ᠳᠠᠭᠤᠯᠠᠯ ᠭᠤᠴᠢᠨ ᠳᠥᠷᠪᠡ
ᠪᠤᠷᠬᠠᠨ ᠤ ᠬᠠᠮᠠᠭᠠᠯᠠᠯᠲᠠ ᠶᠢᠨ ᠳᠣᠣᠷᠠ
ᠳ᠋ᠠᠸᠢᠳ᠋ ᠤᠨ ᠠᠪᠢᠮᠧᠯᠧᠺ ᠤᠨ ᠡᠮᠦᠨᠡ ᠰᠣᠯᠢᠶᠠᠷᠠᠭᠰᠠᠨ ᠳᠦᠷᠢ ᠦᠵᠡᠭᠦᠯᠵᠦ᠂ ᠬᠥᠭᠡᠭᠡᠭᠳᠡᠭᠡᠳ ᠶᠠᠪᠤᠬᠤ ᠦᠶᠡ ᠶᠢᠨ ᠳᠠᠭᠤᠯᠠᠯ᠃
1 ᠪᠢ ᠶᠣᠬᠣᠸᠠ ᠶᠢ ᠴᠠᠭ ᠢᠮᠠᠭᠲᠠ ᠳᠡᠭᠡᠳᠦᠯᠡᠨᠡ ᠲᠡᠭᠦᠨ ᠦ ᠮᠠᠭᠲᠠᠭᠠᠯ ᠮᠢᠨᠦ ᠠᠮᠠᠨ ᠳᠤ ᠦᠷᠭᠦᠯᠵᠢ ᠪᠠᠢᠬᠤ ᠪᠣᠯᠣᠨᠠ᠃
2 ᠰᠡᠳᠬᠢᠯ ᠮᠢᠨᠢ ᠶᠣᠬᠣᠸᠠ ᠪᠠᠷ ᠰᠠᠢᠷᠬᠠᠨᠠ ᠳᠠᠷᠤᠤ ᠨᠢᠭᠡᠨ ᠨᠢ ᠰᠣᠨᠣᠰᠣᠭᠠᠳ ᠪᠠᠶᠠᠷᠯᠠᠨᠠ᠃
3 ᠲᠠ ᠨᠠᠷ ᠨᠠᠳᠠ ᠲᠠᠢ ᠬᠠᠮᠲᠤ ᠶᠣᠬᠣᠸᠠ ᠶᠢ ᠠᠯᠳᠠᠷᠰᠢᠭᠤᠯᠵᠤ ᠬᠠᠮᠲᠤ ᠪᠠᠷ ᠢᠶᠠᠨ ᠲᠡᠭᠦᠨ ᠦ ᠨᠡᠷᠡ ᠶᠢ ᠳᠡᠭᠡᠳᠦᠯᠡᠭᠲᠦᠨ᠃
4 ᠪᠢ ᠶᠣᠬᠣᠸᠠ ᠶᠢ ᠬᠠᠢᠭᠰᠠᠨ ᠳᠤ᠂ ᠲᠡᠷᠡ ᠬᠠᠷᠢᠭᠤᠯᠵᠤ ᠪᠦᠬᠦ ᠠᠢᠳᠠᠰ ᠠᠴᠠ ᠮᠢᠨᠢ ᠨᠠᠮᠠᠶᠢ ᠠᠪᠤᠷᠠᠭᠰᠠᠨ᠃
5 ᠲᠡᠭᠦᠨ ᠥᠭᠡᠳᠡ ᠰᠢᠷᠲᠡᠭᠴᠢᠳ ᠭᠡᠷᠡᠯᠲᠦᠬᠦ ᠪᠣᠯᠣᠨᠠ ᠲᠡᠳᠡᠨ ᠦ ᠨᠢᠭᠤᠷ ᠢᠴᠢᠭᠦᠷᠢ ᠳᠤ ᠣᠷᠣᠬᠤ ᠦᠭᠡᠢ᠃
6 ᠡᠨᠡ ᠳᠣᠷᠣᠢ ᠬᠥᠮᠦᠨ ᠳᠠᠭᠤᠳᠠᠬᠤ ᠳᠤ᠂ ᠶᠣᠬᠣᠸᠠ ᠰᠣᠨᠣᠰᠴᠤ ᠬᠠᠮᠤᠭ ᠵᠣᠪᠠᠯᠠᠩ ᠠᠴᠠ ᠨᠢ ᠠᠪᠤᠷᠠᠭᠰᠠᠨ᠃
7 ᠶᠣᠬᠣᠸᠠ ᠶᠢᠨ ᠡᠯᠴᠢ ᠲᠡᠭᠦᠨ ᠡᠴᠡ ᠡᠮᠢᠶᠡᠭᠴᠢᠳ ᠢ ᠬᠦᠷᠢᠶᠡᠯᠡᠨ ᠬᠤᠸᠠᠷᠠᠩᠨᠠᠵᠤ ᠲᠡᠳᠡᠨ ᠢ ᠴᠢᠯᠥᠭᠡᠯᠡᠳᠡᠭ ᠶᠤᠮ᠃
8 ᠶᠣᠬᠣᠸᠠ ᠶᠢᠨ ᠰᠠᠢᠨ ᠰᠠᠢᠬᠠᠨ ᠢ ᠠᠮᠰᠠᠭᠠᠳ ᠦᠵᠡ ᠲᠡᠭᠦᠨ ᠦ ᠳᠣᠲᠣᠷᠠ ᠬᠣᠷᠭᠣᠳᠠᠳᠠᠭ ᠬᠥᠮᠦᠨ ᠪᠤᠶᠠᠨ ᠲᠠᠢ︕
9 ᠲᠡᠭᠦᠨ ᠦ ᠠᠷᠢᠭᠤᠨ ᠬᠥᠮᠦᠰ ᠡ᠂ ᠶᠣᠬᠣᠸᠠ ᠠᠴᠠ ᠡᠮᠢᠶᠡᠵᠡᠭᠡ ᠲᠡᠭᠦᠨ ᠡᠴᠡ ᠡᠮᠢᠶᠡᠭᠴᠢᠳ ᠲᠤ ᠬᠣᠮᠰᠠᠳᠠᠯ ᠠᠯᠠᠭᠠ᠃
10 ᠠᠷᠰᠯᠠᠨ ᠴᠤ ᠭᠠᠴᠢᠭᠳᠠᠨ ᠥᠯᠥᠰᠴᠦ ᠪᠠᠢᠳᠠᠭ ᠪᠣᠯ᠂ ᠶᠣᠬᠣᠸᠠ ᠶᠢ ᠬᠠᠢᠭᠴᠢᠳ ᠶᠠᠮᠠᠷ ᠴᠤ ᠰᠠᠢᠨ ᠢᠶᠠᠷ ᠳᠤᠲᠠᠬᠤ ᠦᠭᠡᠢ᠃
11 ᠬᠡᠦᠬᠡᠳ ᠤᠳ ᠮᠢᠨᠢ ᠡ᠂ ᠨᠠᠰᠢ ᠢᠷᠡᠵᠦ᠂ ᠮᠢᠨᠦᠬᠢ ᠶᠢ ᠰᠣᠨᠣᠰ ᠶᠣᠬᠣᠸᠠ ᠠᠴᠠ ᠡᠮᠢᠶᠡᠬᠦᠢ ᠶᠢ ᠪᠢ ᠵᠢᠭᠠᠵᠤ ᠥᠭᠭᠥᠨᠡ᠃
12 ᠠᠮᠢ ᠶᠢ ᠬᠠᠢᠷᠠᠯᠠᠨ ᠰᠠᠢᠨ ᠡᠳᠦᠷ ᠤᠳ ᠢ ᠦᠵᠡᠬᠦ ᠶᠢ ᠬᠦᠰᠡᠭᠴᠢ ᠬᠥᠮᠦᠨ ᠨᠢ ᠬᠡᠨ ᠪᠤᠢ︖
13 ᠲᠡᠷᠡ ᠨᠢ ᠬᠡᠯᠡ ᠪᠡᠨ ᠮᠠᠭᠤ ᠠᠴᠠ ᠣᠷᠣᠭᠤᠯ ᠢᠶᠠᠨ ᠮᠡᠬᠡᠲᠦ ᠶᠠᠷᠢᠶᠠᠨ ᠠᠴᠠ ᠬᠠᠮᠠᠭᠠᠯᠠ᠂
14 ᠮᠠᠭᠤ ᠠᠴᠠ ᠡᠷᠭᠢᠵᠦ᠂ ᠰᠠᠢᠨ ᠢ ᠦᠢᠯᠡᠳᠦᠨ ᠠᠮᠤᠭᠤᠯᠠᠩ ᠢ ᠡᠷᠢᠵᠦ᠂ ᠲᠡᠭᠦᠨ ᠢ ᠬᠥᠭᠡᠭᠡᠴᠡᠯᠳᠦ᠃
15 ᠶᠣᠬᠣᠸᠠ ᠶᠢᠨ ᠮᠡᠯᠮᠡᠢ ᠵᠥᠪᠲᠡᠳ ᠦᠨ ᠳᠡᠭᠡᠷᠡ ᠪᠠᠢᠵᠤ ᠰᠣᠨᠣᠷ ᠨᠢ ᠲᠡᠳᠡᠨ ᠦ ᠬᠠᠰᠬᠢᠷᠤᠭᠠᠨ ᠤᠷᠤᠭᠤ ᠬᠠᠨᠳᠤᠳᠠᠭ ᠪᠣᠯ᠂
16 ᠶᠣᠬᠣᠸᠠ ᠶᠢᠨ ᠴᠢᠷᠠᠢ ᠮᠠᠭᠤ ᠶᠢ ᠦᠢᠯᠡᠳᠦᠭᠴᠢᠳ ᠤᠨ ᠡᠰᠡᠷᠭᠦ ᠪᠠᠢᠵᠤ ᠲᠡᠳᠡᠨ ᠦ ᠳᠤᠷᠠᠰᠤᠮᠵᠢ ᠶᠢ ᠴᠤ ᠳᠡᠯᠡᠬᠡᠢ ᠡᠴᠡ ᠠᠷᠢᠯᠭᠠᠬᠤ ᠪᠠᠷ ᠪᠠᠢᠨᠠ᠃
17 ᠵᠥᠪᠲᠡᠨ ᠬᠠᠰᠬᠢᠷᠪᠠᠯ ᠶᠣᠬᠣᠸᠠ ᠰᠣᠨᠣᠰᠴᠤ ᠬᠠᠮᠤᠭ ᠵᠣᠪᠠᠯᠠᠩ ᠠᠴᠠ ᠨᠢ ᠠᠪᠤᠷᠠᠳᠠᠭ
18 ᠶᠣᠬᠣᠸᠠ ᠡᠮᠲᠡᠷᠡᠭᠰᠡᠨ ᠵᠢᠷᠦᠬᠡᠲᠡᠨ ᠡᠴᠡ ᠣᠢᠷᠠ ᠭᠡᠮᠲᠦᠭᠰᠡᠨ ᠰᠦᠨᠡᠰᠦᠲᠡᠨ ᠢ ᠠᠪᠤᠷᠠᠨᠠ᠃
19 ᠵᠥᠪᠲᠡᠨ ᠦᠯᠡᠮᠵᠢ ᠵᠣᠪᠠᠯᠠᠩ ᠲᠠᠢ ᠪᠣᠯᠪᠠᠴᠤ ᠶᠣᠬᠣᠸᠠ ᠲᠡᠭᠦᠨ ᠢ ᠲᠡᠷᠡ ᠪᠦᠭᠦᠳᠡ ᠡᠴᠡ ᠴᠢᠯᠥᠭᠡᠯᠡᠨᠡ᠃
20 ᠪᠦᠬᠦ ᠶᠠᠰᠤ ᠶᠢ ᠨᠢ ᠲᠡᠷᠡ ᠬᠠᠮᠠᠭᠠᠯᠠᠨᠠ ᠲᠡᠳᠡᠭᠡᠷ ᠦᠨ ᠨᠢᠭᠡ ᠨᠢ ᠴᠤ ᠬᠤᠭᠤᠷᠠᠬᠤ ᠦᠭᠡᠢ ᠶᠤᠮ᠃
21 ᠪᠤᠷᠤᠭᠤᠲᠠᠨ ᠬᠣᠷᠣᠨ ᠮᠠᠭᠤ ᠳᠠᠭᠠᠨ ᠦᠬᠦᠨᠡ ᠵᠥᠪᠲᠡᠨ ᠦ ᠥᠰᠢᠶᠡᠲᠡᠨ ᠶᠠᠯᠠ ᠲᠠᠢ ᠭᠡᠭᠳᠡᠨᠡ᠃
22 ᠶᠣᠬᠣᠸᠠ ᠵᠠᠷᠤᠴᠠ ᠨᠠᠷ ᠤᠨ ᠢᠶᠠᠨ ᠠᠮᠢ ᠶᠢ ᠵᠣᠯᠢᠨ ᠠᠪᠤᠨᠠ ᠲᠡᠭᠦᠨ ᠦ ᠳᠣᠲᠣᠷᠠ ᠬᠣᠷᠭᠣᠳᠠᠬᠤ ᠪᠦᠬᠦᠨ ᠶᠠᠯᠠ ᠲᠠᠢ ᠭᠡᠭᠳᠡᠬᠦ ᠦᠭᠡᠢ᠃