ᠳᠠᠭᠤᠯᠠᠯ ᠵᠠᠭᠤ ᠳᠥᠴᠢ
ᠰᠦᠷᠳᠡᠭᠦᠯᠦᠭᠴᠢ ᠡᠴᠡ ᠬᠠᠮᠠᠭᠠᠯᠠᠭᠠᠴᠢ
ᠳ᠋ᠠᠸᠢᠳ᠋ ᠤᠨ ᠳᠠᠭᠤᠯᠠᠯ᠂ ᠨᠠᠢᠷᠠᠯ ᠳᠠᠭᠤᠤ ᠶᠢᠨ ᠤᠳᠤᠷᠢᠳᠤᠭᠠᠴᠢ ᠳᠤ᠃
1 ᠶᠣᠬᠣᠸᠠ᠂ ᠨᠠᠮᠠᠶᠢ ᠬᠣᠷᠣᠨ ᠮᠠᠭᠤ ᠬᠥᠮᠦᠨ ᠡᠴᠡ ᠲᠠᠲᠠᠨ ᠠᠪᠤᠭᠠᠴᠢ ᠬᠦᠴᠦᠷᠬᠡᠭᠯᠡᠭᠴᠢᠳ ᠡᠴᠡ ᠬᠠᠮᠠᠭᠠᠯᠠᠭᠠᠴᠢ᠂
2 ᠲᠡᠳᠡ ᠵᠢᠷᠦᠬᠡᠨ ᠳᠡᠭᠡᠨ ᠮᠠᠭᠤ ᠶᠢ ᠰᠡᠳᠦᠨ ᠡᠳᠦᠷ ᠪᠦᠷᠢ ᠳᠠᠢᠨ ᠥᠳᠥᠭᠡᠳᠡᠭ᠂
3 ᠲᠡᠳᠡ ᠬᠡᠯᠡ ᠪᠡᠨ ᠮᠣᠭᠠᠢ ᠶᠢᠨ ᠬᠢ ᠮᠡᠲᠦ ᠢᠷᠯᠡᠳᠡᠭ ᠣᠷᠣᠭᠤᠯ ᠳᠣᠣᠷᠠ ᠨᠢ ᠬᠣᠣᠷᠲᠤ ᠮᠣᠭᠠᠢ ᠶᠢᠨ ᠬᠣᠣᠷ ᠪᠤᠢ᠃
ᠰᠧᠯᠠ
4 ᠶᠣᠬᠣᠸᠠ᠂ ᠨᠠᠮᠠᠶᠢ ᠪᠤᠷᠤᠭᠤᠲᠠᠨ ᠤ ᠭᠠᠷ ᠠᠴᠠ ᠬᠠᠮᠠᠭᠠᠯᠠᠭᠠᠴᠢ᠂ ᠬᠥᠯ ᠢ ᠮᠢᠨᠢ ᠪᠦᠳᠦᠷᠢᠭᠦᠯᠬᠦ ᠪᠡᠷ ᠰᠡᠳᠦᠳᠡᠭ ᠬᠦᠴᠦᠷᠬᠡᠭᠯᠡᠭᠴᠢᠳ ᠡᠴᠡ ᠬᠠᠮᠠᠭᠠᠯᠠᠭᠠᠴᠢ᠂
5 ᠰᠠᠭᠰᠠᠭᠤᠷᠠᠭᠴᠢᠳ ᠮᠢᠨᠦ ᠡᠮᠦᠨᠡ ᠤᠷᠠᠬᠠ᠂ ᠬᠠᠪᠬᠠ ᠨᠢᠭᠤᠵᠤ ᠵᠠᠮ ᠤᠨ ᠬᠠᠵᠠᠭᠤ ᠳᠤ ᠲᠣᠣᠷ ᠲᠠᠲᠠᠭᠰᠠᠨ ᠮᠢᠨᠦ ᠡᠮᠦᠨᠡ ᠵᠠᠩ᠋ᠭᠤ ᠲᠠᠯᠪᠢᠭᠰᠠᠨ᠃
ᠰᠧᠯᠠ
6 ᠪᠢ ᠶᠣᠬᠣᠸᠠ ᠳᠤ᠄ 《ᠲᠠ ᠮᠢᠨᠦ ᠪᠤᠷᠬᠠᠨ᠂ ᠶᠣᠬᠣᠸᠠ ᠡ᠂ ᠭᠤᠶᠤᠯᠲᠠ ᠶᠢᠨ ᠳᠠᠭᠤᠨ ᠳᠤ ᠮᠢᠨᠢ ᠴᠢᠬᠢ ᠲᠠᠯᠪᠢᠭᠠᠴᠢ》 ᠭᠡᠰᠡᠨ᠂
7 ᠡᠵᠡᠨ ᠶᠣᠬᠣᠸᠠ᠂ ᠬᠦᠴᠦᠷᠬᠡᠭ ᠠᠪᠤᠷᠠᠭᠴᠢ ᠮᠢᠨᠢ ᠲᠤᠯᠤᠯᠳᠤᠭᠠᠨ ᠤ ᠡᠳᠦᠷ ᠲᠠ ᠲᠣᠯᠣᠭᠠᠢ ᠶᠢ ᠮᠢᠨᠢ ᠬᠠᠯᠬᠠᠯᠠᠳᠠᠭ᠂
8 ᠶᠣᠬᠣᠸᠠ᠂ ᠪᠤᠷᠤᠭᠤᠲᠠᠨ ᠤ ᠬᠦᠰᠡᠯ ᠢ ᠪᠦᠦ ᠵᠥᠪᠰᠢᠶᠡᠷᠡᠭᠡᠴᠢ ᠪᠠᠴᠢ ᠶᠢ ᠨᠢ ᠪᠦᠦ ᠪᠡᠶᠡᠯᠡᠭᠦᠯᠦᠭᠡᠴᠢ᠂ ᠲᠡᠳᠡ ᠣᠩᠭᠢᠷᠠᠬᠤ ᠪᠤᠢ᠃
ᠰᠧᠯᠠ
9 ᠨᠠᠮᠠᠶᠢ ᠪᠦᠰᠡᠯᠡᠭᠰᠡᠨ ᠬᠥᠮᠦᠰ ᠦᠨ ᠲᠣᠯᠣᠭᠠᠢ ᠣᠷᠣᠭᠤᠯ ᠢᠶᠠᠷ ᠢᠶᠠᠨ ᠭᠠᠷᠭᠠᠭᠰᠠᠨ ᠭᠠᠢ ᠳᠠᠭᠠᠨ ᠬᠤᠴᠢᠭᠳᠠᠵᠤ
10 ᠰᠢᠲᠠᠵᠤ ᠪᠤᠢ ᠨᠡᠭᠦᠷᠡᠰᠦ ᠲᠡᠳᠡᠨ ᠦ ᠳᠡᠭᠡᠷᠡ ᠪᠠᠭᠤᠭ᠂ ᠲᠡᠳᠡ ᠭᠠᠯ ᠤᠨ ᠳᠤᠮᠳᠠ᠂ ᠭᠠᠷᠴᠤ ᠴᠢᠳᠠᠬᠤ ᠪᠠᠷ ᠦᠭᠡᠢ ᠭᠦᠨ ᠨᠦᠬᠡᠨ ᠳᠦ ᠤᠨᠠᠭ᠂
11 ᠭᠦᠵᠢᠷᠯᠡᠭᠴᠢ ᠬᠡᠯᠡ ᠲᠠᠢ ᠨᠢ ᠭᠠᠵᠠᠷ ᠳᠡᠭᠡᠷᠡ ᠪᠦᠦ ᠲᠣᠭᠲᠠᠭ ᠬᠦᠴᠦᠷᠬᠡᠭᠯᠡᠭᠴᠢ ᠬᠥᠮᠦᠨ ᠵᠣᠪᠠᠯᠠᠩ ᠳᠤ ᠲᠠᠭᠤᠭᠳᠠᠵᠤ ᠤᠨᠠᠭ᠃
12 ᠶᠣᠬᠣᠸᠠ ᠶᠠᠳᠠᠭᠤ ᠶᠢ ᠥᠮᠥᠭᠯᠡᠵᠦ ᠦᠭᠡᠭᠦᠦ ᠶᠢᠨ ᠲᠥᠯᠥᠭᠡ ᠰᠢᠳᠤᠷᠭᠤ ᠶᠢ ᠭᠦᠢᠴᠡᠯᠳᠦᠭᠦᠯᠳᠡᠭ᠌ ᠢ ᠪᠢ ᠮᠡᠳᠡᠨᠡ᠃
13 ᠦᠨᠡᠬᠡᠷ ᠵᠥᠪᠲᠡᠨ ᠲᠠᠨ ᠤ ᠨᠡᠷᠡ ᠳᠦ ᠲᠠᠯᠠᠷᠬᠠᠵᠤ ᠴᠢᠭ᠍ᠴᠢ ᠬᠥᠮᠦᠨ ᠲᠠᠨ ᠤ ᠣᠷᠣᠰᠢᠬᠤᠢ ᠳᠤ ᠠᠮᠢᠳᠤᠷᠠᠨᠠ᠃