ᠳᠠᠭᠤᠯᠠᠯ ᠵᠠᠭᠤ ᠳᠥᠴᠢ ᠶᠢᠰᠦ
ᠢᠲᠡᠭᠡᠭᠴᠢᠳ ᠡ᠂ ᠮᠠᠭᠲᠠᠭᠲᠤᠨ
1 ᠶᠣᠬᠣᠸᠠ ᠶᠢ ᠮᠠᠭᠲᠠᠭᠲᠤᠨ︕ ᠶᠣᠬᠣᠸᠠ ᠳᠤ ᠰᠢᠨᠡ ᠳᠠᠭᠤᠤ ᠶᠢ ᠡᠷᠭᠦᠨ ᠢᠲᠡᠭᠡᠭᠴᠢᠳ ᠤᠨ ᠴᠢᠭᠤᠯᠭᠠᠨ ᠳᠤ ᠲᠡᠭᠦᠨ ᠦ ᠮᠠᠭᠲᠠᠭᠠᠯ ᠢ ᠳᠠᠭᠤᠯᠠᠭᠲᠤᠨ
2 ᠢᠰᠷᠧᠯ ᠥᠪᠡᠷ ᠦᠨ ᠢᠶᠠᠨ ᠪᠦᠲᠦᠭᠡᠭᠴᠢ ᠳᠤ ᠪᠠᠶᠠᠷᠯᠠᠭᠲᠤᠨ ᠽᠢᠶᠣᠨ ᠤ ᠠᠷᠠᠳ ᠲᠦᠮᠡᠨ ᠬᠠᠭᠠᠨ ᠤ ᠪᠠᠨ ᠤᠯᠠᠮ ᠢᠶᠠᠷ ᠪᠠᠶᠠᠰᠤᠭᠲᠤᠨ᠂
3 ᠪᠥᠵᠢᠭ ᠪᠥᠵᠢᠭᠯᠡᠨ ᠨᠡᠷᠡ ᠶᠢ ᠨᠢ ᠮᠠᠭᠲᠠᠵᠤ ᠬᠡᠩᠭᠡᠷᠭᠡ ᠪᠣᠯᠣᠨ ᠶᠠᠲᠤᠭᠠ ᠪᠠᠷ ᠲᠡᠭᠦᠨ ᠢ ᠳᠡᠭᠡᠳᠦᠯᠡᠬᠦ ᠪᠣᠯᠲᠤᠭᠠᠢ᠂
4 ᠶᠣᠬᠣᠸᠠ ᠠᠷᠠᠳ ᠲᠦᠮᠡᠨ ᠢᠶᠡᠨ ᠲᠠᠭᠠᠯᠠᠵᠤ ᠪᠠᠢᠨᠠ ᠶᠣᠬᠣᠸᠠ ᠳᠠᠷᠤᠤ ᠶᠢ ᠨᠢ ᠠᠪᠤᠷᠠᠯ ᠢᠶᠠᠷ ᠭᠣᠶᠣᠯᠠᠨᠠ᠃
5 ᠢᠲᠡᠭᠡᠭᠴᠢᠳ ᠵᠢᠪᠬᠤᠯᠠᠩ ᠳᠣᠲᠣᠷᠠ ᠪᠠᠶᠠᠰᠴᠤ ᠣᠷᠣ ᠳᠡᠭᠡᠷᠡ ᠪᠡᠨ ᠪᠠᠶᠠᠷ ᠲᠠᠢ ᠪᠠᠷ ᠳᠠᠭᠤᠯᠠᠨᠠ᠂
6 ᠠᠮᠠᠨ ᠳᠠᠭᠠᠨ ᠪᠤᠷᠬᠠᠨ ᠤ ᠮᠠᠭᠲᠠᠭᠠᠯ ᠲᠠᠢ ᠠᠯᠠᠭᠠᠨ ᠳᠠᠭᠠᠨ ᠬᠣᠣᠰ ᠢᠷᠳᠦ ᠢᠯᠳᠦ ᠲᠠᠢ ᠪᠠᠷ
7 ᠦᠨᠳᠦᠰᠦᠲᠡᠨ ᠨᠦᠭᠦᠳ ᠡᠴᠡ ᠥᠰᠢᠶᠡ ᠠᠪᠴᠤ ᠶᠠᠰᠤᠲᠠᠨ ᠨᠤᠭᠤᠳ ᠲᠤ ᠰᠢᠳᠬᠡᠯ ᠢ ᠭᠦᠢᠴᠡᠭᠡᠵᠦ
8 ᠬᠠᠭᠠᠳ ᠢ ᠨᠢ ᠭᠢᠨᠵᠢ ᠪᠠᠷ ᠨᠣᠶᠠᠳ ᠢ ᠨᠢ ᠲᠡᠮᠦᠷ ᠳᠥᠩᠭᠡ ᠪᠡᠷ ᠬᠦᠯᠢᠵᠦ
9 ᠪᠢᠴᠢᠭᠳᠡᠭᠰᠡᠨ ᠶᠠᠯᠠ ᠶᠢ ᠲᠡᠳᠡᠨ ᠳᠦ ᠭᠦᠢᠴᠡᠭᠡᠬᠦ ᠪᠣᠯᠲᠤᠭᠠᠢ᠂ ᠪᠦᠬᠦ ᠢᠲᠡᠭᠡᠭᠴᠢ ᠶᠢᠨ ᠵᠢᠪᠬᠤᠭᠠ ᠨᠢ ᠡᠨᠡ ᠶᠤᠮ᠂ ᠶᠣᠬᠣᠸᠠ ᠶᠢ ᠮᠠᠭᠲᠠᠭᠲᠤᠨ︕