ᠳᠠᠭᠤᠯᠠᠯ ᠳᠥᠴᠢ
ᠲᠠᠯᠠᠷᠬᠠᠯ ᠪᠠ ᠭᠤᠶᠤᠯᠲᠠ
ᠳ᠋ᠠᠸᠢᠳ᠋ ᠤᠨ ᠳᠠᠭᠤᠯᠠᠯ᠃ ᠨᠠᠢᠷᠠᠯ ᠳᠠᠭᠤᠤ ᠶᠢᠨ ᠤᠳᠤᠷᠢᠳᠤᠭᠠᠴᠢ ᠳᠤ᠃
1 ᠪᠢ ᠶᠣᠬᠣᠸᠠ ᠶᠢ ᠬᠦᠯᠢᠶᠡᠨ ᠬᠦᠯᠢᠶᠡᠭᠰᠡᠨ ᠲᠡᠷᠡ ᠨᠠᠳᠠ ᠤᠷᠤᠭᠤ ᠥᠩᠭᠡᠶᠢᠵᠦ᠂ ᠬᠠᠰᠬᠢᠷᠬᠤ ᠶᠢ ᠮᠢᠨᠢ ᠰᠣᠨᠣᠰᠣᠭᠰᠠᠨ᠃
2 ᠲᠡᠷᠡ ᠨᠠᠮᠠᠶᠢ ᠰᠦᠢᠷᠡᠯ ᠦᠨ ᠨᠦᠬᠡᠨ ᠡᠴᠡ ᠰᠢᠪᠠᠷ ᠰᠢᠪᠬᠠᠢ ᠠᠴᠠ ᠲᠠᠲᠠᠨ ᠭᠠᠷᠭᠠᠵᠤ ᠬᠥᠯ ᠢ ᠮᠢᠨᠢ ᠬᠠᠳᠠᠨ ᠳᠡᠭᠡᠷᠡ ᠲᠠᠯᠪᠢᠨ ᠠᠯᠬᠤᠮ ᠢ ᠮᠢᠨᠢ ᠪᠠᠲᠤ ᠪᠣᠯᠭᠠᠭᠰᠠᠨ᠂
3 ᠠᠮᠠᠨ ᠳᠤ ᠮᠢᠨᠢ ᠰᠢᠨᠡ ᠳᠠᠭᠤᠤ ᠶᠢ ᠪᠢᠳᠡᠨ ᠦ ᠪᠤᠷᠬᠠᠨ ᠳᠤ ᠡᠷᠭᠦᠬᠦ ᠮᠠᠭᠲᠠᠭᠠᠯ ᠢ ᠰᠣᠶᠣᠷᠬᠠᠵᠠᠢ᠂ ᠣᠯᠠᠨ ᠬᠥᠮᠦᠨ ᠦᠵᠡᠭᠡᠳ ᠡᠮᠢᠶᠡᠵᠦ᠂ ᠶᠣᠬᠣᠸᠠ ᠳᠤ ᠢᠲᠡᠭᠡᠬᠦ ᠪᠣᠯᠲᠤᠭᠠᠢ᠃
4 ᠪᠠᠷᠳᠠᠮᠨᠠᠭᠴᠢᠳ᠂ ᠬᠠᠭᠤᠷᠮᠠᠭ ᠤᠨ ᠬᠣᠢᠨᠠ ᠠᠴᠠ ᠲᠥᠭᠡᠷᠢᠭ᠍ᠴᠢ ᠤᠷᠤᠭᠤ ᠬᠠᠨᠳᠤᠯ ᠦᠭᠡᠢ ᠶᠣᠬᠣᠸᠠ ᠳᠤ ᠢᠲᠡᠭᠡᠯ ᠢᠶᠡᠨ ᠲᠠᠯᠪᠢᠭᠰᠠᠨ ᠬᠥᠮᠦᠨ ᠪᠤᠶᠠᠨ ᠲᠠᠢ᠃
5 ᠮᠢᠨᠦ ᠪᠤᠷᠬᠠᠨ ᠶᠣᠬᠣᠸᠠ᠂ ᠲᠠᠨ ᠤ ᠦᠵᠡᠭᠦᠯᠦᠭᠰᠡᠨ ᠭᠠᠢᠬᠠᠮᠰᠢᠭᠲᠤ ᠦᠢᠯᠡᠰ ᠪᠢᠳᠡᠨ ᠳᠦ ᠬᠠᠨᠳᠤᠭᠰᠠᠨ ᠲᠠᠨ ᠤ ᠵᠣᠷᠢᠯᠭᠠ ᠣᠯᠠᠨ ᠪᠠᠢᠨᠠ᠂ ᠲᠠᠨ ᠲᠠᠢ ᠡᠩ ᠵᠡᠷᠭᠡᠴᠡᠬᠦ ᠬᠡᠨ ᠴᠤ ᠦᠭᠡᠢ ᠲᠤᠩ᠋ᠬᠠᠭᠯᠠᠨ ᠬᠡᠯᠡᠶᠡ ᠭᠡᠰᠡᠨ ᠴᠤ ᠲᠡᠳᠡᠭᠡᠷ ᠨᠢ ᠲᠣᠭᠠᠯᠠᠰᠢ ᠦᠭᠡᠢ ᠣᠯᠠᠨ᠃
6 ᠲᠠ ᠨᠢᠲᠤᠯᠬᠤ ᠲᠠᠬᠢᠯ᠂ ᠢᠳᠡᠭᠡᠨ ᠡᠷᠭᠦᠯ ᠢ ᠬᠦᠰᠡᠭᠰᠡᠨ ᠦᠭᠡᠢ ᠲᠠ ᠮᠢᠨᠦ ᠴᠢᠬᠢ ᠶᠢ ᠨᠡᠭᠡᠭᠡᠭᠰᠡᠨ᠂ ᠲᠠ ᠰᠢᠲᠠᠭᠠᠯᠭᠠᠲᠤ ᠲᠠᠬᠢᠯ ᠪᠤᠶᠤ ᠨᠢᠭᠦᠯ ᠦᠨ ᠲᠠᠬᠢᠯ ᠢ ᠱᠠᠭᠠᠷᠳᠠᠭᠰᠠᠨ ᠦᠭᠡᠢ᠃
7 ᠲᠡᠭᠡᠲᠡᠯᠡ ᠪᠢ 《ᠬᠠᠷᠠᠭᠠᠴᠢ᠂ ᠪᠢ ᠢᠷᠡᠯᠡ ᠬᠤᠢᠯᠠᠮᠠᠯ ᠨᠣᠮ ᠳᠣᠲᠣᠷᠠ ᠮᠢᠨᠦ ᠲᠤᠬᠠᠢ ᠪᠢᠴᠢᠭᠰᠡᠨ ᠪᠠᠢᠳᠠᠭ᠂
8 ᠪᠤᠷᠬᠠᠨ ᠮᠢᠨᠢ ᠡ᠂ ᠪᠢ ᠲᠠᠨ ᠤ ᠲᠠᠭᠠᠯᠠᠯ ᠢ ᠪᠡᠶᠡᠯᠡᠭᠦᠯᠬᠦ ᠳᠤᠷᠠᠲᠠᠢ᠂ ᠲᠠᠨ ᠤ ᠬᠠᠤᠯᠢ ᠵᠢᠷᠦᠬᠡᠨ ᠳᠦ ᠮᠢᠨᠢ ᠪᠤᠢ》 ᠭᠡᠵᠦ ᠬᠡᠯᠡᠭᠰᠡᠨ᠃
9 ᠶᠡᠬᠡ ᠴᠢᠭᠤᠯᠭᠠᠨ ᠳᠤ ᠪᠢ ᠵᠥᠪᠲᠥᠭᠡᠯ ᠦᠨ ᠪᠠᠶᠠᠷ ᠤᠨ ᠮᠡᠳᠡᠭᠡ ᠶᠢ ᠲᠤᠩ᠋ᠬᠠᠭᠯᠠᠶᠠ ᠬᠠᠷᠠ᠂ ᠪᠢ ᠣᠷᠣᠭᠤᠯ ᠢᠶᠠᠨ ᠬᠠᠮᠬᠢᠬᠤ ᠦᠭᠡᠢ ᠡᠭᠦᠨ ᠢ ᠶᠣᠬᠣᠸᠠ ᠲᠠ ᠮᠡᠳᠡᠨᠡ᠃
10 ᠲᠠᠨ ᠤ ᠵᠥᠪ ᠢ ᠪᠢ ᠵᠢᠷᠦᠬᠡᠨ ᠳᠡᠭᠡᠨ ᠨᠢᠭᠤᠳᠠᠭ ᠦᠭᠡᠢ ᠲᠠᠨ ᠤ ᠢᠲᠡᠭᠡᠮᠵᠢᠲᠦ ᠪᠠᠢᠳᠠᠯ ᠬᠢᠭᠡᠳ ᠠᠪᠤᠷᠠᠯ ᠢ ᠪᠢ ᠢᠯᠡᠷᠬᠡᠶᠢᠯᠡᠳᠡᠭ᠌ ᠲᠠᠨ ᠤ ᠬᠠᠢᠷᠠ᠂ ᠲᠠᠨ ᠤ ᠦᠨᠡᠨ ᠢ ᠪᠢ ᠶᠡᠬᠡ ᠴᠢᠭᠤᠯᠭᠠᠨ ᠠᠴᠠ ᠨᠢᠭᠤᠳᠠᠭ ᠦᠭᠡᠢ᠃
11 ᠶᠣᠬᠣᠸᠠ᠂ ᠲᠠ ᠥᠷᠥᠰᠢᠶᠡᠯ ᠢᠶᠡᠨ ᠨᠠᠳᠠ ᠠᠴᠠ ᠪᠦᠦ ᠵᠠᠢᠯᠠᠭᠤᠯᠤᠭᠠᠴᠢ ᠲᠠᠨ ᠤ ᠬᠠᠢᠷᠠ᠂ ᠲᠠᠨ ᠤ ᠦᠨᠡᠨ ᠦᠷᠭᠦᠯᠵᠢ ᠨᠠᠮᠠᠶᠢ ᠬᠠᠮᠠᠭᠠᠯᠠᠭ᠃
12 ᠦᠨᠡᠬᠡᠷ ᠲᠣᠭᠠᠯᠠᠰᠢ ᠦᠭᠡᠢ ᠪᠡᠷᠬᠡ ᠨᠠᠮᠠᠶᠢ ᠲᠣᠭᠣᠷᠢᠪᠠ ᠨᠢᠭᠦᠯ ᠳᠡᠭᠡᠨ ᠨᠡᠬᠡᠭᠳᠡᠵᠦ ᠪᠢ ᠬᠠᠷᠠᠵᠤ ᠴᠢᠳᠠᠬᠤ ᠦᠭᠡᠢ ᠪᠣᠯᠪᠠ ᠨᠢᠭᠦᠯ ᠮᠢᠨᠢ ᠲᠣᠯᠣᠭᠠᠢ ᠶᠢᠨ ᠦᠰᠦᠨ ᠡᠴᠡ ᠴᠤ ᠣᠯᠠᠨ᠂ ᠵᠢᠷᠦᠬᠡ ᠮᠢᠨᠢ ᠴᠤ ᠮᠣᠬᠣᠵᠠᠢ᠃
13 ᠶᠣᠬᠣᠸᠠ᠂ ᠨᠠᠮᠠᠶᠢ ᠲᠠᠭᠠᠯᠠᠵᠤ ᠴᠢᠯᠥᠭᠡᠯᠡᠭᠡᠴᠢ ᠶᠣᠬᠣᠸᠠ᠂ ᠨᠠᠳᠠ ᠳᠤ ᠲᠤᠰᠠᠯᠠᠬᠤ ᠪᠠᠷ ᠬᠤᠷᠳᠤᠯᠠᠭᠠᠴᠢ᠃
14 ᠠᠮᠢ ᠶᠢ ᠮᠢᠨᠢ ᠠᠪᠬᠤ ᠪᠠᠷ ᠬᠠᠢᠭᠴᠢᠳ ᠪᠦᠭᠦᠳᠡᠭᠡᠷ ᠢᠴᠢᠵᠦ ᠭᠤᠲᠤᠭ ᠰᠦᠢᠷᠡᠯ ᠢ ᠮᠢᠨᠢ ᠬᠦᠰᠡᠭᠴᠢᠳ ᠰᠢᠪᠰᠢᠭ ᠪᠣᠯᠵᠤ ᠤᠬᠤᠷᠢᠭ
15 ᠨᠠᠳᠠ ᠳᠤ 《ᠬᠠ᠂ ᠬᠠ︕》 ᠭᠡᠭᠴᠢᠳ ᠢᠴᠢᠭᠦᠷᠢ ᠪᠣᠯᠵᠤ ᠪᠠᠯᠠᠮᠠᠭᠳᠠᠭ᠂
16 ᠬᠠᠷᠢᠨ ᠲᠠᠨ ᠢ ᠬᠠᠢᠭᠴᠢᠳ ᠨᠢ ᠪᠦᠭᠦᠳᠡᠭᠡᠷ ᠲᠠᠨ ᠤ ᠳᠣᠲᠣᠷᠠ ᠪᠠᠶᠠᠷᠯᠠᠨ ᠪᠠᠶᠠᠰᠤᠭ ᠲᠠᠨ ᠤ ᠠᠪᠤᠷᠠᠯ ᠢ ᠬᠠᠢᠷᠠᠯᠠᠭᠰᠠᠳ ᠴᠠᠭ ᠦᠷᠭᠦᠯᠵᠢ 《ᠶᠣᠬᠣᠸᠠ ᠠᠭᠤᠤ》 ᠭᠡᠯᠴᠡᠭ᠂
17 ᠪᠢ ᠦᠭᠡᠭᠦᠦ ᠶᠠᠳᠠᠭᠤ᠂ ᠡᠵᠡᠨ ᠨᠠᠮᠠᠶᠢ ᠰᠠᠨᠠᠬᠤ ᠪᠣᠯᠲᠤᠭᠠᠢ ᠲᠠ ᠯᠠ ᠮᠢᠨᠦ ᠲᠤᠰᠠᠯᠠᠮᠵᠢ᠂ ᠮᠢᠨᠦ ᠠᠪᠤᠷᠠᠭᠴᠢ ᠪᠤᠷᠬᠠᠨ ᠮᠢᠨᠢ ᠡ᠂ ᠪᠦᠦ ᠬᠣᠢᠰᠢᠯᠠᠭᠤᠯᠤᠭᠠᠴᠢ᠃