ᠳᠠᠭᠤᠯᠠᠯ ᠨᠠᠶᠠ ᠶᠢᠰᠦ
ᠪᠤᠷᠬᠠᠨ ᠤ ᠭᠡᠷᠡ ᠶᠠᠭᠠᠬᠢᠭᠰᠠᠨ ᠪᠣᠯ
ᠡᠽᠷᠠ ᠬᠥᠮᠦᠨ ᠡᠲ᠋ᠠᠨ ᠤ ᠰᠤᠷᠭᠠᠯᠲᠤ ᠳᠠᠭᠤᠯᠠᠯ᠃
1 ᠡᠭᠦᠷᠢᠳᠡ ᠪᠢ ᠶᠣᠬᠣᠸᠠ ᠲᠠᠨ ᠤ ᠦᠨᠡᠨ ᠬᠠᠢᠷᠠ ᠶᠢ ᠳᠠᠭᠤᠯᠠᠨᠠ ᠦᠶᠡ ᠶᠢᠨ ᠦᠶᠡ ᠳᠦ ᠪᠢ ᠲᠠᠨ ᠤ ᠢᠲᠡᠭᠡᠮᠵᠢᠲᠡᠢ ᠶᠢ ᠠᠮᠠ ᠪᠠᠷ ᠢᠶᠠᠨ ᠮᠡᠳᠡᠭᠦᠯᠦᠨᠡ᠃
2 ᠦᠨᠡᠬᠡᠷ ᠪᠢ 《ᠲᠠᠨ ᠤ ᠦᠨᠡᠨ ᠬᠠᠢᠷᠠ ᠮᠥᠩᠬᠡᠳᠡ ᠪᠠᠲᠤ ᠲᠠᠨ ᠤ ᠢᠲᠡᠭᠡᠮᠵᠢᠲᠠᠢ ᠪᠠᠢᠳᠠᠯ ᠲᠩᠷᠢ ᠮᠡᠲᠦ ᠲᠣᠭᠲᠠᠭᠤᠨ》 ᠭᠡᠳᠡᠭ᠃
3 《ᠪᠢ ᠰᠣᠩ᠋ᠭᠣᠭᠰᠠᠨ ᠨᠢᠭᠡᠨ ᠲᠡᠢ ᠪᠡᠨ ᠭᠡᠷᠡ ᠪᠠᠢᠭᠤᠯᠤᠭᠰᠠᠨ ᠪᠢ ᠵᠠᠷᠤᠴᠠ ᠳ᠋ᠠᠸᠢᠳ᠋ ᠲᠠᠭᠠᠨ ᠲᠠᠩ᠋ᠭᠠᠷᠢᠭᠯᠠᠨ
4 〈ᠪᠢ ᠴᠢᠨᠦ ᠦᠷᠡ ᠬᠣᠢᠴᠢ ᠶᠢ ᠮᠥᠩᠬᠡᠳᠡ ᠲᠣᠭᠲᠠᠭᠠᠵᠤ ᠴᠢᠨᠦ ᠬᠠᠭᠠᠨ ᠰᠠᠭᠤᠳᠠᠯ ᠢ ᠦᠶᠡ ᠶᠢᠨ ᠦᠶᠡ ᠳᠦ ᠪᠠᠲᠤᠵᠢᠭᠤᠯᠤᠨᠠ〉 ᠭᠡᠰᠡᠨ᠃》
ᠰᠧᠯᠠ
5 ᠶᠣᠬᠣᠸᠠ᠂ ᠲᠩᠷᠢ ᠶᠢᠨ ᠬᠢᠨ ᠲᠠᠨ ᠤ ᠭᠠᠢᠬᠠᠮᠰᠢᠭ ᠤᠳ ᠢ ᠮᠠᠭᠲᠠᠨᠠ ᠠᠷᠢᠭᠤᠨ ᠪᠦᠬᠦᠨ ᠦ ᠴᠢᠭᠤᠯᠭᠠᠨ ᠳᠤ ᠲᠠᠨ ᠤ ᠢᠲᠡᠭᠡᠮᠵᠢᠲᠠᠢ ᠶᠢ ᠮᠠᠭᠲᠠᠨᠠ᠃
6 ᠣᠭᠲᠠᠷᠭᠤᠢ ᠳᠠᠬᠢ ᠬᠡᠨ ᠢ ᠶᠣᠬᠣᠸᠠ ᠲᠠᠢ ᠬᠠᠷᠢᠴᠠᠭᠤᠯᠵᠤ ᠪᠣᠯᠬᠤ ᠪᠤᠢ︖ ᠪᠤᠷᠬᠠᠨ ᠤ ᠬᠥᠪᠡᠭᠦᠳ ᠦᠨ ᠳᠤᠮᠳᠠ ᠠᠴᠠ ᠬᠡᠨ ᠨᠢ ᠶᠣᠬᠣᠸᠠ ᠲᠠᠢ ᠠᠳᠠᠯᠢ ᠪᠤᠢ︖
7 ᠲᠡᠷᠡ ᠪᠣᠯ ᠠᠷᠢᠭᠤᠨ ᠪᠦᠬᠦᠨ ᠦ ᠴᠢᠭᠤᠯᠭᠠᠨ ᠤ ᠶᠡᠬᠡᠳᠡ ᠡᠮᠢᠶᠡᠭᠦᠰᠢᠲᠡᠢ ᠨᠢᠭᠡᠨ ᠡᠷᠭᠢᠨ ᠲᠣᠭᠣᠷᠢᠨ ᠤ ᠪᠠᠨ ᠪᠦᠬᠦᠨ ᠦ ᠳᠡᠭᠡᠷᠡᠬᠢ ᠰᠦᠷᠳᠡᠮᠡᠷ ᠪᠤᠷᠬᠠᠨ ᠶᠤᠮ᠃
8 ᠠᠤᠭᠠ ᠬᠦᠴᠦᠲᠦ ᠪᠤᠷᠬᠠᠨ ᠶᠣᠬᠣᠸᠠ᠂ ᠬᠡᠨ ᠲᠠᠨ ᠲᠠᠢ ᠠᠳᠠᠯᠢ ᠪᠤᠢ︖ ᠶᠣᠬᠣᠸᠠ ᠲᠠ ᠬᠦᠴᠦ ᠲᠠᠢ᠂ ᠲᠠᠨ ᠤ ᠢᠲᠡᠭᠡᠮᠵᠢᠲᠠᠢ ᠪᠠᠢᠳᠠᠯ ᠲᠠᠨ ᠢ ᠬᠦᠷᠢᠶᠡᠯᠡᠨ ᠪᠠᠢᠳᠠᠭ᠃
9 ᠲᠠ ᠳᠣᠭᠰᠢᠨ ᠳᠠᠯᠠᠢ ᠶᠢ ᠵᠠᠬᠢᠷᠳᠠᠭ ᠳᠠᠪᠠᠯᠭᠠᠨ ᠪᠣᠰᠬᠤ ᠳᠤ ᠲᠠ ᠨᠣᠮᠣᠬᠠᠷᠠᠭᠤᠯᠤᠨᠠ᠃
10 ᠲᠠ ᠷᠠᠬᠠᠪ ᠢ ᠴᠣᠬᠢᠵᠤ᠂ ᠬᠡᠭᠦᠷ ᠮᠡᠲᠦ ᠪᠣᠯᠭᠠᠭᠰᠠᠨ ᠲᠠ ᠳᠠᠢᠰᠤᠨ ᠨᠤᠭᠤᠳ ᠢᠶᠠᠨ ᠬᠦᠴᠦᠲᠦ ᠮᠤᠲᠤᠷ ᠢᠶᠠᠷ ᠢᠶᠠᠨ ᠰᠠᠷᠨᠢᠭᠤᠯᠤᠭᠰᠠᠨ᠃
11 ᠲᠩᠷᠢ ᠲᠠᠨ ᠤ ᠬᠢ᠂ ᠭᠠᠵᠠᠷ ᠴᠤ ᠲᠠᠨ ᠤ ᠬᠢ︕ ᠳᠡᠯᠡᠬᠡᠢ ᠪᠠ ᠲᠡᠭᠦᠨ ᠦ ᠳᠣᠲᠣᠷᠠᠬᠢ ᠪᠦᠬᠦᠨ ᠢ ᠲᠠ ᠲᠣᠭᠲᠠᠭᠠᠭᠰᠠᠨ᠃
12 ᠲᠠ ᠡᠮᠦᠨᠡᠲᠦ ᠪᠠ ᠤᠮᠠᠷᠠᠲᠤ ᠶᠢ ᠪᠦᠲᠦᠭᠡᠭᠰᠡᠨ ᠲᠠᠪᠣᠷ ᠪᠠ ᠾᠧᠷᠮᠣᠨ ᠲᠠᠨ ᠤ ᠨᠡᠷᠡ ᠪᠡᠷ ᠪᠠᠶᠠᠷᠯᠠᠨ ᠳᠠᠭᠤᠯᠠᠨᠠ᠃
13 ᠲᠠ ᠬᠦᠴᠦᠷᠬᠡᠭ ᠭᠠᠷ ᠲᠠᠢ ᠲᠠᠨ ᠤ ᠨᠢᠳᠤᠷᠭᠠ ᠴᠢᠳᠠᠯ ᠲᠠᠢ ᠲᠠᠨ ᠤ ᠪᠠᠷᠠᠭᠤᠨ ᠮᠤᠲᠤᠷ ᠡᠷᠭᠦᠭᠳᠡᠭᠰᠡᠨ ᠪᠠᠢᠳᠠᠭ᠂
14 ᠵᠥᠪ ᠰᠢᠳᠤᠷᠭᠤ ᠨᠢ ᠲᠠᠨ ᠤ ᠰᠡᠨᠲᠢ ᠶᠢᠨ ᠰᠠᠭᠤᠷᠢ ᠬᠠᠢᠷᠠ ᠬᠢᠭᠡᠳ ᠦᠨᠡᠨ ᠲᠠᠨ ᠤ ᠡᠮᠦᠨᠡ ᠶᠠᠪᠤᠨᠠ᠂
15 ᠪᠠᠶᠠᠷᠯᠠᠨ ᠤᠤᠬᠠᠢᠯᠠᠬᠤ ᠶᠢ ᠮᠡᠳᠡᠳᠡᠭ ᠡᠨᠡ ᠠᠷᠠᠳ ᠲᠦᠮᠡᠨ ᠪᠤᠶᠠᠨ ᠲᠠᠢ︕ ᠲᠡᠳᠡ ᠶᠣᠬᠣᠸᠠ ᠲᠠᠨ ᠤ ᠨᠢᠭᠤᠷ ᠤᠨ ᠭᠡᠷᠡᠯ ᠳᠣᠲᠣᠷᠠ ᠠᠯᠬᠤᠨᠠ᠃
16 ᠲᠠᠨ ᠤ ᠨᠡᠷᠡ ᠪᠡᠷ ᠡᠳᠦᠷᠵᠢᠨ ᠪᠠᠶᠠᠷᠯᠠᠵᠤ ᠲᠠᠨ ᠤ ᠵᠥᠪᠲᠥᠭᠡᠯ ᠢᠶᠡᠷ ᠡᠷᠭᠦᠮᠵᠢᠯᠡᠭᠳᠡᠨᠡ᠃
17 ᠲᠠ ᠲᠡᠳᠡᠨ ᠦ ᠵᠢᠪᠬᠤᠯᠠᠩᠲᠤ ᠬᠦᠴᠦ ᠲᠠᠨ ᠤ ᠲᠠᠭᠠᠯᠠᠯ ᠢᠶᠠᠷ ᠪᠢᠳᠡᠨ ᠦ ᠡᠪᠡᠷ ᠡᠷᠭᠦᠮᠵᠢᠯᠡᠭᠳᠡᠨᠡ᠃
18 ᠪᠢᠳᠡᠨ ᠦ ᠪᠠᠮᠪᠠᠢ ᠶᠣᠬᠣᠸᠠ ᠶᠢᠨ ᠬᠢ ᠪᠢᠳᠡᠨ ᠦ ᠬᠠᠭᠠᠨ ᠢᠰᠷᠧᠯ ᠤᠨ ᠠᠷᠢᠭᠤᠨ ᠨᠢᠭᠡᠨ ᠦ ᠬᠢ᠃
19 ᠤᠤᠯ ᠨᠢ ᠲᠠ ᠦᠨᠡᠨᠴᠢ ᠬᠥᠮᠦᠰ ᠲᠡᠭᠡᠨ ᠦᠵᠡᠭᠳᠡᠯ ᠳᠣᠲᠣᠷᠠ ᠠᠢᠯᠠᠳᠴᠤ 《ᠪᠢ ᠨᠢᠭᠡᠨ ᠪᠠᠭᠠᠲᠤᠷ ᠲᠤ ᠲᠤᠰᠠᠯᠠᠮᠵᠢ ᠦᠵᠡᠭᠦᠯᠦᠭᠰᠡᠨ ᠪᠢ ᠠᠷᠠᠳ ᠣᠯᠠᠨ ᠠᠴᠠ ᠰᠢᠯᠢᠭᠰᠡᠨ ᠨᠢᠭᠡᠨ ᠢᠶᠡᠨ ᠡᠷᠭᠦᠮᠵᠢᠯᠡᠭᠰᠡᠨ᠃
20 ᠪᠢ ᠵᠠᠷᠤᠴᠠ ᠳ᠋ᠠᠸᠢᠳ᠋ ᠢᠶᠠᠨ ᠣᠯᠵᠤ ᠠᠷᠢᠭᠤᠨ ᠲᠣᠰᠣ ᠪᠠᠷ ᠢᠶᠠᠨ ᠲᠡᠭᠦᠨ ᠢ ᠲᠣᠰᠣᠯᠠᠭᠰᠠᠨ᠃
21 ᠭᠠᠷ ᠮᠢᠨᠢ ᠲᠡᠭᠦᠨ ᠲᠡᠢ ᠬᠠᠮᠲᠤ ᠪᠠᠢᠭᠰᠠᠭᠠᠷ ᠮᠤᠲᠤᠷ ᠮᠢᠨᠢ ᠲᠡᠭᠦᠨ ᠢ ᠪᠠᠲᠤᠵᠢᠭᠤᠯᠤᠨᠠ᠃
22 ᠥᠰᠲᠡᠨ ᠲᠡᠭᠦᠨ ᠢ ᠮᠡᠬᠡᠯᠡᠵᠦ ᠴᠢᠳᠠᠬᠤ ᠦᠭᠡᠢ ᠵᠥᠪ ᠪᠤᠰᠤ ᠨᠢᠭᠡᠨ ᠨᠢ ᠲᠡᠭᠦᠨ ᠢ ᠵᠣᠪᠠᠭᠠᠵᠤ ᠴᠢᠳᠠᠬᠤ ᠦᠭᠡᠢ᠃
23 ᠥᠰᠲᠡᠨ ᠨᠦᠭᠦᠳ ᠢ ᠨᠢ ᠪᠢ ᠲᠡᠭᠦᠨ ᠦ ᠡᠮᠦᠨᠡ ᠪᠢᠴᠠᠯᠵᠤ ᠦᠵᠡᠨ ᠶᠠᠳᠠᠭᠴᠢᠳ ᠢ ᠨᠢ ᠪᠤᠲᠠ ᠴᠣᠬᠢᠨᠠ᠃
24 ᠦᠨᠡᠨ ᠪᠠ ᠬᠠᠢᠷᠠ ᠮᠢᠨᠢ ᠲᠡᠭᠦᠨ ᠲᠡᠢ ᠬᠠᠮᠲᠤ ᠪᠠᠢᠨᠠ ᠲᠡᠭᠦᠨ ᠦ ᠡᠪᠡᠷ ᠮᠢᠨᠦ ᠨᠡᠷᠡ ᠪᠡᠷ ᠡᠷᠭᠦᠮᠵᠢᠯᠡᠭᠳᠡᠨᠡ᠃
25 ᠪᠢ ᠭᠠᠷ ᠢ ᠨᠢ ᠳᠠᠯᠠᠢ ᠳᠡᠭᠡᠭᠦᠷ ᠪᠠᠷᠠᠭᠤᠨ ᠭᠠᠷ ᠢ ᠨᠢ ᠭᠣᠣᠯ ᠮᠥᠷᠡᠨ ᠳᠡᠭᠡᠭᠦᠷ ᠰᠤᠩ᠋ᠭᠠᠯᠭᠠᠨᠠ᠃
26 ᠲᠡᠷᠡ ᠨᠠᠮᠠᠶᠢ 《ᠲᠠ ᠪᠣᠯ ᠮᠢᠨᠦ ᠡᠴᠢᠭᠡ ᠮᠢᠨᠦ ᠪᠤᠷᠬᠠᠨ᠂ ᠮᠢᠨᠦ ᠠᠪᠤᠷᠠᠯ ᠤᠨ ᠬᠠᠳᠠ》 ᠭᠡᠵᠦ ᠳᠠᠭᠤᠳᠠᠬᠤ ᠪᠥᠭᠡᠳ
27 ᠪᠢ ᠮᠥᠨ ᠲᠡᠭᠦᠨ ᠢ ᠤᠤᠭᠠᠨ ᠬᠦᠦ᠂ ᠭᠠᠵᠠᠷ ᠤᠨ ᠬᠠᠭᠠᠳ ᠤᠨ ᠬᠠᠮᠤᠭ ᠤᠨ ᠳᠡᠭᠡᠳᠦ ᠪᠣᠯᠭᠠᠨᠠ᠃
28 ᠮᠢᠨᠦ ᠦᠨᠡᠨ ᠬᠠᠢᠷᠠ ᠬᠡᠵᠢᠶᠡᠳᠡ ᠲᠡᠭᠦᠨ ᠲᠡᠢ ᠬᠠᠮᠲᠤ ᠪᠠᠢᠵᠤ ᠪᠠᠢᠵᠤ ᠭᠡᠷᠡ ᠮᠢᠨᠢ ᠲᠡᠭᠦᠨ ᠳᠦ ᠪᠠᠲᠤ ᠪᠠᠢᠬᠤ ᠪᠣᠯᠣᠨᠠ᠃
29 ᠪᠢ ᠦᠷᠡ ᠤᠳᠤᠮ ᠢ ᠨᠢ ᠡᠭᠦᠷᠢᠳᠡ ᠲᠣᠭᠲᠠᠭᠠᠨ ᠰᠡᠨᠲᠢ ᠶᠢᠨ ᠬᠢᠨᠢ ᠡᠳᠦᠷ ᠤᠳ ᠢ ᠲᠩᠷᠢ ᠶᠢᠨ ᠡᠳᠦᠷ ᠤᠳ ᠮᠡᠲᠦ ᠪᠣᠯᠭᠠᠨᠠ᠃
30 ᠬᠡᠷᠪᠡ ᠲᠡᠭᠦᠨ ᠦ ᠬᠥᠪᠡᠭᠦᠳ ᠬᠠᠤᠯᠢ ᠶᠢ ᠮᠢᠨᠢ ᠣᠷᠬᠢᠵᠤ ᠵᠢᠷᠤᠮ ᠢ ᠮᠢᠨᠢ ᠳᠠᠭᠠᠬᠤ ᠦᠭᠡᠢ ᠪᠣᠯ᠂
31 ᠬᠡᠷᠪᠡ ᠲᠡᠳᠡ ᠲᠣᠭᠲᠠᠭᠠᠯ ᠤᠳ ᠢ ᠮᠢᠨᠢ ᠵᠥᠷᠢᠴᠡᠵᠦ ᠲᠤᠰᠢᠶᠠᠯ ᠢ ᠮᠢᠨᠢ ᠰᠠᠬᠢᠬᠤ ᠦᠭᠡᠢ ᠪᠣᠯ᠂
32 ᠪᠢ ᠲᠡᠳᠡᠨ ᠦ ᠨᠢᠭᠦᠯ ᠢ ᠰᠢᠳᠠᠮ ᠢᠶᠠᠷ ᠲᠡᠳᠡᠨ ᠦ ᠭᠡᠮ ᠢ ᠲᠠᠰᠢᠭᠤᠷ ᠢᠶᠠᠷ ᠰᠢᠳᠬᠡᠬᠦ ᠪᠣᠯᠪᠠᠴᠤ
33 ᠦᠨᠡᠨ ᠬᠠᠢᠷᠠ ᠪᠠᠨ ᠲᠡᠳᠡᠨ ᠡᠴᠡ ᠰᠠᠯᠭᠠᠬᠤ ᠦᠭᠡᠢ ᠢᠲᠡᠭᠡᠮᠵᠢᠲᠠᠢ ᠪᠠᠢᠳᠠᠯ ᠠᠴᠠ ᠪᠠᠨ ᠬᠠᠵᠠᠢᠬᠤ ᠦᠭᠡᠢ᠃
34 ᠪᠢ ᠭᠡᠷᠡ ᠪᠡᠨ ᠵᠥᠷᠢᠴᠡᠬᠦ ᠦᠭᠡᠢ ᠠᠮᠠ ᠭᠠᠷᠤᠭᠰᠠᠨ ᠢᠶᠠᠨ ᠥᠭᠡᠷᠡᠴᠢᠯᠡᠬᠦ ᠦᠭᠡᠢ᠃
35 ᠪᠢ ᠠᠷᠢᠭᠤᠨ ᠪᠠᠢᠳᠠᠯ ᠢᠶᠠᠷ ᠢᠶᠠᠨ ᠨᠢᠭᠡᠨᠲᠡ ᠲᠠᠩ᠋ᠭᠠᠷᠢᠭᠯᠠᠭᠰᠠᠨ᠄ ᠪᠢ ᠳ᠋ᠠᠸᠢᠳ᠋ ᠲᠤ ᠬᠤᠳᠠᠯ ᠬᠡᠯᠡᠬᠦ ᠦᠭᠡᠢ᠃
36 ᠲᠡᠭᠦᠨ ᠦ ᠦᠷᠡ ᠤᠳᠤᠮ ᠮᠥᠩᠬᠡᠳᠡ ᠪᠠᠢᠭᠰᠠᠭᠠᠷ ᠲᠡᠭᠦᠨ ᠦ ᠰᠡᠨᠲᠢ ᠮᠢᠨᠦ ᠡᠮᠦᠨᠡ ᠨᠠᠷᠠ ᠮᠡᠲᠦ
37 ᠣᠭᠲᠠᠷᠭᠤᠢ ᠶᠢᠨ ᠢᠲᠡᠭᠡᠮᠵᠢᠲᠦ ᠭᠡᠷᠡᠴᠢ ᠰᠠᠷᠠ ᠮᠡᠲᠦ ᠡᠭᠦᠷᠢᠳᠡ ᠮᠥᠩᠬᠡ ᠲᠣᠭᠲᠠᠬᠤ ᠪᠣᠯᠣᠨᠠ》 ᠭᠡᠪᠡ᠃
ᠰᠧᠯᠠ
38 ᠬᠠᠷᠢᠨ ᠲᠠ ᠲᠣᠰᠣᠯᠠᠭᠰᠠᠨ ᠨᠢᠭᠡᠨ ᠳᠡᠭᠡᠨ ᠠᠭᠤᠷᠯᠠᠵᠤ ᠲᠡᠭᠦᠨ ᠢ ᠣᠭᠣᠷᠴᠤ ᠬᠠᠶᠠᠪᠠ᠃
39 ᠲᠠ ᠵᠠᠷᠤᠴᠠ ᠲᠠᠢ ᠪᠠᠨ ᠪᠠᠢᠭᠤᠯᠤᠭᠰᠠᠨ ᠭᠡᠷᠡ ᠪᠡᠨ ᠵᠢᠭ᠍ᠰᠢᠨ ᠲᠢᠲᠢᠮ ᠢ ᠨᠢ ᠰᠢᠷᠣᠢ ᠳᠤ ᠪᠤᠵᠠᠷᠯᠠᠵᠤ
40 ᠪᠦᠬᠦ ᠬᠡᠷᠡᠮ ᠢ ᠨᠢ ᠨᠤᠷᠠᠭᠠᠨ ᠪᠡᠬᠢᠯᠡᠯᠲᠡ ᠨᠦᠭᠦᠳ ᠢ ᠨᠢ ᠪᠠᠯᠭᠠᠰᠤ ᠪᠣᠯᠭᠠᠪᠠ᠃
41 ᠵᠠᠮ ᠢᠶᠠᠷ ᠥᠩᠭᠡᠷᠡᠭᠴᠢ ᠪᠦᠬᠦᠨ ᠲᠡᠭᠦᠨ ᠢ ᠲᠣᠨᠣᠵᠤ ᠲᠡᠷᠡ ᠬᠥᠷᠰᠢ ᠨᠦᠭᠦᠳ ᠦᠨ ᠢᠶᠠᠨ ᠳᠣᠭᠣᠭᠢ ᠪᠣᠯᠣᠯᠠ᠃
42 ᠲᠠ ᠥᠰᠲᠡᠨ ᠨᠦᠭᠦᠳ ᠦᠨ ᠬᠢᠨᠢ ᠪᠠᠷᠠᠭᠤᠨ ᠭᠠᠷ ᠢ ᠡᠷᠭᠦᠮᠵᠢᠯᠡᠵᠦ ᠪᠦᠬᠦ ᠳᠠᠢᠰᠤᠨ ᠢ ᠨᠢ ᠪᠠᠶᠠᠷᠯᠠᠭᠤᠯᠤᠭᠰᠠᠨ᠃
43 ᠲᠠ ᠲᠡᠭᠦᠨ ᠦ ᠢᠯᠳᠦᠨ ᠦ ᠢᠷ ᠢ ᠮᠣᠬᠣᠭᠠᠵᠤ ᠲᠡᠭᠦᠨ ᠢ ᠲᠤᠯᠤᠯᠳᠤᠭᠠᠨ ᠳᠤ ᠳᠡᠮᠵᠢᠭᠰᠡᠨ ᠦᠭᠡᠢ᠃
44 ᠲᠠ ᠰᠦᠷ ᠵᠢᠪᠬᠤᠭᠠ ᠶᠢ ᠨᠢ ᠳᠠᠭᠤᠰᠬᠠᠵᠤ ᠰᠡᠨᠲᠢ ᠶᠢ ᠨᠢ ᠭᠠᠵᠠᠷ ᠲᠤ ᠰᠢᠳᠡᠪᠡ᠂
45 ᠢᠳᠡᠷ ᠵᠠᠯᠠᠭᠤ ᠨᠠᠰᠤᠨ ᠤ ᠬᠢᠨᠢ ᠡᠳᠦᠷ ᠤᠳ ᠢ ᠪᠣᠭᠣᠨᠢᠰᠬᠠᠵᠤ ᠢᠴᠢᠭᠦᠷᠢ ᠶᠢ ᠲᠡᠭᠦᠨ ᠳᠦ ᠨᠥᠮᠥᠷᠭᠡᠭᠰᠡᠨ᠃
ᠰᠧᠯᠠ
46 ᠶᠣᠬᠣᠸᠠ᠂ ᠬᠡᠳᠦᠢ ᠪᠣᠯᠲᠠᠯᠠ ᠪᠤᠢ︖ ᠡᠭᠦᠷᠢᠳᠡ ᠲᠠ ᠥᠪᠡᠷ ᠢ ᠪᠠᠨ ᠨᠢᠭᠤᠬᠤ ᠤᠤ︖ ᠠᠭᠤᠷ ᠬᠢᠯᠢᠩ ᠲᠠᠨᠢ ᠭᠠᠯ ᠮᠡᠲᠦ ᠰᠢᠲᠠᠬᠤ ᠤᠤ︖
47 ᠠᠮᠢᠳᠤᠷᠠᠯ ᠤᠨ ᠮᠢᠨᠢ ᠬᠡᠴᠢᠨᠡᠨ ᠤᠬᠤᠷ ᠢ ᠰᠠᠨᠠᠭᠠᠴᠢ ᠬᠥᠮᠦᠨ ᠦ ᠬᠥᠪᠡᠭᠦᠳ ᠢ ᠲᠠ ᠶᠠᠭᠤᠲᠠᠢ ᠬᠣᠭᠣᠰᠣᠨ ᠪᠦᠲᠦᠭᠡᠭᠡ ᠪᠤᠢ︕
48 ᠦᠬᠦᠯ ᠢ ᠦᠵᠡᠯ ᠦᠭᠡᠢ ᠠᠮᠢᠳᠤᠷᠠᠵᠤ ᠴᠢᠳᠠᠬᠤ ᠬᠡᠨ ᠪᠠᠢᠬᠤ ᠪᠤᠢ︖ ᠦᠬᠦᠭᠰᠡᠳ ᠦᠨ ᠣᠷᠣᠨ ᠤ ᠭᠠᠷ ᠠᠴᠠ ᠬᠥᠮᠦᠨ ᠠᠮᠢ ᠪᠠᠨ ᠠᠪᠤᠷᠠᠵᠤ ᠴᠢᠳᠠᠬᠤ ᠤᠤ︖
ᠰᠧᠯᠠ
49 ᠥ᠂ ᠡᠵᠡᠨ᠂ ᠢᠲᠡᠭᠡᠮᠵᠢᠲᠦ ᠪᠠᠢᠳᠠᠯ ᠢᠶᠠᠷ ᠢᠶᠠᠨ ᠳ᠋ᠠᠸᠢᠳ᠋ ᠲᠤ ᠲᠠᠩ᠋ᠭᠠᠷᠢᠭᠯᠠᠭᠰᠠᠨ ᠤᠷᠢᠳᠤ ᠶᠢᠨ ᠦᠨᠡᠨ ᠬᠠᠢᠷᠠ ᠲᠠᠨᠢ ᠬᠠᠮᠢᠭᠠ ᠪᠠᠢᠨᠠ ᠪᠤᠢ︖
50 ᠡᠵᠡᠨ᠂ ᠵᠠᠷᠤᠴᠠ ᠨᠠᠷ ᠤᠨ ᠢᠶᠠᠨ ᠠᠮᠰᠠᠭᠰᠠᠨ ᠳᠣᠷᠣᠮᠵᠢᠯᠠᠯ ᠢ ᠰᠠᠨᠠᠭᠠᠴᠢ ᠠᠯᠢᠪᠠ ᠦᠨᠳᠦᠰᠦᠲᠡᠨ ᠦ ᠲᠣᠬᠣᠭᠤᠷᠬᠠᠯ ᠡᠪᠦᠷ ᠳᠡᠭᠡᠷᠡ ᠮᠢᠨᠢ ᠪᠠᠢᠨᠠ᠃
51 ᠶᠣᠬᠣᠸᠠ᠂ ᠲᠠᠨ ᠤ ᠳᠠᠢᠰᠤᠨ ᠨᠤᠭᠤᠳ ᠳᠣᠷᠣᠮᠵᠢᠯᠠᠭᠰᠠᠨ ᠲᠠᠨ ᠤ ᠲᠣᠰᠣᠯᠠᠭᠰᠠᠨ ᠨᠢᠭᠡᠨ ᠦ ᠠᠯᠬᠤᠮ ᠪᠦᠷᠢ ᠶᠢ ᠳᠣᠷᠣᠮᠵᠢᠯᠠᠭᠰᠠᠨ᠃
52 ᠶᠣᠬᠣᠸᠠ ᠮᠥᠩᠬᠡᠳᠡ ᠮᠠᠭᠲᠠᠭᠳᠠᠬᠤ ᠪᠣᠯᠲᠤᠭᠠᠢ︕ ᠠᠮᠧᠨ᠂ ᠠᠮᠧᠨ᠃