ᠳᠠᠭᠤᠯᠠᠯ ᠲᠠᠪᠢᠨ ᠳᠣᠯᠣᠭᠠ
ᠪᠡᠷᠬᠡ ᠦᠶᠡ ᠶᠢᠨ ᠢᠲᠡᠭᠡᠯᠲᠦ ᠭᠤᠶᠤᠯᠲᠠ
ᠳ᠋ᠠᠸᠢᠳ᠋ ᠤᠨ ᠮᠢᠺᠲᠠᠮ᠂ ᠨᠠᠢᠷᠠᠯ ᠳᠠᠭᠤᠤ ᠶᠢᠨ ᠤᠳᠤᠷᠢᠳᠤᠭᠠᠴᠢ ᠳᠤ᠃ 《ᠪᠦᠦ ᠤᠰᠠᠳᠬᠠᠭᠠᠴᠢ》 ᠶᠢᠨ ᠠᠶᠠ ᠳᠡᠭᠡᠷᠡ᠃ ᠳ᠋ᠠᠸᠢᠳ᠋ ᠰᠠᠦ᠋ᠯ ᠡᠴᠡ ᠨᠢᠭᠤᠭᠳᠠᠬᠤ ᠪᠠᠷ ᠠᠭᠤᠢ ᠳᠤ ᠪᠠᠢᠭᠰᠠᠨ ᠦᠶᠡ ᠳᠦ᠃
1 ᠨᠠᠮᠠᠶᠢ ᠡᠨᠡᠷᠢᠭᠡᠴᠢ᠂ ᠪᠤᠷᠬᠠᠨ᠂ ᠨᠠᠮᠠᠶᠢ ᠡᠨᠡᠷᠢᠭᠡᠴᠢ᠂ ᠠᠮᠢ ᠮᠢᠨᠢ ᠲᠠᠨ ᠤ ᠳᠣᠲᠣᠷᠠ ᠬᠣᠷᠭᠣᠲᠠᠯᠠ ᠲᠠᠨ ᠤ ᠵᠢᠭᠦᠷ ᠦᠨ ᠰᠡᠭᠦᠳᠡᠷ ᠲᠦ ᠪᠢ ᠰᠦᠢᠷᠡᠯ ᠥᠩᠭᠡᠷᠡᠲᠡᠯᠡ ᠬᠣᠷᠭᠣᠳᠠᠨᠠ᠃
2 ᠪᠢ ᠬᠠᠮᠤᠭ ᠤᠨ ᠳᠡᠭᠡᠳᠦ ᠪᠤᠷᠬᠠᠨ ᠤᠷᠤᠭᠤ ᠮᠢᠨᠦ ᠲᠠᠯᠠ ᠪᠠᠷ ᠬᠢ ᠪᠦᠬᠦᠨ ᠢ ᠪᠡᠶᠡᠯᠡᠭᠦᠯᠳᠡᠭ ᠪᠤᠷᠬᠠᠨ ᠤᠷᠤᠭᠤ ᠬᠠᠰᠬᠢᠷᠤᠨᠠ᠃
3 ᠲᠡᠷᠡ ᠲᠩᠷᠢ ᠡᠴᠡ ᠢᠯᠡᠭᠡᠵᠦ ᠨᠠᠮᠠᠶᠢ ᠠᠪᠤᠷᠠᠨᠠ ᠨᠠᠮᠠᠶᠢ ᠭᠢᠰᠬᠢᠯᠡᠭᠴᠢᠳ ᠢ ᠢᠴᠢᠭᠦᠷᠢ ᠳᠤ ᠣᠷᠣᠭᠤᠯᠤᠨᠠ᠂
ᠰᠧᠯᠠ
ᠪᠤᠷᠬᠠᠨ ᠥᠪᠡᠷ ᠦᠨ ᠢᠶᠠᠨ ᠬᠠᠢᠷᠠ ᠪᠠ ᠦᠨᠡᠨ ᠢ ᠢᠯᠡᠭᠡᠨᠡ᠃
4 ᠠᠮᠢ ᠮᠢᠨᠢ ᠠᠷᠰᠯᠠᠨ ᠨᠤᠭᠤᠳ ᠤᠨ ᠳᠤᠮᠳᠠ ᠪᠠᠢᠨᠠ ᠪᠢ ᠬᠥᠮᠦᠨ ᠦ ᠬᠥᠪᠡᠭᠦᠳ ᠪᠣᠯᠬᠤ ᠠᠷᠢᠶᠠᠲᠠᠳ ᠤᠨ ᠳᠤᠮᠳᠠ ᠬᠡᠪᠲᠡᠭᠰᠡᠨ ᠪᠠᠢᠨᠠ᠃ ᠲᠡᠳᠡᠨ ᠦ ᠰᠢᠳᠦ ᠵᠢᠳᠠ ᠪᠤᠶᠤ ᠰᠤᠮᠤ ᠲᠡᠳᠡᠨ ᠦ ᠬᠡᠯᠡ ᠪᠣᠯ ᠬᠤᠷᠴᠠ ᠰᠡᠯᠡᠮᠡ᠃
5 ᠪᠤᠷᠬᠠᠨ ᠲᠠ ᠲᠩᠷᠢ ᠶᠢᠨ ᠳᠡᠭᠡᠭᠦᠷ ᠳᠡᠭᠡᠳᠦᠯᠡᠭᠳᠡᠵᠦ ᠲᠠᠨ ᠤ ᠴᠣᠭ ᠵᠢᠪᠬᠤᠯᠠᠩ ᠪᠦᠬᠦ ᠭᠠᠵᠠᠷ ᠤᠨ ᠳᠡᠭᠡᠭᠦᠷ ᠪᠠᠢᠭ᠃
6 ᠲᠡᠳᠡ ᠬᠥᠯ ᠳᠤ ᠮᠢᠨᠢ ᠲᠣᠣᠷ ᠲᠠᠯᠪᠢᠪᠠ᠂ ᠰᠡᠳᠬᠢᠯ ᠮᠢᠨᠢ ᠮᠣᠬᠣᠪᠠ᠂ ᠲᠡᠳᠡ ᠮᠢᠨᠦ ᠡᠮᠦᠨᠡ ᠨᠦᠬᠡ ᠤᠬᠤᠭᠰᠠᠨ ᠪᠣᠯᠪᠠᠴᠤ ᠥᠪᠡᠷᠰᠡᠳ ᠢᠶᠡᠨ ᠲᠡᠭᠦᠨ ᠳᠣᠲᠣᠷᠠ ᠤᠨᠠᠵᠠᠭᠠᠪᠠ᠃
ᠰᠧᠯᠠ
7 ᠵᠢᠷᠦᠬᠡ ᠮᠢᠨᠢ ᠪᠠᠲᠤ᠂ ᠪᠤᠷᠬᠠᠨ᠂ ᠵᠢᠷᠦᠬᠡ ᠮᠢᠨᠢ ᠪᠠᠲᠤ ᠪᠢ ᠳᠠᠭᠤᠯᠠᠨᠠ᠂ ᠪᠢ ᠠᠶᠠ ᠪᠠᠷᠢᠨᠠ᠃
8 ᠢᠷᠠᠭᠤ ᠠᠯᠳᠠᠷ ᠮᠢᠨᠢ᠂ ᠰᠡᠷᠢᠭᠡᠴᠢ︕ ᠶᠠᠲᠤᠭᠠ ᠡ᠂ ᠬᠤᠭᠤᠷ ᠡ᠂ ᠰᠡᠷᠢᠭᠡᠴᠢ︕ ᠪᠢ ᠦᠷ ᠦᠨ ᠭᠡᠭᠡ ᠶᠢ ᠰᠡᠷᠢᠭᠡᠨᠡ᠃
9 ᠡᠵᠡᠨ᠂ ᠪᠢ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠳᠤᠮᠳᠠ ᠲᠠᠨ ᠳᠤ ᠲᠠᠯᠠᠷᠬᠠᠨᠠ ᠪᠢ ᠶᠠᠰᠤᠲᠠᠨ ᠨᠤᠭᠤᠳ ᠤᠨ ᠳᠤᠮᠳᠠ ᠲᠠᠨ ᠳᠤ ᠳᠠᠭᠤᠤ ᠡᠷᠭᠦᠨᠡ᠃
10 ᠲᠠᠨ ᠤ ᠬᠠᠢᠷᠠ ᠲᠩᠷᠢ ᠲᠤᠯᠤᠮᠠ ᠠᠭᠤᠤ ᠲᠠᠨ ᠤ ᠦᠨᠡᠨ ᠡᠭᠦᠯᠡᠰ ᠲᠦ ᠬᠦᠷᠦᠨᠡ᠃
11 ᠪᠤᠷᠬᠠᠨ ᠲᠠ ᠲᠩᠷᠢ ᠶᠢᠨ ᠳᠡᠭᠡᠭᠦᠷ ᠳᠡᠭᠡᠳᠦᠯᠡᠭᠳᠡᠵᠦ ᠲᠠᠨ ᠤ ᠴᠣᠭ ᠵᠢᠪᠬᠤᠯᠠᠩ ᠪᠦᠬᠦ ᠭᠠᠵᠠᠷ ᠤᠨ ᠳᠡᠭᠡᠭᠦᠷ ᠪᠠᠢᠭ᠃