ᠳᠠᠭᠤᠯᠠᠯ ᠵᠠᠭᠤ ᠶᠢᠰᠦ
ᠲᠡᠷᠰᠯᠡᠭᠴᠢᠳ ᠡᠴᠡ ᠥᠰᠢᠶᠡ ᠠᠪᠤᠭᠠᠴᠢ
ᠳ᠋ᠠᠸᠢᠳ᠋ ᠤᠨ ᠳᠠᠭᠤᠯᠠᠯ᠂ ᠨᠠᠢᠷᠠᠯ ᠳᠠᠭᠤᠤ ᠶᠢᠨ ᠤᠳᠤᠷᠢᠳᠤᠭᠠᠴᠢ ᠳᠤ᠃
1 ᠮᠢᠨᠦ ᠮᠠᠭᠲᠠᠭᠠᠯ ᠤᠨ ᠪᠤᠷᠬᠠᠨ ᠪᠦᠦ ᠨᠠᠮ ᠭᠦᠮ ᠪᠠᠢᠭᠠᠴᠢ᠃
2 ᠬᠣᠷᠣᠨ ᠮᠠᠭᠤ᠂ ᠪᠠᠴᠢᠲᠤ ᠬᠥᠮᠦᠰ ᠮᠢᠨᠦ ᠡᠰᠡᠷᠭᠦ ᠠᠮᠠ ᠪᠠᠨ ᠠᠩ᠋ᠭᠠᠢᠪᠠ᠂ ᠲᠡᠳᠡ ᠬᠤᠳᠠᠯᠴᠢ ᠬᠡᠯᠡ ᠪᠡᠷ ᠢᠶᠠᠨ ᠮᠢᠨᠦ ᠡᠰᠡᠷᠭᠦ ᠶᠠᠷᠢᠨ
3 ᠬᠣᠣᠷᠲᠤ ᠦᠭᠡᠰ ᠢᠶᠡᠷ ᠨᠠᠮᠠᠶᠢ ᠬᠦᠷᠢᠶᠡᠯᠡᠵᠦ ᠰᠢᠯᠲᠠᠭᠠᠨ ᠦᠭᠡᠢ ᠪᠠᠷ ᠨᠠᠮᠠᠶᠢ ᠳᠠᠭᠠᠷᠢᠳᠠᠭ᠃
4 ᠬᠠᠢᠷᠠ ᠶᠢᠨ ᠮᠢᠨᠢ ᠬᠠᠷᠢᠭᠤ ᠳᠤ ᠲᠡᠳᠡ ᠨᠠᠮᠠᠶᠢ ᠳᠠᠢᠰᠤᠩᠨᠠᠵᠤ ᠪᠠᠢᠨᠠ᠂ ᠬᠠᠷᠢᠨ ᠪᠢ ᠳᠠᠭᠠᠳᠬᠠᠭᠰᠠᠭᠠᠷ ᠪᠠᠢᠨᠠ
5 ᠲᠡᠳᠡ ᠰᠠᠢᠨ ᠢ ᠮᠢᠨᠢ ᠮᠠᠭᠤ ᠪᠠᠷ ᠬᠠᠢᠷᠠ ᠶᠢ ᠮᠢᠨᠢ ᠬᠣᠷᠣᠰᠣᠯ ᠢᠶᠠᠷ ᠬᠠᠷᠢᠭᠤᠯᠳᠠᠭ᠃
6 ᠲᠡᠭᠦᠨ ᠦ ᠳᠡᠭᠡᠷᠡ ᠪᠤᠷᠤᠭᠤᠲᠠᠨ ᠢ ᠲᠣᠮᠢᠯᠠᠭᠠᠴᠢ ᠲᠡᠭᠦᠨ ᠦ ᠪᠠᠷᠠᠭᠤᠨ ᠲᠠᠯᠠ ᠳᠤ ᠪᠤᠷᠤᠭᠤᠰᠢᠶᠠᠭᠴᠢ ᠶᠢ ᠵᠣᠭᠰᠣᠭᠠᠭᠠᠴᠢ᠂
7 ᠲᠡᠷᠡ ᠰᠢᠭᠦᠭᠳᠡᠬᠦ ᠳᠦ ᠪᠤᠷᠤᠭᠤ ᠨᠢ ᠢᠯᠡᠷᠡᠭ ᠲᠡᠭᠦᠨ ᠦ ᠳᠠᠭᠠᠳᠬᠠᠯ ᠴᠤ ᠨᠢᠭᠦᠯ ᠭᠡᠵᠦ ᠲᠣᠭᠠᠴᠠᠭᠳᠠᠭ᠂
8 ᠡᠳᠦᠷ ᠤᠳ ᠨᠢ ᠴᠥᠭᠡᠷᠡᠭ ᠲᠤᠰᠢᠶᠠᠯ ᠢ ᠨᠢ ᠥᠭᠡᠷᠡ ᠬᠥᠮᠦᠨ ᠠᠪᠤᠭ
9 ᠬᠡᠦᠬᠡᠳ ᠤᠳ ᠨᠢ ᠥᠨᠥᠴᠢᠨ ᠭᠡᠷᠭᠡᠢ ᠨᠢ ᠪᠡᠯᠪᠡᠰᠦᠨ ᠪᠣᠯᠣᠭ
10 ᠬᠡᠦᠬᠡᠳ ᠤᠳ ᠨᠢ ᠨᠤᠷᠠᠭᠰᠠᠨ ᠭᠡᠷ ᠡᠴᠡ ᠪᠡᠨ ᠬᠥᠭᠡᠭᠡᠭᠳᠡᠭᠡᠳ ᠬᠡᠰᠦᠨ ᠲᠡᠨᠦᠵᠦ ᠭᠤᠢᠷᠠᠨᠴᠢᠯᠠᠭ
11 ᠪᠠᠢᠭᠠ ᠪᠦᠬᠦᠨ ᠢ ᠨᠢ ᠵᠢᠭᠡᠯᠡᠭᠦᠯᠦᠭᠴᠢ ᠬᠥᠮᠦᠨ ᠪᠤᠯᠢᠶᠠᠭ ᠬᠤᠷᠢᠶᠠᠭᠰᠠᠨ ᠬᠥᠷᠥᠩᠭᠡ ᠶᠢ ᠨᠢ ᠭᠠᠳᠠᠨᠠ ᠶᠢᠨ ᠬᠥᠮᠦᠰ ᠲᠣᠨᠣᠭ
12 ᠲᠡᠭᠦᠨ ᠳᠦ ᠡᠨᠡᠷᠢᠯ ᠬᠦᠷᠲᠡᠭᠡᠬᠦ ᠬᠥᠮᠦᠨ ᠠᠯᠠᠭᠠ ᠪᠠᠢᠭ ᠥᠨᠥᠴᠢᠨ ᠬᠡᠦᠬᠡᠳ ᠤᠳ ᠢ ᠨᠢ ᠥᠷᠥ ᠡᠪᠡᠳᠬᠦ ᠬᠥᠮᠦᠨ ᠦᠭᠡᠢ ᠪᠠᠢᠭ
13 ᠦᠷᠡ ᠨᠢ ᠲᠠᠰᠤᠷᠠᠭ ᠬᠣᠢᠴᠢ ᠦᠶᠡ ᠶᠢᠨ ᠬᠢᠨ ᠳᠤ ᠲᠡᠳᠡᠨ ᠦ ᠨᠡᠷᠡ ᠪᠠᠯᠠᠯᠤᠭᠳᠠᠭ᠃
14 ᠡᠴᠢᠭᠡ ᠡᠪᠦᠭᠡᠳ ᠦᠨ ᠬᠢᠨᠢ ᠭᠡᠮ ᠶᠣᠬᠣᠸᠠ ᠶᠢᠨ ᠡᠮᠦᠨᠡ ᠰᠠᠨᠠᠭᠳᠠᠭ ᠡᠬᠡ ᠶᠢᠨ ᠬᠢᠨᠢ ᠨᠢᠭᠦᠯ ᠪᠦᠦ ᠪᠠᠯᠠᠯᠤᠭᠳᠠᠭ
15 ᠲᠡᠳᠡᠭᠡᠷ ᠨᠢ ᠶᠣᠬᠣᠸᠠ ᠶᠢᠨ ᠡᠮᠦᠨᠡ ᠢᠮᠠᠭᠲᠠ ᠪᠠᠢᠵᠤ ᠳᠤᠷᠠᠰᠤᠮᠵᠢ ᠨᠢ ᠳᠡᠯᠡᠬᠡᠢ ᠡᠴᠡ ᠲᠠᠰᠤᠷᠠᠭ᠃
16 ᠤᠴᠢᠷ ᠨᠢ ᠲᠡᠷᠡ ᠡᠨᠡᠷᠢᠯ ᠦᠵᠡᠭᠦᠯᠬᠦ ᠶᠢ ᠤᠮᠠᠷᠲᠠᠨ ᠵᠦᠳᠡᠷᠡᠭᠴᠢ ᠪᠣᠯᠣᠨ ᠭᠠᠴᠢᠭᠳᠠᠭᠴᠢ ᠶᠢ ᠵᠣᠷᠢᠭ ᠠᠯᠳᠠᠷᠠᠭᠴᠢ ᠶᠢ ᠦᠬᠦᠲᠡᠯᠡ ᠨᠢ ᠬᠠᠪᠴᠢᠵᠠᠢ᠂
17 ᠬᠠᠷᠢᠶᠠᠯ ᠳᠤ ᠳᠤᠷᠠᠲᠠᠢ᠂ ᠬᠠᠷᠢᠶᠠᠯ ᠥᠪᠡᠷ ᠳᠡᠭᠡᠷᠡ ᠨᠢ ᠪᠠᠭᠤᠪᠠ ᠢᠷᠥᠭᠡᠯ ᠳᠦ ᠳᠤᠷᠠ ᠦᠭᠡᠢ᠂ ᠢᠷᠥᠭᠡᠯ ᠥᠪᠡᠷ ᠡᠴᠡ ᠨᠢ ᠬᠣᠯᠠᠳᠠᠪᠠ᠃
18 ᠬᠤᠪᠴᠠᠰᠤ ᠪᠣᠯᠭᠠᠨ ᠡᠮᠦᠰᠳᠡᠭ ᠬᠠᠷᠢᠶᠠᠯ ᠨᠢ ᠥᠪᠡᠷ ᠦᠨ ᠬᠢᠨᠢ ᠳᠣᠲᠣᠷᠠ ᠤᠰᠤ ᠰᠢᠭ᠋ ᠥᠪᠡᠷ ᠦᠨ ᠬᠢᠨᠢ ᠶᠠᠰᠤᠨ ᠳᠤ ᠲᠣᠰᠣ ᠰᠢᠭ᠋ ᠰᠢᠩᠭᠡᠭ᠃
19 ᠲᠡᠷᠡ ᠬᠦ ᠬᠠᠷᠢᠶᠠᠯ ᠨᠢ ᠥᠪᠡᠷ ᠦᠨ ᠬᠢᠨᠢ ᠨᠥᠮᠥᠷᠳᠡᠭ ᠳᠡᠪᠡᠯ ᠦᠷᠭᠦᠯᠵᠢ ᠪᠦᠰᠡᠯᠡᠳᠡᠭ ᠪᠦᠰᠡ ᠨᠢ ᠮᠡᠲᠦ ᠪᠣᠯᠣᠭ᠂
20 ᠨᠠᠮᠠᠶᠢ ᠳᠠᠢᠰᠤᠩᠨᠠᠭᠴᠢᠳ ᠨᠠᠮᠠᠶᠢ ᠮᠠᠭᠤᠯᠠᠨ ᠶᠠᠷᠢᠭᠴᠢᠳ ᠤᠨ ᠶᠣᠬᠣᠸᠠ ᠠᠴᠠ ᠬᠦᠯᠢᠶᠡᠬᠦ ᠬᠠᠷᠢᠭᠤ ᠨᠢ ᠡᠨᠡ᠃
21 ᠬᠠᠷᠢᠨ ᠡᠵᠡᠨ ᠶᠣᠬᠣᠸᠠ ᠲᠠ ᠨᠠᠳᠠ ᠳᠤ ᠥᠪᠡᠷ ᠦᠨ ᠢᠶᠠᠨ ᠨᠡᠷᠡ ᠶᠢᠨ ᠲᠥᠯᠥᠭᠡ ᠦᠢᠯᠡᠳᠦᠭᠡᠴᠢ ᠬᠠᠢᠷᠠ ᠡᠨᠡᠷᠢᠯ ᠲᠠᠨᠢ ᠰᠠᠢᠨ᠂ ᠨᠠᠮᠠᠶᠢ ᠭᠡᠲᠦᠯᠭᠡᠭᠡᠴᠢ᠂
22 ᠪᠢ ᠵᠦᠳᠡᠷᠡᠵᠦ᠂ ᠭᠠᠴᠢᠭᠳᠠᠭᠰᠠᠨ ᠵᠢᠷᠦᠬᠡ ᠰᠡᠳᠬᠢᠯ ᠮᠢᠨᠢ ᠰᠢᠷᠬᠠᠲᠤᠭᠰᠠᠨ᠃
23 ᠪᠢ ᠤᠷᠲᠤᠰᠴᠤ ᠪᠤᠢ ᠰᠡᠭᠦᠳᠡᠷ ᠮᠡᠲᠦ ᠣᠳᠴᠤ ᠴᠠᠷᠴᠠᠬᠠᠢ ᠮᠡᠲᠦ ᠭᠦᠪᠢᠭᠳᠡᠵᠦ ᠪᠠᠢᠨᠠ᠃
24 ᠪᠠᠴᠠᠭ ᠠᠴᠠ ᠪᠣᠯᠵᠤ ᠡᠪᠦᠳᠦᠭ ᠮᠢᠨᠢ ᠰᠤᠯᠠᠷᠠᠨ ᠮᠢᠬᠠᠨ ᠪᠡᠶᠡ ᠮᠢᠨᠢ ᠥᠭᠡᠬᠦ ᠦᠭᠡᠢ ᠲᠤᠷᠠᠭᠰᠠᠨ᠃
25 ᠪᠢ ᠲᠡᠳᠡᠨ ᠳᠦ ᠰᠢᠪᠰᠢᠭ ᠪᠣᠯᠣᠭᠰᠠᠨ ᠨᠠᠮᠠᠶᠢ ᠬᠠᠷᠠᠭᠴᠢᠳ ᠲᠣᠯᠣᠭᠠᠢ ᠪᠠᠨ ᠰᠡᠭᠰᠦᠷᠴᠦ ᠪᠠᠢᠨᠠ᠂
26 ᠮᠢᠨᠦ ᠪᠤᠷᠬᠠᠨ ᠶᠣᠬᠣᠸᠠ᠂ ᠨᠠᠳᠠ ᠳᠤ ᠲᠤᠰᠠᠯᠠᠭᠠᠴᠢ ᠡᠨᠡᠷᠢᠯ ᠢᠶᠠᠷ ᠢᠶᠠᠨ ᠨᠠᠮᠠᠶᠢ ᠠᠪᠤᠷᠠᠭᠠᠴᠢ᠃
27 ᠲᠠᠨ ᠤ ᠮᠤᠲᠤᠷ ᠡᠨᠡ᠂ ᠶᠣᠬᠣᠸᠠ ᠲᠠ ᠡᠭᠦᠨ ᠢ ᠦᠢᠯᠡᠳᠦᠭᠰᠡᠨ ᠢ ᠲᠡᠳᠡ ᠮᠡᠳᠡᠭ᠃
28 ᠲᠡᠳᠡ ᠬᠠᠷᠢᠶᠠᠳᠠᠭ᠂ ᠬᠠᠷᠢᠨ ᠲᠠ ᠢᠷᠥᠭᠡᠬᠦ ᠪᠣᠯᠣᠨᠠ ᠲᠡᠳᠡ ᠪᠣᠰᠬᠤ ᠭᠡᠰᠡᠨ ᠴᠤ ᠰᠢᠪᠰᠢᠭ ᠪᠣᠯᠣᠨᠠ᠂ ᠬᠠᠷᠢᠨ ᠲᠠᠨ ᠤ ᠵᠠᠷᠤᠴᠠ ᠪᠠᠶᠠᠷᠯᠠᠬᠤ ᠪᠣᠯᠣᠨᠠ᠃
29 ᠨᠠᠮᠠᠶᠢ ᠳᠠᠢᠰᠤᠩᠨᠠᠭᠴᠢᠳ ᠢᠴᠢᠭᠦᠷᠢ ᠪᠠᠷ ᠬᠤᠪᠴᠠᠰᠤᠯᠠᠭ ᠥᠪᠡᠷᠰᠡᠳ ᠦᠨ ᠢᠶᠠᠨ ᠰᠢᠪᠰᠢᠭ ᠢ ᠨᠥᠮᠥᠷᠥᠭ᠃
30 ᠠᠮᠠ ᠮᠢᠨᠢ ᠶᠣᠬᠣᠸᠠ ᠳᠤ ᠶᠡᠬᠡᠪᠡᠷ ᠲᠠᠯᠠᠷᠬᠠᠵᠤ ᠣᠯᠠᠨ ᠤ ᠳᠤᠮᠳᠠ ᠲᠡᠭᠦᠨ ᠢ ᠮᠠᠭᠲᠠᠨ᠄
31 《ᠲᠡᠷᠡ ᠪᠡᠷ ᠭᠠᠴᠢᠭᠳᠠᠭᠰᠠᠨ ᠬᠥᠮᠦᠨ ᠦ ᠪᠠᠷᠠᠭᠤᠨ ᠲᠠᠯᠠ ᠳᠤ ᠵᠣᠭᠰᠣᠵᠤ ᠠᠮᠢ ᠶᠢ ᠨᠢ ᠪᠤᠷᠤᠭᠤᠰᠢᠶᠠᠭᠴᠢ ᠡᠴᠡ ᠠᠪᠤᠷᠠᠨᠠ》 ᠭᠡᠨᠡ᠃