ᠳᠠᠭᠤᠯᠠᠯ ᠳᠥᠴᠢᠨ ᠬᠣᠶᠠᠷ
s ᠬᠣᠶᠠᠳᠤᠭᠠᠷ ᠨᠣᠮ
r (ᠳᠠᠭᠤᠯᠠᠯ 42—72)
ᠪᠤᠷᠬᠠᠨ ᠥᠭᠡᠳᠡ ᠲᠡᠮᠡᠦᠯᠦᠭᠡᠷᠡᠢ
ᠨᠠᠢᠷᠠᠯ ᠳᠠᠭᠤᠤ ᠶᠢᠨ ᠤᠳᠤᠷᠢᠳᠤᠭᠠᠴᠢ ᠳᠤ᠂ ᠺᠣᠷᠠ ᠶᠢᠨ ᠬᠣᠢᠴᠢᠰ ᠤᠨ ᠰᠤᠷᠭᠠᠯᠲᠤ ᠳᠠᠭᠤᠯᠠᠯ᠃
1 ᠪᠤᠭᠤ ᠭᠣᠷᠣᠬᠠᠨ ᠤ ᠤᠰᠤ ᠶᠢ ᠬᠦᠰᠡᠬᠦ ᠰᠢᠭ ᠰᠡᠳᠬᠢᠯ ᠮᠢᠨᠢ ᠪᠤᠷᠬᠠᠨ ᠲᠠᠨ ᠢ ᠬᠦᠰᠡᠨᠡ᠃
2 ᠰᠡᠳᠬᠢᠯ ᠮᠢᠨᠢ ᠪᠤᠷᠬᠠᠨ ᠢᠶᠠᠷ᠂ ᠠᠮᠢᠳᠤ ᠪᠤᠷᠬᠠᠨ ᠢᠶᠠᠷ ᠴᠠᠩ᠋ᠭᠠᠳᠠᠭ ᠪᠢ ᠬᠡᠵᠢᠶᠡ ᠶᠠᠪᠤᠵᠤ᠂ ᠪᠤᠷᠬᠠᠨ ᠳᠤ ᠪᠠᠷᠠᠭᠠᠯᠬᠠᠬᠤ ᠪᠤᠢ︖
3 ᠬᠥᠮᠦᠰ ᠡᠳᠦᠷᠵᠢᠨ ᠨᠠᠳᠠ ᠳᠤ 《ᠴᠢᠨᠦ ᠪᠤᠷᠬᠠᠨ ᠬᠠᠮᠢᠭᠠ ᠪᠠᠢᠨᠠ︖》 ᠭᠡᠯᠴᠡᠬᠦ ᠳᠦ᠂ ᠤᠷᠤᠰᠬᠤ ᠨᠢᠯᠪᠤᠰᠤ ᠮᠢᠨᠢ ᠡᠳᠦᠷ ᠰᠥᠨᠢ ᠦᠭᠡᠢ ᠮᠢᠨᠦ ᠬᠣᠭᠣᠯᠠ ᠪᠣᠯᠣᠯᠠ᠃
4 ᠪᠢ ᠡᠳᠡᠭᠡᠷ ᠢ ᠰᠠᠨᠠᠵᠤ ᠰᠡᠳᠬᠢᠯ ᠮᠢᠨᠢ ᠪᠤᠬᠢᠨᠢᠳᠤᠵᠤ ᠪᠠᠢᠨᠠ ᠪᠠᠶᠠᠷ ᠲᠡᠮᠳᠡᠭᠯᠡᠵᠦ ᠪᠤᠢ ᠦᠢ ᠣᠯᠠᠨ ᠤ ᠪᠠᠶᠠᠰᠤᠨ ᠬᠠᠰᠬᠢᠷᠬᠤ ᠮᠠᠭᠲᠠᠭᠠᠯ ᠳᠤᠮᠳᠠ ᠪᠢ ᠪᠤᠷᠬᠠᠨ ᠤ ᠥᠷᠭᠥᠭᠡ ᠥᠭᠡᠳᠡ ᠠᠭᠠᠵᠢᠮᠬᠠᠨ ᠣᠴᠢᠵᠤ ᠪᠠᠢᠭᠰᠠᠨ ᠰᠠᠨ᠃
5 ᠰᠡᠳᠬᠢᠯ ᠮᠢᠨᠢ ᠡ᠂ ᠴᠢ ᠶᠠᠭᠤᠨ ᠳᠤ ᠴᠥᠬᠥᠷᠡᠨᠡ ᠪᠤᠢ︖ ᠶᠠᠭᠠᠬᠢᠭᠠᠳ ᠴᠢ ᠮᠢᠨᠦ ᠳᠣᠲᠣᠷᠠ ᠤᠢᠮᠤᠷᠠᠨᠠ ᠪᠤᠢ︖ ᠪᠤᠷᠬᠠᠨ ᠳᠤ ᠨᠠᠢᠳᠠ ᠮᠢᠨᠦ ᠠᠪᠤᠷᠠᠯ ᠪᠣᠯ ᠲᠡᠷᠡ ᠪᠢ ᠲᠡᠭᠦᠨ ᠢ ᠳᠠᠬᠢᠨᠲᠠ ᠮᠠᠭᠲᠠᠨᠠ᠂
6 ᠪᠤᠷᠬᠠᠨ ᠮᠢᠨᠢ ᠡ᠂ ᠰᠡᠳᠬᠢᠯ ᠮᠢᠨᠢ ᠮᠢᠨᠦ ᠳᠣᠲᠣᠷᠠ ᠴᠥᠬᠥᠷᠡᠵᠡᠢ ᠲᠡᠢᠮᠦ ᠡᠴᠡ ᠪᠢ ᠲᠠᠨ ᠢ ᠶᠣᠷᠳᠠᠨ ᠨᠤᠲᠤᠭ᠂ ᠾᠧᠷᠮᠣᠨ ᠥᠨᠳᠥᠷᠯᠢᠭ᠂ ᠮᠢᠽᠠᠷ ᠠᠭᠤᠯᠠᠨ ᠠᠴᠠ ᠰᠠᠨᠠᠵᠤ ᠪᠠᠢᠨᠠ᠃
7 ᠲᠠᠨ ᠤ ᠬᠦᠷᠬᠢᠷᠡ ᠬᠦᠷᠴᠢᠭᠢᠨᠡᠵᠦ ᠭᠦᠨ ᠨᠢ ᠭᠦᠨ ᠢ ᠳᠠᠭᠤᠳᠠᠵᠤ ᠪᠠᠢᠨᠠ ᠲᠠᠨ ᠤ ᠳᠠᠪᠠᠯᠭᠠᠨ᠂ ᠲᠠᠨ ᠤ ᠳᠣᠯᠭᠢᠶᠠᠨ ᠮᠢᠨᠦ ᠳᠡᠭᠡᠭᠦᠷ ᠥᠩᠭᠡᠷᠡᠵᠡᠢ᠂
8 ᠶᠣᠬᠣᠸᠠ ᠡᠳᠦᠷ ᠢᠶᠡᠷ ᠦᠨᠡᠨ ᠬᠠᠢᠷᠠ ᠪᠠᠨ ᠢᠯᠡᠭᠡᠭ ᠰᠥᠨᠢ ᠪᠠᠷ ᠲᠡᠭᠦᠨ ᠦ ᠳᠠᠭᠤᠤ ᠨᠠᠳᠠ ᠲᠠᠢ ᠬᠠᠮᠲᠤ ᠪᠠᠢᠭ ᠠᠮᠢ ᠶᠢᠨ ᠢᠶᠠᠨ ᠪᠤᠷᠬᠠᠨ ᠳᠤ ᠪᠢ ᠳᠠᠭᠠᠳᠬᠠᠨᠠ᠃
9 ᠮᠢᠨᠦ ᠬᠠᠳᠠ ᠪᠣᠯᠣᠭᠰᠠᠨ ᠪᠤᠷᠬᠠᠨ ᠳᠤ ᠪᠢ᠄ 《ᠶᠠᠭᠠᠬᠢᠭᠠᠳ ᠲᠠ ᠨᠠᠮᠠᠶᠢ ᠮᠠᠷᠲᠠᠪᠠ︖ ᠶᠠᠭᠠᠬᠢᠭᠠᠳ ᠪᠢ ᠳᠠᠢᠰᠤᠨ ᠤ ᠳᠠᠷᠤᠮᠲᠠ ᠠᠴᠠ ᠪᠣᠯᠵᠤ ᠭᠠᠰᠢᠭᠤᠳᠠᠨ ᠶᠠᠪᠤᠬᠤ ᠶᠣᠰᠣᠲᠠᠢ ᠪᠤᠢ︖》 ᠭᠡᠵᠦ ᠬᠡᠯᠡᠨᠡ᠃
10 ᠥᠰᠲᠡᠨ ᠨᠦᠭᠦᠳ ᠮᠢᠨᠢ 《ᠴᠢᠨᠦ ᠪᠤᠷᠬᠠᠨ ᠬᠠᠮᠢᠭᠠ ᠪᠠᠢᠨᠠ︖》 ᠭᠡᠵᠦ ᠶᠠᠰᠤ ᠶᠢ ᠮᠢᠨᠢ ᠬᠡᠮᠬᠡᠯᠬᠦ ᠮᠡᠲᠦ ᠡᠳᠦᠷᠵᠢᠨ ᠨᠠᠮᠠᠶᠢ ᠳᠣᠷᠣᠮᠵᠢᠯᠠᠭᠰᠠᠨ ᠪᠢᠯᠡ᠃
11 ᠰᠡᠳᠬᠢᠯ ᠮᠢᠨᠢ ᠡ᠂ ᠴᠢ ᠶᠠᠭᠤᠨ ᠳᠤ ᠴᠥᠬᠥᠷᠡᠨᠡ ᠪᠤᠢ︖ ᠶᠠᠭᠠᠬᠢᠭᠠᠳ ᠴᠢ ᠮᠢᠨᠦ ᠳᠣᠲᠣᠷᠠ ᠤᠢᠮᠤᠷᠠᠨᠠ ᠪᠤᠢ︖ ᠪᠤᠷᠬᠠᠨ ᠳᠤ ᠨᠠᠢᠳᠠ ᠮᠢᠨᠦ ᠠᠪᠤᠷᠠᠯ ᠪᠣᠯ ᠲᠡᠷᠡ ᠪᠢ ᠲᠡᠭᠦᠨ ᠢ ᠳᠠᠬᠢᠨᠲᠠ ᠮᠠᠭᠲᠠᠨᠠ᠃