ᠳᠠᠭᠤᠯᠠᠯ ᠳᠥᠴᠢᠨ ᠲᠠᠪᠤ
ᠬᠠᠭᠠᠨ ᠤ ᠬᠤᠷᠢᠮ ᠳᠤ ᠵᠣᠷᠢᠭᠤᠯᠪᠠ
ᠺᠣᠷᠠ ᠶᠢᠨ ᠬᠣᠢᠴᠢᠰ ᠤᠨ ᠰᠤᠷᠭᠠᠯᠲᠤ ᠳᠠᠭᠤᠯᠠᠯ᠂ ᠬᠠᠢᠷᠠ ᠶᠢᠨ ᠳᠠᠭᠤᠤ᠃ ᠨᠠᠢᠷᠠᠯ ᠳᠠᠭᠤᠤ ᠶᠢᠨ ᠤᠳᠤᠷᠢᠳᠤᠭᠠᠴᠢ ᠳᠤ᠂ 《ᠰᠠᠷᠠᠨᠠ ᠴᠡᠴᠡᠭ》 ᠤᠨ ᠠᠶᠠ ᠳᠡᠭᠡᠷᠡ᠃
1 ᠵᠢᠷᠦᠬᠡᠨ ᠳᠦ ᠮᠢᠨᠢ ᠲᠠᠭᠠᠯᠠᠮᠵᠢᠲᠤ ᠦᠭᠡ ᠪᠢᠯᠬᠠᠮᠠ ᠪᠠᠢᠨᠠ ᠪᠠᠳᠠᠭ ᠰᠢᠯᠦᠭ ᠢᠶᠡᠨ ᠪᠢ ᠬᠠᠭᠠᠨ ᠳᠤ ᠵᠣᠷᠢᠭᠤᠯᠤᠶᠠ᠂ ᠬᠡᠯᠡ ᠮᠢᠨᠢ ᠴᠢᠳᠠᠪᠤᠷᠢᠯᠢᠭ᠋ ᠪᠢᠴᠢᠭᠡᠴᠢ ᠶᠢᠨ ᠪᠢᠷ ᠶᠤᠮ᠃
2 ᠲᠠ ᠬᠥᠮᠦᠨ ᠦ ᠬᠥᠪᠡᠭᠦᠳ ᠡᠴᠡ ᠭᠣᠢᠳᠠ ᠰᠠᠢᠬᠠᠨ ᠲᠠᠨ ᠤ ᠣᠷᠣᠭᠤᠯ ᠢᠪᠡᠭᠡᠯ ᠢ ᠤᠷᠤᠰᠬᠠᠳᠠᠭ ᠲᠡᠢᠨ ᠬᠦ ᠪᠤᠷᠬᠠᠨ ᠲᠠᠨ ᠢ ᠮᠥᠩᠬᠡᠳᠡ ᠢᠷᠥᠭᠡᠵᠡᠢ᠃
3 ᠬᠦᠴᠦᠲᠦ ᠪᠠᠭᠠᠲᠤᠷ ᠲᠠ ᠢᠯᠳᠦ ᠪᠡᠨ ᠲᠠᠰᠢᠶᠠᠨ ᠳᠠᠭᠠᠨ ᠵᠡᠭᠦᠵᠦ ᠢᠷᠠᠭᠤ ᠠᠯᠳᠠᠷ ᠢᠶᠠᠨ ᠪᠦᠰᠡᠯᠡ᠂
4 ᠦᠨᠡᠨ᠂ ᠳᠥᠯᠭᠡᠨ᠂ ᠵᠥᠪᠲᠦ ᠦᠢᠯᠡ ᠶᠢᠨ ᠢᠶᠠᠨ ᠲᠥᠯᠥᠭᠡ ᠢᠷᠠᠭᠤ ᠠᠯᠳᠠᠷ ᠲᠠᠢ ᠪᠠᠷ ᠮᠣᠷᠳᠠᠨ ᠢᠯᠠᠯᠲᠠ ᠶᠢ ᠠᠪᠴᠢᠷᠠᠭᠠᠴᠢ ᠲᠠᠨ ᠤ ᠪᠠᠷᠠᠭᠤᠨ ᠮᠤᠲᠤᠷ ᠰᠦᠷᠳᠡᠮᠡ ᠦᠢᠯᠡᠰ ᠢ ᠦᠢᠯᠡᠳᠦᠨᠡ᠂
5 ᠲᠠᠨ ᠤ ᠰᠤᠮᠤ ᠨᠤᠭᠤᠳ ᠬᠤᠷᠴᠠ ᠬᠠᠭᠠᠨ ᠤ ᠳᠠᠢᠰᠤᠨ ᠨᠤᠭᠤᠳ ᠤᠨ ᠵᠢᠷᠦᠬᠡ ᠶᠢ ᠰᠦᠯᠪᠡᠨᠡ ᠲᠠᠨ ᠤ ᠡᠮᠦᠨᠡ ᠶᠠᠰᠤᠲᠠᠨ ᠨᠤᠭᠤᠳ ᠤᠨᠠᠬᠤ ᠪᠣᠯᠣᠨᠠ᠃
6 ᠪᠤᠷᠬᠠᠨ᠂ ᠲᠠᠨ ᠤ ᠰᠡᠨᠲᠢ ᠡᠭᠦᠷᠢᠳᠡ ᠮᠥᠩᠬᠡ ᠶᠢᠨ ᠬᠢ᠂ ᠲᠠᠨ ᠤ ᠬᠠᠭᠠᠨᠴᠢᠯᠠᠯ ᠤᠨ ᠲᠠᠶᠠᠭ ᠪᠣᠯ ᠰᠢᠳᠤᠷᠭᠤ ᠶᠢᠨ ᠲᠠᠶᠠᠭ ᠶᠤᠮ᠃
7 ᠲᠠ ᠵᠥᠪ ᠢ ᠬᠠᠢᠷᠠᠯᠠᠵᠤ᠂ ᠪᠤᠷᠤᠭᠤ ᠶᠢ ᠵᠢᠭ᠍ᠰᠢᠳᠡᠭ᠂ ᠲᠡᠢᠮᠦ ᠡᠴᠡ ᠪᠤᠷᠬᠠᠨ᠂ ᠲᠠᠨ ᠤ ᠪᠤᠷᠬᠠᠨ ᠪᠠᠶᠠᠷ ᠤᠨ ᠲᠣᠰᠣ ᠪᠠᠷ ᠲᠠᠨ ᠢ ᠲᠣᠰᠣᠯᠠᠨ ᠲᠠᠨ ᠢ ᠬᠠᠨᠢᠲᠠᠳ ᠤᠨ ᠴᠢᠨᠢ ᠳᠡᠭᠡᠷᠡ ᠡᠷᠭᠦᠮᠵᠢᠯᠡᠭᠰᠡᠨ᠃
8 ᠲᠠᠨ ᠤ ᠳᠡᠪᠡᠯ ᠪᠦᠭᠦᠳᠡ ᠭᠦᠭᠦᠯ᠂ ᠠᠭᠠᠷᠤ ᠪᠠ ᠱᠠᠩᠴᠠ ᠶᠢᠨ ᠠᠩᠬᠢᠯᠤᠭᠤᠨ ᠦᠨᠦᠷ ᠲᠡᠢ᠂ ᠵᠠᠭᠠᠨ ᠤ ᠶᠠᠰᠤᠨ ᠣᠷᠳᠣᠨ ᠠᠴᠠ ᠶᠠᠲᠤᠭᠠ ᠶᠢᠨ ᠠᠶᠠᠯᠭᠤ ᠲᠠᠨ ᠢ ᠪᠠᠶᠠᠰᠬᠠᠳᠠᠭ᠃
9 ᠲᠠᠨ ᠤ ᠡᠷᠬᠢᠮ ᠬᠠᠲᠤᠭᠲᠠᠢ ᠨᠠᠷ ᠤᠨ ᠳᠤᠮᠳᠠ ᠬᠠᠭᠠᠳ ᠤᠨ ᠥᠬᠢᠳ ᠲᠠᠨ ᠤ ᠪᠠᠷᠠᠭᠤᠨ ᠭᠠᠷ ᠲᠠᠯᠠ ᠳᠤ ᠣᠹᠢᠷ ᠤᠨ ᠠᠯᠲᠠ ᠵᠡᠭᠦᠭᠰᠡᠨ ᠬᠠᠲᠤᠨ ᠵᠣᠭᠰᠣᠭᠰᠠᠨ ᠪᠠᠢᠨᠠ᠃
10 ᠰᠣᠨᠣᠰ᠂ ᠥᠬᠢᠨ ᠡ᠂ ᠠᠩ᠋ᠬᠠᠷ᠂ ᠴᠢᠬᠢ ᠲᠠᠯᠪᠢ ᠠᠷᠠᠳ ᠲᠦᠮᠡᠨ ᠬᠢᠭᠡᠳ ᠡᠴᠢᠭᠡ ᠶᠢᠨ ᠢᠶᠠᠨ ᠭᠡᠷ ᠢ ᠮᠠᠷᠲᠠ
11 ᠲᠡᠭᠡᠪᠡᠯ ᠬᠠᠭᠠᠨ ᠭᠤᠸᠠ ᠦᠵᠡᠰᠬᠦᠯᠡᠩ ᠢ ᠴᠢᠨᠢ ᠬᠦᠰᠡᠮᠵᠢᠯᠡᠨᠡ ᠲᠡᠷᠡ ᠴᠢᠨᠦ ᠡᠵᠡᠨ ᠪᠢᠯᠡ᠂ ᠴᠢ ᠲᠡᠭᠦᠨ ᠳᠦ ᠮᠥᠷᠭᠥ᠃
12 ᠲᠢᠷ ᠥᠬᠢᠨ ᠪᠡᠯᠡᠭ ᠲᠡᠢ ᠢᠷᠡᠨᠡ ᠠᠷᠠᠳ ᠲᠦᠮᠡᠨ ᠦ ᠳᠤᠮᠳᠠᠬᠢ ᠪᠠᠶᠠᠴᠤᠳ ᠲᠠᠭᠠᠯᠠᠯ ᠢ ᠲᠠᠨᠢ ᠬᠠᠢᠨᠠ᠃
13 ᠬᠠᠭᠠᠨ ᠤ ᠰᠢᠨᠡ ᠪᠡᠷᠢ ᠴᠣᠭ ᠵᠢᠪᠬᠤᠯᠠᠩ ᠲᠠᠢ ᠪᠠᠷ ᠣᠷᠳᠣᠨ ᠳᠠᠭᠠᠨ ᠣᠷᠣᠨᠠ᠂ ᠠᠯᠲᠠᠨ ᠬᠠᠳᠬᠤᠮᠠᠯ ᠲᠠᠢ ᠡᠮᠦᠰᠬᠡᠯ ᠲᠡᠢ ᠪᠠᠷ
14 ᠡᠮᠵᠢᠶᠡᠷᠢᠲᠦ ᠬᠤᠪᠴᠠᠰᠤ ᠲᠠᠢ ᠪᠠᠷ ᠬᠠᠭᠠᠨ ᠳᠤ ᠬᠦᠷᠭᠡᠭᠳᠡᠵᠦ ᠠᠷᠤ ᠠᠴᠠ ᠨᠢ ᠪᠠᠷᠠ ᠪᠣᠯᠣᠭᠴᠢ ᠪᠦᠰᠡᠭᠦᠢᠴᠦᠳ ᠲᠠᠨ ᠳᠤ ᠠᠪᠠᠴᠢᠭᠳᠠᠵᠤ ᠪᠠᠢᠨᠠ᠃
15 ᠲᠡᠳᠡ ᠪᠠᠶᠠᠷ ᠬᠥᠷ ᠲᠡᠢ ᠪᠠᠷ ᠬᠦᠷᠭᠡᠭᠳᠡᠵᠦ ᠬᠠᠭᠠᠨ ᠤ ᠣᠷᠳᠣᠨ ᠳᠤ ᠣᠷᠣᠨᠠ᠃
16 ᠲᠠᠨ ᠤ ᠬᠥᠪᠡᠭᠦᠳ ᠡᠴᠢᠭᠡ ᠡᠪᠦᠭᠡᠳ ᠢ ᠴᠢᠨᠢ ᠣᠷᠣᠯᠠᠵᠤ ᠲᠠ ᠲᠡᠳᠡᠨ ᠢ ᠪᠦᠬᠦ ᠳᠡᠯᠡᠬᠡᠢ ᠶᠢᠨ ᠨᠣᠶᠠᠳ ᠪᠣᠯᠭᠠᠨᠠ᠃
17 ᠲᠠᠨ ᠤ ᠨᠡᠷᠡ ᠶᠢ ᠪᠢ ᠦᠶᠡ ᠶᠢᠨ ᠦᠶᠡ ᠳᠦ ᠰᠠᠨᠠᠭᠤᠯᠤᠨᠠ᠂ ᠲᠡᠢᠮᠦ ᠡᠴᠡ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠡᠭᠦᠷᠢᠳᠡ ᠮᠥᠩᠬᠡᠳᠡ ᠲᠠᠨ ᠢ ᠮᠠᠭᠲᠠᠬᠤ ᠪᠣᠯᠣᠨᠠ᠃