣᠯᠠᠨ ᠪᠤᠷᠤᠭᠤᠲᠠᠨ ᠤ ᠦᠯᠡᠮᠵᠢ ᠡᠴᠡ ᠨᠢᠭᠡ ᠵᠥᠪᠲᠡᠨ ᠦ ᠥᠴᠦᠬᠡᠨ ᠨᠢ ᠳᠡᠭᠡᠷᠡ᠃
17 ᠤᠴᠢᠷ ᠨᠢ ᠪᠤᠷᠤᠭᠤᠲᠠᠨ ᠤ ᠭᠠᠷ ᠬᠤᠭᠤᠯᠤᠭᠳᠠᠬᠤ ᠪᠣᠯᠪᠠᠴᠤ ᠵᠥᠪᠲᠡᠨ ᠦ ᠬᠢ ᠶᠢ ᠶᠣᠬᠣᠸᠠ ᠲᠦᠰᠢᠨᠡ᠃
18 ᠶᠣᠬᠣᠸᠠ ᠪᠤᠷᠤᠭᠤ ᠦᠭᠡᠢ ᠬᠥᠮᠦᠰ ᠦᠨ ᠡᠳᠦᠷ ᠤᠳ ᠢ ᠣᠢᠯᠠᠭᠠᠵᠤ ᠪᠠᠢᠳᠠᠭ ᠲᠡᠳᠡᠨ ᠦ ᠥᠪ ᠮᠥᠩᠬᠡᠳᠡ ᠪᠠᠢᠬᠤ ᠪᠣᠯᠣᠨᠠ᠃
19 ᠲᠡᠳᠡ ᠭᠠᠮᠰᠢᠭ ᠤᠨ ᠦᠶᠡ ᠳᠦ ᠭᠤᠲᠤᠮᠰᠢᠭ ᠪᠣᠯᠬᠤ ᠦᠭᠡᠢ ᠥᠯᠥᠰᠬᠥᠯᠡᠩ ᠦᠨ ᠡᠳᠦᠷ ᠤᠳ ᠲᠤ ᠴᠤ ᠬᠠᠨᠤᠬᠤ ᠪᠣᠯᠣᠨᠠ᠃
20 ᠬᠠᠷᠢᠨ ᠪᠤᠷᠤᠭᠤᠲᠠᠳ ᠮᠥᠬᠥᠨᠡ ᠶᠣᠬᠣᠸᠠ ᠶᠢᠨ ᠳᠠᠢᠰᠤᠨ ᠨᠤᠭᠤᠳ ᠬᠡᠭᠡᠷᠡ ᠶᠢᠨ ᠴᠡᠴᠡᠭ ᠤᠳ ᠮᠡᠲᠦ᠂ ᠤᠰᠠᠲᠤᠨᠠ᠂ ᠤᠲᠤᠭᠠ ᠮᠡᠲᠦ ᠤᠰᠠᠲᠤᠨᠠ᠃
21 ᠪᠤᠷᠤᠭᠤᠲᠠᠨ ᠵᠢᠭᠡᠯᠡᠪᠡᠯ ᠪᠤᠴᠠᠭᠠᠳᠠᠭ ᠦᠭᠡᠢ ᠪᠣᠯ᠂ ᠵᠥᠪᠲᠡᠨ ᠡᠨᠡᠷᠢᠨ᠂ ᠥᠭᠴᠦ ᠪᠠᠢᠳᠠᠭ᠃
22 ᠶᠣᠬᠣᠸᠠ ᠳᠤ ᠢᠷᠥᠭᠡᠭᠳᠡᠭᠰᠡᠨ ᠨᠢ ᠭᠠᠵᠠᠷ ᠢ ᠥᠪᠯᠡᠵᠦ ᠲᠡᠭᠦᠨ ᠳᠦ ᠬᠠᠷᠢᠶᠠᠭᠳᠠᠭᠰᠠᠨ ᠨᠢ ᠲᠠᠰᠤᠯᠤᠭᠳᠠᠨᠠ᠃
23 ᠶᠣᠬᠣᠸᠠ ᠵᠥᠪᠲᠡᠨ ᠦ ᠠᠯᠬᠤᠮ ᠢ ᠲᠣᠭᠲᠠᠭᠠᠵᠤ ᠵᠠᠮ ᠢ ᠨᠢ ᠲᠠᠭᠠᠯᠠᠳᠠᠭ᠂
24 ᠲᠡᠭᠦᠨ ᠢ ᠥᠪᠡᠷ ᠦᠨ ᠢᠶᠠᠨ ᠮᠤᠲᠤᠷ ᠢᠶᠠᠷ ᠲᠦᠰᠢᠵᠦ ᠪᠠᠢᠭᠠ ᠲᠤᠯᠠ ᠲᠡᠷᠡ ᠪᠡᠷ ᠪᠦᠳᠦᠷᠢᠪᠡᠴᠦ ᠤᠨᠠᠬᠤ ᠦᠭᠡᠢ᠃
25 ᠪᠢ ᠵᠠᠯᠠᠭᠤ ᠠᠴᠠ ᠪᠠᠨ ᠥᠲᠡᠯᠲᠡᠯᠡ ᠪᠡᠨ ᠵᠥᠪᠲᠡᠨ ᠦ ᠣᠷᠬᠢᠭᠳᠠᠬᠤ ᠶᠢ ᠦᠷᠡ ᠤᠳᠤᠮ ᠨᠢ ᠬᠣᠭᠣᠯᠠ ᠭᠤᠶᠤᠵᠤ ᠪᠠᠢᠬᠤ ᠶᠢ ᠦᠵᠡᠭᠡ ᠦᠭᠡᠢ᠃
26 ᠡᠳᠦᠷᠵᠢᠨ ᠲᠡᠷᠡ ᠥᠷᠥᠰᠢᠶᠡᠨ ᠵᠢᠭᠡᠯᠡᠭᠦᠯᠳᠡᠭ ᠦᠷᠡ ᠤᠳᠤᠮ ᠨᠢ ᠴᠤ ᠪᠤᠶᠠᠨ ᠲᠠᠢ᠃
27 ᠮᠠᠭᠤ ᠠᠴᠠ ᠡᠷᠭᠢᠵᠦ᠂ ᠰᠠᠢᠨ ᠢ ᠦᠢᠯᠡᠳ ᠴᠢ ᠮᠥᠩᠬᠡᠳᠡ ᠣᠷᠣᠰᠢᠬᠤ ᠪᠣᠯᠣᠨᠠ᠃
28 ᠤᠴᠢᠷ ᠨᠢ ᠶᠣᠬᠣᠸᠠ ᠰᠢᠳᠤᠷᠭᠤ ᠶᠢ ᠬᠠᠢᠷᠠᠯᠠᠳᠠᠭ᠂ ᠦᠨᠡᠨᠴᠢ ᠬᠥᠮᠦᠰ ᠢᠶᠡᠨ ᠣᠷᠭᠢᠯ ᠦᠭᠡᠢ ᠮᠥᠩᠬᠡᠳᠡ ᠬᠠᠮᠠᠭᠠᠯᠠᠳᠠᠭ ᠶᠤᠮ᠂ ᠪᠤᠷᠤᠭᠤᠲᠠᠳ ᠤᠨ ᠦᠷᠡ ᠤᠳᠤᠮ ᠲᠠᠰᠤᠯᠤᠭᠳᠠᠳᠠᠭ ᠪᠣᠯ᠂
29 ᠵᠥᠪᠲᠡᠨ ᠭᠠᠵᠠᠷ ᠢ ᠥᠪᠯᠡᠵᠦ ᠲᠡᠨᠳᠡ ᠪᠡᠨ ᠮᠥᠩᠬᠡᠳᠡ ᠰᠠᠭᠤᠬᠤ ᠪᠣᠯᠣᠨᠠ᠃
30 ᠵᠥᠪᠲᠡᠨ ᠦ ᠠᠮᠠ ᠮᠡᠷᠭᠡᠨ ᠢ ᠥᠭᠦᠯᠡᠵᠦ ᠬᠡᠯᠡ ᠨᠢ ᠭᠣᠣᠯᠴᠢ ᠶᠢ ᠶᠠᠷᠢᠳᠠᠭ᠂
31 ᠵᠢᠷᠦᠬᠡᠨ ᠳᠡᠭᠡᠨ ᠪᠤᠷᠬᠠᠨ ᠤ ᠪᠠᠨ ᠬᠠᠤᠯᠢ ᠲᠠᠢ᠂ ᠬᠥᠯ ᠨᠢ ᠬᠠᠯᠲᠤᠷᠢᠬᠤ ᠦᠭᠡᠢ᠃
32 ᠵᠥᠪᠲᠡᠨ ᠢ ᠪᠤᠷᠤᠭᠤᠲᠠᠨ ᠠᠨᠠᠵᠤ ᠠᠯᠠᠬᠤ ᠪᠠᠷ ᠬᠠᠢᠳᠠᠭ ᠪᠣᠯᠪᠠᠴᠤ
33 ᠶᠣᠬᠣᠸᠠ ᠲᠡᠭᠦᠨ ᠢ ᠪᠤᠷᠤᠭᠤᠲᠠᠨ ᠤ ᠭᠠᠷ ᠲᠤ ᠣᠷᠬᠢᠬᠤ ᠦᠭᠡᠢ ᠰᠢᠭᠦᠭᠳᠡᠬᠦ ᠳᠦᠨᠢ ᠲᠡᠭᠦᠨ ᠢ ᠪᠤᠷᠤᠭᠤᠳᠬᠠᠬᠤ ᠦᠭᠡᠢ᠃
34 ᠶᠣᠬᠣᠸᠠ ᠶᠢ ᠬᠦᠯᠢᠶᠡ᠂ ᠵᠠᠮ ᠢ ᠨᠢ ᠳᠠᠭᠠ ᠲᠡᠷᠡ ᠴᠢᠮᠠᠶᠢ ᠡᠷᠭᠦᠮᠵᠢᠯᠡᠵᠦ᠂ ᠭᠠᠵᠠᠷ ᠢ ᠥᠪᠯᠡᠭᠦᠯᠦᠨᠡ ᠪᠤᠷᠤᠭᠤᠲᠠᠳ ᠲᠠᠰᠤᠯᠤᠭᠳᠠᠬᠤ ᠳᠤ᠂ ᠴᠢ ᠦᠵᠡᠬᠦ ᠪᠣᠯᠣᠨᠠ᠃
35 ᠬᠠᠷᠭᠢᠰ ᠪᠤᠷᠤᠭᠤᠲᠠᠨ ᠰᠠᠭᠯᠠᠭᠠᠷ ᠮᠣᠳᠣ ᠮᠡᠲᠦ ᠰᠠᠭᠰᠠᠢᠬᠤ ᠶᠢ ᠪᠢ ᠬᠠᠷᠠᠭᠰᠠᠨ᠂
36 ᠲᠡᠭᠡᠭᠰᠡᠨ ᠢᠶᠡᠨ ᠲᠡᠷᠡ ᠥᠩᠭᠡᠷᠡᠭᠰᠡᠨ ᠬᠠᠷᠠ᠂ ᠲᠡᠷᠡ ᠠᠯᠠᠭᠠ ᠪᠣᠯᠣᠭᠰᠠᠨ ᠪᠢ ᠬᠠᠢᠭᠰᠠᠨ ᠪᠣᠯᠪᠠᠴᠤ ᠲᠡᠷᠡ ᠣᠯᠳᠠᠭᠠ ᠦᠭᠡᠢ᠃
37 ᠪᠤᠷᠤᠭᠤ ᠦᠭᠡᠢ ᠬᠥᠮᠦᠨ ᠢ ᠠᠩ᠋ᠬᠠᠷ᠂ ᠴᠢᠭ᠍ᠴᠢ ᠬᠥᠮᠦᠨ ᠢ ᠬᠠᠷᠠ ᠠᠮᠤᠭᠤᠯᠠᠩ ᠬᠥᠮᠦᠨ ᠢᠷᠡᠭᠡᠳᠦᠢ ᠲᠡᠢ᠃
38 ᠬᠠᠷᠢᠨ ᠨᠢᠭᠦᠯᠲᠡᠳ ᠴᠥᠮ ᠢᠶᠡᠷ ᠢᠶᠠᠨ ᠤᠰᠠᠳᠬᠠᠭᠳᠠᠨᠠ ᠪᠤᠷᠤᠭᠤᠲᠠᠳ ᠤᠨ ᠢᠷᠡᠭᠡᠳᠦᠢ ᠲᠠᠰᠤᠯᠤᠭᠳᠠᠨᠠ᠃
39 ᠵᠥᠪᠲᠡᠳ ᠦᠨ ᠠᠪᠤᠷᠠᠯ ᠶᠣᠬᠣᠸᠠ ᠠᠴᠠ ᠵᠣᠪᠠᠯᠠᠩᠲᠤ ᠴᠠᠭ ᠤᠨ ᠪᠡᠬᠢᠯᠡᠯᠲᠡ ᠨᠢ ᠲᠡᠷᠡ᠃
40 ᠶᠣᠬᠣᠸᠠ ᠲᠤᠰᠠᠯᠠᠵᠤ᠂ ᠲᠡᠳᠡᠨ ᠢ ᠴᠢᠯᠥᠭᠡᠯᠡᠨᠡ ᠥᠪᠡᠷ ᠦᠨ ᠬᠢᠨᠢ ᠳᠣᠲᠣᠷᠠ ᠬᠣᠷᠭᠣᠳᠠᠳᠠᠭ ᠲᠤᠯᠠ ᠲᠡᠳᠡᠨ ᠢ ᠪᠤᠷᠤᠭᠤᠲᠠᠳ ᠠᠴᠠ ᠴᠢᠯᠥᠭᠡᠯᠡᠵᠦ᠂ ᠠᠪᠤᠷᠠᠨᠠ᠃