ᠳᠠᠭᠤᠯᠠᠯ ᠭᠤᠴᠢᠨ ᠭᠤᠷᠪᠠ
ᠠᠤᠭᠠ ᠬᠦᠴᠦᠲᠦ ᠨᠢᠭᠡᠨ ᠦ ᠲᠤᠰᠠᠯᠠᠮᠵᠢ
1 ᠵᠥᠪᠲᠦ ᠬᠥᠮᠦᠰ ᠡ᠂ ᠶᠣᠬᠣᠸᠠ ᠳᠣᠲᠣᠷᠠ ᠪᠠᠶᠠᠷᠯᠠᠨ ᠬᠠᠰᠬᠢᠷᠤᠭᠲᠤᠨ ᠰᠢᠳᠤᠷᠭᠤ ᠬᠥᠮᠦᠰ ᠮᠠᠭᠲᠠᠬᠤ ᠨᠢ ᠵᠣᠬᠢᠰᠲᠠᠢ᠃
2 ᠶᠠᠲᠤᠭᠠ ᠶᠢᠨ ᠡᠭᠡᠰᠢᠭ ᠢᠶᠠᠷ ᠶᠣᠬᠣᠸᠠ ᠳᠤ ᠲᠠᠯᠠᠷᠬᠠ ᠠᠷᠪᠠᠨ ᠤᠲᠠᠰᠤᠲᠤ ᠬᠥᠭᠵᠢᠮ ᠢᠶᠠᠷ ᠲᠡᠭᠦᠨ ᠳᠦ ᠠᠶᠠ ᠪᠡᠷᠢ᠃
3 ᠰᠢᠨᠡ ᠳᠠᠭᠤᠤ ᠶᠢ ᠲᠡᠭᠦᠨ ᠳᠦ ᠪᠠᠷᠢ ᠴᠢᠳᠠᠪᠤᠷᠢᠯᠢᠭ᠋ ᠢᠶᠠᠷ ᠴᠢᠪᠬᠠᠳᠠᠵᠤ ᠪᠠᠶᠠᠷᠯᠠᠨ ᠬᠠᠰᠬᠢᠷ᠂
4 ᠤᠴᠢᠷ ᠨᠢ ᠶᠣᠬᠣᠸᠠ ᠶᠢᠨ ᠦᠭᠡ ᠦᠨᠡᠨ ᠦᠢᠯᠡᠰ ᠪᠦᠬᠦᠨ ᠨᠢ ᠢᠲᠡᠭᠡᠮᠵᠢᠲᠠᠢ᠃
5 ᠶᠣᠬᠣᠸᠠ ᠵᠥᠪ ᠰᠢᠳᠤᠷᠭᠤ ᠶᠢ ᠬᠠᠢᠷᠠᠯᠠᠳᠠᠭ ᠭᠠᠵᠠᠷ ᠳᠡᠯᠡᠬᠡᠢ ᠦᠨᠡᠨ ᠬᠠᠢᠷᠠ ᠪᠠᠷ ᠨᠢ ᠳᠦᠭᠦᠷᠡᠩ᠃
6 ᠲᠩᠷᠢ ᠶᠣᠬᠣᠸᠠ ᠶᠢᠨ ᠦᠭᠡ ᠪᠡᠷ ᠪᠦᠲᠦᠭᠡᠭᠳᠡᠪᠡ ᠲᠦᠭ ᠲᠦᠮᠡᠨ ᠨᠢ ᠠᠮᠠᠨ ᠤ ᠬᠢᠨᠢ ᠠᠮᠢᠰᠬᠤᠯ ᠢᠶᠠᠷ ᠪᠤᠢ ᠪᠣᠯᠪᠠ᠃
7 ᠲᠡᠷᠡ ᠳᠠᠯᠠᠢ ᠶᠢᠨ ᠤᠰᠤ ᠶᠢ ᠳᠠᠯᠠᠩ ᠮᠡᠲᠦ ᠬᠤᠷᠢᠶᠠᠵᠤ ᠭᠦᠨ ᠦ ᠤᠰᠤ ᠶᠢ ᠬᠥᠮᠥᠷᠭᠡ ᠳᠦ ᠬᠤᠷᠠᠮᠳᠤᠯᠠᠭᠤᠯᠵᠤ ᠪᠠᠢᠳᠠᠭ᠃
8 ᠪᠦᠬᠦ ᠳᠡᠯᠡᠬᠡᠢ ᠶᠣᠬᠣᠸᠠ ᠠᠴᠠ ᠡᠮᠢᠶᠡᠭ ᠶᠢᠷᠲᠢᠨᠴᠦ ᠶᠢᠨ ᠰᠠᠭᠤᠭᠠᠯᠢᠴᠢᠳ ᠪᠦᠭᠦᠳᠡ ᠲᠡᠭᠦᠨ ᠡᠴᠡ ᠰᠦᠷᠳᠡᠭ᠃
9 ᠲᠡᠭᠦᠨ ᠦ ᠠᠢᠯᠠᠳᠤᠭᠰᠠᠨ ᠢᠶᠠᠷ ᠪᠡᠶᠡᠯᠡᠳᠡᠭ ᠲᠡᠭᠦᠨ ᠦ ᠲᠤᠰᠢᠶᠠᠭᠰᠠᠨ ᠢᠶᠠᠷ ᠲᠣᠭᠲᠠᠳᠠᠭ᠃
10 ᠶᠣᠬᠣᠸᠠ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠵᠥᠪᠯᠡᠯᠭᠡ ᠶᠢ ᠬᠣᠭᠣᠰᠣᠷᠠᠭᠤᠯᠵᠤ ᠶᠠᠰᠤᠲᠠᠨ ᠨᠤᠭᠤᠳ ᠤᠨ ᠲᠥᠯᠥᠪᠯᠡᠭᠡ ᠶᠢ ᠨᠤᠷᠠᠭᠠᠳᠠᠭ᠃
11 ᠶᠣᠬᠣᠸᠠ ᠶᠢᠨ ᠵᠥᠪᠯᠡᠯᠭᠡ ᠨᠢ ᠮᠥᠩᠬᠡᠳᠡ ᠵᠢᠷᠦᠬᠡᠨ ᠦ ᠬᠢᠨᠢ ᠲᠥᠯᠥᠪᠯᠡᠭᠡ ᠦᠶᠡ ᠶᠢᠨ ᠦᠶᠡ ᠳᠦ ᠲᠣᠭᠲᠠᠨᠠ᠃
12 ᠶᠣᠬᠣᠸᠠ ᠢᠶᠠᠷ ᠪᠤᠷᠬᠠᠨ ᠢᠶᠠᠨ ᠪᠣᠯᠭᠠᠭᠰᠠᠨ ᠦᠨᠳᠦᠰᠦᠲᠡᠨ ᠲᠡᠭᠦᠨ ᠳᠦ ᠰᠢᠯᠢᠭᠳᠡᠭᠰᠡᠨ᠂ ᠲᠡᠭᠦᠨ ᠦ ᠥᠮᠴᠢ ᠠᠷᠠᠳ ᠲᠦᠮᠡᠨ ᠪᠤᠶᠠᠨ ᠲᠠᠢ︕
13 ᠶᠣᠬᠣᠸᠠ ᠲᠩᠷᠢ ᠡᠴᠡ ᠠᠵᠢᠭᠯᠠᠳᠠᠭ ᠪᠦᠬᠦ ᠬᠥᠮᠦᠨ ᠦ ᠬᠥᠪᠡᠭᠦᠨ ᠢ ᠬᠠᠷᠠᠳᠠᠭ᠂
14 ᠵᠠᠯᠠᠷᠠᠨ ᠪᠠᠢᠭᠠ ᠭᠠᠵᠠᠷ ᠠᠴᠠ ᠪᠠᠨ ᠳᠡᠯᠡᠬᠡᠢ ᠶᠢᠨ ᠪᠦᠬᠦ ᠰᠠᠭᠤᠭᠠᠯᠢᠴᠢᠳ ᠤᠷᠤᠭᠤ ᠰᠢᠷᠲᠡᠳᠡᠭ᠃
15 ᠲᠡᠷᠡ ᠲᠡᠳᠡ ᠪᠦᠭᠦᠳᠡ ᠶᠢᠨ ᠵᠢᠷᠦᠬᠡ ᠶᠢ ᠬᠡᠯᠪᠡᠷᠢᠵᠢᠭᠦᠯᠦᠭᠰᠡᠨ ᠲᠡᠷᠡ ᠲᠡᠳᠡ ᠪᠦᠭᠦᠳᠡ ᠶᠢᠨ ᠦᠢᠯᠡᠰ ᠢ ᠠᠩᠵᠠᠭᠠᠷᠠᠵᠤ ᠪᠠᠢᠨᠠ᠃
16 ᠣᠯᠠᠨ ᠴᠡᠷᠢᠭ ᠢᠶᠠᠷ ᠬᠠᠭᠠᠨ ᠠᠪᠤᠷᠠᠭᠳᠠᠬᠤ ᠪᠢᠰᠢ ᠦᠯᠡᠮᠵᠢ ᠬᠦᠴᠦ ᠪᠡᠷ ᠪᠠᠭᠠᠲᠤᠷ ᠴᠢᠯᠥᠭᠡᠯᠡᠭᠳᠡᠬᠦ ᠪᠢᠰᠢ᠂
17 ᠠᠪᠤᠷᠠᠯ ᠬᠡᠷᠡᠭ ᠲᠡᠢ ᠴᠠᠭ ᠲᠤ ᠮᠣᠷᠢ ᠲᠤᠰᠠ ᠪᠣᠯᠬᠤ ᠦᠭᠡᠢ ᠦᠯᠡᠮᠵᠢ ᠲᠡᠩᠬᠡᠭᠡ ᠲᠠᠢ ᠴᠤ ᠲᠡᠷᠡ ᠴᠢᠯᠥᠭᠡᠯᠡᠵᠦ ᠦᠯᠦ ᠴᠢᠳᠠᠨᠠ᠃
18 ᠬᠠᠷᠠ᠂ ᠶᠣᠬᠣᠸᠠ ᠶᠢᠨ ᠮᠡᠯᠮᠡᠢ ᠥᠪᠡᠷ ᠡᠴᠡ ᠨᠢ ᠡᠮᠢᠶᠡᠭᠴᠢᠳ ᠤᠨ ᠳᠡᠭᠡᠷᠡ ᠦᠨᠡᠨ ᠬᠠᠢᠷᠠ ᠳᠤᠨᠢ ᠨᠠᠢᠳᠠᠭᠴᠢᠳ ᠤᠨ ᠳᠡᠭᠡᠷᠡ ᠪᠠᠢᠵᠤ
19 ᠦᠬᠦᠯ ᠡᠴᠡ ᠠᠮᠢ ᠶᠢ ᠨᠢ ᠠᠪᠤᠷᠠᠵᠤ ᠥᠯᠥᠰᠬᠥᠯᠡᠩ ᠦᠨ ᠳᠤᠮᠳᠠ ᠲᠡᠳᠡᠨ ᠢ ᠠᠮᠢᠳᠤ ᠦᠯᠡᠳᠡᠭᠡᠨᠡ᠃
20 ᠪᠢᠳᠡᠨ ᠦ ᠰᠡᠳᠬᠢᠯ ᠶᠣᠬᠣᠸᠠ ᠳᠤ ᠨᠠᠢᠳᠠᠳᠠᠭ ᠪᠢᠳᠡᠨ ᠦ ᠲᠤᠰᠠᠯᠠᠮᠵᠢ᠂ ᠪᠢᠳᠡᠨ ᠦ ᠪᠠᠮᠪᠠᠢ ᠪᠣᠯ ᠲᠡᠷᠡ ᠶᠤᠮ᠃
21 ᠪᠢᠳᠡ ᠲᠡᠭᠦᠨ ᠦ ᠠᠷᠢᠭᠤᠨ ᠨᠡᠷᠡ ᠳᠦ ᠢᠲᠡᠭᠡᠭᠰᠡᠨ ᠪᠢᠳᠡᠨ ᠦ ᠵᠢᠷᠦᠬᠡ ᠲᠡᠭᠦᠨ ᠳᠣᠲᠣᠷᠠ ᠪᠠᠶᠠᠷᠯᠠᠨᠠ᠃
22 ᠶᠣᠬᠣᠸᠠ᠂ ᠪᠢᠳᠡ ᠲᠠᠨ ᠳᠤ ᠨᠠᠢᠳᠠᠳᠠᠭ᠂ ᠲᠠᠨ ᠤ ᠦᠨᠡᠨ ᠬᠠᠢᠷᠠ ᠪᠢᠳᠡᠨ ᠦ ᠳᠡᠭᠡᠷᠡ ᠣᠷᠣᠰᠢᠬᠤ ᠪᠣᠯᠲᠤᠭᠠᠢ᠃